هذي قصه واحد رايح
يراجع الجوازات
وهي كالتااااالي:-
يبدا يسولف عن حاله يوم انه صغير ويقووووووول:_
بصراحه انا من زمان ومن يوم اني بزر (يعني
صغير ) واناماادري ليه كثيرين يتضايقون من ذكر أسم امهاتهم..
لا ومن زين الطبايع اللي يشوف اسم امه زين
علشان يغار عليه تلقاهـ يالولوة ولا حصه ولا فهيده
وعيب وياويله ويلاه من يتجرأ ويقول أسم امه
في احد الصيفيات رحت للجوازات ابي اطلع جواز
سفر..واروح بالسياره
في عز هالقوايل لمبنى الجوازات..واعبي كل
البيانات..واجلس امسك
سرا وانتظر دروي..احتري رقمي يطلع..
اخيرا وبعد فترة جا رقمي وافز
اقول..دوري..دوري واجيك نافخ صدري
واطالع بالضابط ويقولي:
الضابط: عطني الملف والصور <===طبعا نفسيه
انا: سم طال عمرك..الله يخليكم لنا ان شاء الله
الضابط: وين الصور
انا: خذ هذي هي
الضابط: وليش مو كامله اذانك طالع نصها بس
انا: وش اسوي عندي صور4 × 6 وبصراحه عجزت اعفط
فيهم مع المصور ولاجت معنا ماطلع الانصها
بس هذي صوره ثانيه كاتب عليها (يتبع) الاذان..
الضابط: تستخف دمك الحين
انا: لا اقص قصتي مع الصوره (امممممعععق ابلع ريقي )
الضابط: طيب وش اسم امك؟؟
انا: لاياشيخ ..علمني انت اول وش اسم امك
وبعدين اقولك
الضابط: (طالعني بعين قوويه وانا ابلع
ريقي..اقول وش اسم امك
لاارمي هالملف بوجهك
انا: يؤ..ليش طيب هي اللي بتسافر والا انا..وش
دخلكم بامي..والله قلة ادب
الضابط: بتقولي والا ضف وجهك يالله
انا: لاخلاص اسمها..(واتلفت يمين ويسار..واسكت)
الضابط: وش فيك سكت
انا: اصبر خل الهندي اللي معه شاهي يمر..لايسمع بعد هو اسم امي
والله قهر عاد!! اسمها نوره
الضابط: اخيراااا الله ياباسكال هالحين
انا: وش تقول..... لالالاولاشي
عطاني الملف وانا اضحك تدرون ليه؟؟
لاني لعبت عليه ماقلت له اسم امي الصحيح
وطلعت وقالي رح للحاسب الالي دقق
المعلومات..واروح وامسك سرا
والله زحمه..يوم جا دوري جلس يدقق على
الجهاز..وانامغطي اسم امي
باصبعي الكبير..قال لي الموظف..وين اسم امك
قلت: اوووووه بعد انت والله فضحتونا
قال: ياخوي المعلومات ماهي متطابقه مع بطاقة
العائله..اسم الوالده
متغير..ارجع للضابط وعدلوا اسم امك
انا: اووووه والله حاله كل هالتعب وارجع مره
ثانيه..والله الفشيله
وش بيقول الضابط هاللحين
وصلت للضابط بعد مامسكت سرا ثاني..ويوم جا دوري
قال الضابط: هاه
وش جابك بعد؟
انا: ابد..عدل اسم الوالده
الضابط: ليه موصحيح
انا: بصراحه لعبت عليك هي اسمها مزنه
الضابط: طيب وش حادك على الكذب..من زين امك
عاد
انا: لاياشيخ احسن من امك
وعطاني الملف وجلست اقراه ادقق..وجا بعدي واحد
وقال له الضابط
وش اسم امك..وقال له الرجال..مزنه
والتفت عليه وقلت له تتطنز انت ووجهك (احسبه
يتكلم عن اسم امي )
وامسكه مع رقبته ومع ثوبه وارفعه شبرين
عن الارض وقلت يوم انك تعرف اسم امي وراك تتطنز
قدام الله وخلقة. .
ويقوم الضابط ويصكني كف طير كل الاوراق اللي
معي وهو يقول انهبلت
ياخوي اسم امه مزنه زي اسم امك وش دخلك
بالسالفه!!.
.وانا جالس ادور اوراقي ماابي احد يشووف اسم
امي..ويصكون الشعبه ويجون
الشرطه وياخذوني للتوقيف ..وجلسوا يحققون معي
ووين اوراقك
وانا ازاعق واصارخ للي تحت واقول : بذمتكم اذا
احد شاف اسم امي اضربووهـ
ويجي الهندي وهو شايل الاوراق..قلت والله قهر حتى
هالهندي شاف اسم امي.. .
والله واطلع من الجوازات لا جواز ولايحزنون
يعني خرجنا من المولد بلا حمص
وتوته توته خلصت الحتوووووته
أنت غير مسجل في منتديات توب نجد . للتسجيل الرجاء إضغط هنـا 
هذي قصه واحد رايح يراجع الجوازات ..,, 
العرض العادي
