 لاتخليني على الدنيا وحيد
طالبك خذ قلبي معك لاتخليه
اخذه ترا ماعادلي فيه حاجه
لاصرت عني مبعد ايش ابي فيه
خله معك مادام صعب نتواجه
اول خفوقي صوتك العذب يحييه
واليوم ماحصلت غير انزعاجه
نوره طفى من عقب ماكنت مضويه
بعقبك خفوقي بات مطفي سراجه
مالي مزاج احب غيرك واحاكيه
حتى لو اني كنت داخل مزاجه
غلاك مهما كان ماني بناسيه
منساه لو غيرك ضحك لي حجاجه
انت بحياتي وين ملرحت الاقيه
القاك في حزن العمر وابتهاجه
اموت في جرحك واحبه واداريه
وخايف مع الايام القا علاجه
كن النظر من يوم ماغبت معميه
احرجت قلبي وانت سبة احراجه
كمل جميلك طالبك لاتخليه
اخذه ترى ماعاد لي فيه حاجه __________________
الحياة دمعتان
دمعة عند اللقاء و دمعة عند الفراق | 
أنت غير مسجل في منتديات توب نجد . للتسجيل الرجاء إضغط هنـا 
العرض العادي
