عرض الإصدار الكامل : بدرر بن عبدالمحسن حياته واشعااارره؟؟؟؟
الموااادع 03-04-2007, 03:57 PM لرسام والشاعر الامير بدر بن عبدالمحسن بن عبدالعزيز ,,
مدرسة شعرية ظخمه ذات أسلوب خاص ,, تخرج منها رواد من الشعراء .
البدر شاعر لا ينافس إلا نفسه ,, شاعر يكتب الشعر ليس فقط للقراءة إنما أيضا للتأمل .
من منا لم يرتوي من أشعار مهندس الكلمة البدر
شاعر تحدث في قصائدة عن الحياة والزمن والأمل والحب ,,
عند تأملك لأشعار البدر تجد انها اقتبست من حياتك تجد نفسك فيها
تذهب بك إلى عالم آخر لم تعيش فيه من قبل ,,
ولد شاعرنا صاحب السمو الملكي الأمير بدر بن عبدالمحسن بن عبدالعزيز ال سعود بمدينة الرياض بحي الفوطة في الثاني من ابريل عام 1949 م , وهو الابن الثاني من الأخوة بعد سمو الأمير سعود بن عبدالمحسن ...
والد البدر .. عبدالمحسن بن عبدالعزيز :
( كان ولد البدر , عبدالمحسن بن عبدالعزيز حريص كل الحرص على نشأت أولاده وتعليمهم
كان محب للعلم والأدب وكما انه شاعر مبدع , وكان مجلسة يظم وملئ بالعلماء والأدباء و كبار المفكرين في ذالك الوقت ,, وأثر ذالك على البدر بعد الله في حبه للشعر والأدب ....
تولى والد البدر أمارة المدينة المنورة في ربيع الثاني عام 1385ه , وكان له الأثر واضح في التوسع والتقدم العمراني , ومعروف بلين الجانب لأهل المدينة على لقاءهم ومجالستهم ,, وطوال مدته كان حريصا على متابعة الأمور في موقعها .....
وفي عام 1402ه داهمه المرض وأشتد عليه ونقل إلى مستشفى الملك خالد ب الرياض , حيث صارع المرض لمدة سنتين ووافاه الأجل عام 1405ه - رحمة الله –
وقد أرثا فيه البدر بقصيده غزوك يا شيخ انكف ,,
ووالدة البدر هي : الأميرة وضحى الحمود الرشيد – رحمها الله - )
درس البدر المرحلة الابتدائية بين الممكلة ومصر , والمتوسطة في مصر بمدرسة الملكة فيكتوريا بالإسكندرية ,, ومرحلته الثانوية في الممكلة وكما درس أيضا في لندن وأمريكا
واستفاد من وجوده في بعض الدول من مقابلة بعض اكبر المفكرين والأدباء , وفي مطلع السبعينات أصبح أبو خالد رئيس للجمعية السعودية للثقافة الفنون .
نبذة عن حياة البدر بلسان البدر :
فوضى من ذكريات الطفولة ...
ليست بداية لسيرة ولا نواح على ماضي ، وإنما هي رغبة دفينة في أن أبوح برجعيتي .. وبأنني" إنسان قديم " .
(الفوطة ) .. أبنية طينية .. مشبع طينها من الخارج بالتبن .. وداخلها مطلي (بالجص) الأبيض .. أتذكرها جيداً إننا كنا نقضم هذا الكلاء بأسناننا ونحن أطفال .
ولدت هناك .. في الفوطة... وفي الدور العلوي
تقول أمي رحمها الله ... أن العديد من الأمهات فارقن الحياة أثناء الوضع في السنة التي ولدت فيها ... وأنها كانت قلقة .. لكن ولادتي كانت يسيرة
وعيت على أشياء كنت اعتقد انني وعيت عليها .. ولكن التواريخ تثبت استحالة ذلك .
اعتقدت أنني أذكر جيداً الملك عبدالعزيزّ وقد توفي رحمه الله وعمري أربع سنوات .. ولكن يبدو أنني كنت اتخيل هذا الرجل الكبير بسبب وجوده بيننا بعد وفاته .
ووعيت على نفسي .. وأنا طفل يتعثر في كلامه .. وعلى ملامحه شيء من البلادة والخجل .
كان " أبو سعد" يشتري ما يلزم البيت من مواد غذائية .. وصويلحة " تطهو طعامنا ، وبجانب القرب الضخمة التي يوضع فيها الماء ليبرد ، كانت "سلامة" تغسل شعري بالسدر وتدهن وجهي بالفازلين لتخفف من الشقوق الصغيرة التي يتركها البرد والجفاف على جلدي .
