 رسالة جوال
جتني هواجيسي تسابق طوابير
ثم انفتح قدام عيني مية باب
مدري تدور شر والا تبي خير
بس الاكيد ان البلاء بعد الاحباب
واخذت ساعه بين سجه وتفكير
وسطرت سيرة حالتي داخل كتاب
عنوانه الغربه وطول المشاوير
والهم والحرمان من ضمن الاحزاب
خطه يفسر كل الاحوال تفسير
ويعد دقات الزمن عد وحساب
غربة زمان ولا تفيد المعاذير
من حرها قلبي على ضلعتي ذاب
وقل الوصال اللي تعذر عن السير
رحنا تقول من البطاء قوم واغراب
والهم سبب لي مشاكل وتكدير
شيب برمشي قبل راسي انا وشاب
ويزيدها الحرمان حزن وتعاسير
اللي طواني لين عضيت الانياب
لولا الصبر يمدي حشايه عشاء طير
لكن ضلوعي كلها ضد الاصعاب
اكافح الدنيا علي كل تقدير
اضحك واخفي عبرتي تحت الاهداب
من الا صبر فوق الزمن والمقادير
والله لياكل فوق لحيانه اتراب
قلته بعد ماشفت كل التعازير
وايست من طول الرجاء والامل خاب | 
أنت غير مسجل في منتديات توب نجد . للتسجيل الرجاء إضغط هنـا 
العرض العادي
