*..*..* لـــيلــــي حـــزيــــن *..*..*

#1 (**permalink**) 03-08-2007, 11:57 AM


	....* لـــيلــــي حـــزيــــن ....* * كلّ ماقلت بمسـح زلَّتِـك وانتسيهـا وكلّ ما جيت اداوي قلبي اللي انكـوىْ نقَّض جروح قلبي البايـده كـلّ ابيهـا جرح حضرة جنابك..وش يفيد الدَّوىْ..؟ دُوْكْ..هذي دموعي..عن عيوني انشديها ليش ساحل عيوني عقب جَفّْ ارتوىْ..؟ ليش فصل الخريف بقسوته يعتريهـا..؟ ليش رمشي تِكَسَّرْ..؟ ليش جفني ذَوَىْ..؟ ليش نبضات قلبـي موتهـا يحتريهـا..؟ كيف قلبي تحطَّم وانكسَـر وانطـوىْ..؟ دُوْكْ همسات قافـي تنشِـدِكْ جاوبيهـا عن همومٍ بصدري كُبْرْ وادي طِـوىْ..؟ تنشِدِك عن وعودِك ليش ما تنجزيهـا..؟ ليش تهميش صَبٍّ يحفظـك بالهـوىْ..؟ ليش رُمْح الجفا فـي العاطفـه تغرزيهـا في خفوقٍ يشيل من الهوى ما حَـوَىْ..؟ كان مالِك هوىْ فينـي فـلا تِكْتِميهـا إعلنيهـا صريحه..كـان قلبِـكْ نَـوَىْ عالفـراق وسفينـة حلمنـا تغرقيهـا كِنّْ متن السفينه ما جمعنـا سـواْ...!! ....* مِزنةٍ ما تِكِنّْ الغيث وش عاد فيها..؟...!! غير ظِـلٍّ يزول..وغيـر حبـس الهـواْ سِدْرَةٍ حاد عنها الوَبْلْ وش يحتريهـا..؟ غيـر مـوتٍ يهـلّ اوراقهـا والنَّـوىْ والبِحـار العميقه..لـو تأمَّلْـت فيهـا مِنْ عَطَشْ لو شربها كلَّها مـا ارتـوىْ ....* من يروم الليالي كيـف مـا يشتهيهـا جَفّْ غُصْنَهْ بهمٍّ فـي الظلـوع التـوىْ ....* أَتِصَبَّرْ وعيني قِـدْ طغـى الحـزن فيهـا وِفْ خفوقي تِوَقَّـدْ صاليـات الجـوىْ شوَّهتني طعونٍ طـال صبـري عليهـا عقب صافي المودّه..ذقـت مُـرّْ النَّـوىْ ....* ويوم جيتـه بقلـبٍ نـاويٍ ينتسيهـا جيت ولقيت قلبي فـي طُعُونـه خَـوَىْ عجِّلي يامَنيَّـهْ..دوك روحـي انزعيهـا أخير من المذَلَّـهْ باسـم جـرح الهـوىْ ....*

اخوووكم

الموااادع

أدوات الموضوع
عرض نسخة للطبع إرسال هذه الصفحة إلى بريد إلكتروني
أنماط العرض
النمط الخطي الانتقال إلى النمط المختلط الانتقال إلى النمط الموضوعي