كيف تصطادين المعرس دون اللجوء إلى الأساليب الحديثه من المغازلات والترقيم والتلميح الي ماله سنع والترزز بالأسواق....................إلخ
نشني على العجوز اللي حاطه عينك على ولدها ثم نفذي مايلي ::
1/خليكي مع أمك ولاتروحين مع البنات ولاتتهيبلين وإصبري عنهم كم شهرلين تتم العملية.
2/إمشي وأنتي حاطه راسك بين كتوفك ولا ترفعينه أبد حتى لو عورك وخلي الفكس في متناول يديك.
3/كلمة" خالة"خليها دائما على لسانك خاصة لأم المعرس علشان تحس نوع من التميز عن باقي العجايز .
ملاحظة::لامانع تنادين عجوز ثانية ياخالة علشان إذا مانجحت الخطة مع العجوز نمبر 1 تنجح من نمبر 2 الإحتياط واجب وأنا إختك.
4/إذا بدأت أمك تتكلم إنغزيها بكوعك علشان تدخلك بالسالفه حتى لو مالك داعي تطبيقا للمثل ((كثر الدق يفك الللحام))
داريه المثل ماله داعي بس مالقيت غيره.
5/إخوانك الصغار لاحقيهم وطامري معهم وين مايروحون حتى لو ماهي عادتك بس تصرفي معهم كإنك أمهم علشان العجوز تاخذ فكره إنك حريصه على ذريتك .
6/كل ماأكلت أمك من أكله زينه خليها تقول نفس الأكله اللي تسويها بنتي حتى لو الأكل من مطعم صيني أو مكسيكي .
7/إذاجيتي تمدين إيدك توجعي وخلي أمك تقول قايلتلك وأنا أمك ماله داعي تنظفين جدران البيت الخارجية (أقول نظفي غرفتك أول اللي تقولين صايره فيها قنبلة ذرية).
8/إذا تكلموا الحريم عن العرس إكتمي نفسك لين تحمر خدودك علشان يقولون البنت تستحي ومالنا حق تكلمنا عندها (بس لاتكتمي نفسك مره أخاف تروحين فيها وأصير قتلت نفس بغير حق)
9/مهما كان موضوع الحوار حماسي لاتبدين رأيك خليك مثل البكماء لأن اللقافه تجيب أجل الخطة.
10/شعرك إفرديه ولاتخلينه طاير ولاتجعدينه مهما كانت الموضة لأن العجايز مايدورون إلا اللي شعورهم ناعمه.
11/إذاأدلت العجوز (أم المعرس المتوهق)بأي رأي سواء سياسي وإلا وطني وإلا إقتصادي وافقي عليه حتى لو إنه ماسخ وماله داعي
مثال::تقول العجوز ،،بوش متقهوي عندنا البارح قولي لها ليه ماعلمتينا ياخالة نجي نساعدكم.
12/في العرس إضغطي على نفسك وإقضبي أرضك ولاترقصين وإعتبري إن الرقص عيب وشق جيب .
13/إذاجاء طاري السوق وهو لازم يجي الطاري لأنه ملح الجلسه عند الحريم وخلي أمك تقول :بناتي مايحبون يطلعون للسوق أبوهم هو اللي يجيبلهم أغراضهم.
الحين العجوز بتكون وقعت في الفخ ونروح للمعرس الحين====>
1/إهجدي في بيت أهلك ولاعاد تطلعين وإذا جاء المعرس يشوفك عند أبوك يقول والله ودي تشوف البنت دون ماتدري علشان تاخذ راحتك وأنا عمك وبعد تشوفها على الطبيعة وماتقول غشتوني (إيه هين يهاالشايب والله لوبيدك إن تحط مكانها باسكال مشعلاني )
2/قبل يجي اليوم اللي بيشوفك فيه حوالي أسبوع أوأكثر (حسب شين الوجه) طامري من صالون لصالون (((صبغ،فرد،تنظيف بشرة،.....إلخ)))
إذاجاء المعرس خلي أخوك يوقف بجنبه علشان مايطيل التبحلق ويبان المستخبي وذلك لنظرية (اللمحة ذبحة).
4/في نهاية المشهد خلي أبوك يقول:ماعليش وأنا عمك ترى البنت شوي محيوسة (ماعليه يهاالشايب تنصب على هاالمسكين) وبها اللحظة الولد بينط على راسه ويبوسه إلين يشرب مخه ويقول :متى العرس ياعم؟!!!!!!!!!
تحذير مهم:::إبتعدي عن أمهات العيال المتعلمات راعيات الشنطة نفس لون الجزمه هذولا يبي لهم خطط بعيدة المدى...............

هههههههههههههههههههههههههههههههههههههههههههههههههه ههههههههههههههههههههههههههههههههههههههههههههههلووو ووووووووووووووووول


ماتزوج ولا اسوي كذاااااا

رووووووووووووعه يعطيييييييييييييك العااااااااااااااااااافيه

__________________

الله يعافيك ياشقليطه على مروورك الرائع
أجل رأيك نخلي العرس لأهله
النصايح هذولي لكل وحده مستعجله على العرس

هههههههههههههههههههههه
ابطبع هالنصايح بورقة
وكل ماجيت بسوي شيء أطلعه اقرأ التعليمات
والله على قولت شقليطة بيتنا ولا أسوي كذا
هذا تعذيب مو ترغيب ..

يسلموووو ..

__________________