ومازلت أتحسس أثر كي عتيق في عنقي من الخلف ، لا أذكر حادثة الكي ولا سببها ، كان عمري سنة أو أقل .. ويبدو أنني كنت مريضاً ليضعو ذلك المعدن الملتهب على لحمي .
في ربيع معشب ها جمتنا آلاف الأسراب من الحشرات ، لم يكن الأمر عادياً .. بل كان سريعاً ، وما زلت اتخيل الساحة الواسعة داخل منزلنا وقد تحولت إلى بساط أسود من الحشرات .
كانوا يحشون فتحات الأبواب السفلية بالخيش كي لا تلج أمواج الحشرات داخل الغرف ..
كنا في سلام
مع الظلام والشمس الحارقة والجن والغبار
وكنا قد بدأنا
نكتشف " البنسلين " كمضاد حيوي وحيد يشفى كل شيء
وكنا نموت
من أمراض تعد على الأصابع
كانت القصائد قد أخذت تغفل الغزل والجمل وتتحدث عن العربة وستائرها المخملية التي خلفها " النواعس السود "
وكانت كل قصيدة تعرف في من قيلت دون أن يغصب أحد
وكم تمنيت أن أكبر وأحب وأكتب قصيدة جميلة في الحبيبة .
كبرت وكتبت قصائد كثيرة
ومازلت اصر أن قصائدي لم تكتب لأحد !
كنت أسمع " الكبار " يناقشون أشياء كثيرة ، ويتطرقون للسياسة ، ولا يخفون حماسهم لكل حركة تحررية تحدث في العالم العربي وفرحهم بها .
كنا نحس أن كل من قال : أنا عربي ، هو منا ، إلى أن صدمنا أن هناك عرب .. وعرب !
مازلت اتذكر حماسي منقطع النظير عندما حدث العدوان الثلاثي على مصر بعد تأميم قناة السويس ، وكيف كنت أسمع الأخبار والأناشيد الحماسية من المذياع الذي في غرفة "صالح العنبر" .. ثم أذهب لأقص كل ما سمعته على " العجائز " أو أمهاتي اللواتي يرافقن والدتي رحمها الله " وهن يجلسن في ظلال البيت في الصباح ، وكان ولدي عادة غير جيدة حين ينشغلن عن حديثي في أمر آخر ، وهي إنني اضع إصبعي على ذقن من تواليني منهن وأجذب وجهها ناحيتي كي أكمل موضوعي الذي لا ينتهي ، " هذه مرحلة ما بعد البلادة والتعثر في الكلام " .
وأنا في "الفوطه " وعيت على كوني (ابن سعود )
ولاحظت أن الأطفال في الشارع لم يضعوا ذلك في حسبانهم كان أسلوبهم الفظ يشملني ونحن نلعب ربما تكون أول مره اعرف فيها معنى أن تكون ( ابن سعود).. ذهبت في العيد للسلام على الشيوخ وأعطيت جنيهين من الذهب وضعتهما في جيب ثوبي العلوي ... وحين خرجت استقبلني مرافقنا ( ناصر) وقال ( الحذيه ) وهي تعني انه يطلب مني أن أعطيه الجنيهين ، أو أحدهما على الأقل واشرت إلى جيبي العلوي فاخذ ( ناصر ) عيديتي ... وقد أدركت بعد تلك الحادثة أن من حقي أن احصل على أشياء مادية اكثر بكثير من أي طفل عادي ... ولكن لم يكن لي الحق في أن احتفظ بها ...
الشيخة ( بكسر الشين ) سيف ومنسف ... لا ادري إن كان هذا متل عند أهل نجد أو شرط ... ولكن الأكيد آن المشهورين من الرجال في الجزيرة العربية كانوا إما كرماء أو شجعان ...
كان من حقي وأنا طفل أن أتخيل أنني الإمام تركي بن عبدالله ... أو عبيد العلي الرشيد ... وحين أضع رأسي على الوسادة احمل سيفي ( الأجرب ) وافتح المدن ... واحرر القرى ... أو أن امتطي صهوة ( كروش ) واخوض المعارك وأنا أشدو بأجمل ( حداء ) في الدنيا ... كان بالإمكان أن يستمر ذلك الحلم لولا تدخل ... هتلر ... ومونت جمري ... وماك أرثر ... ومعرفتي المفاجئة ( بالايس كريم ) واكسفورد ستريت ...
رومانسيتي بدأت بعد أن تخطيت الثانية عشرة من عمري ... أما قبلها فلم يكن لي أي علاقة بالرومانسية ... كنت طفلا قاسيا ودمويا في بعض الأحيان اذكر إننا كنا نربي ( الحمام ) أو بالأصح أخواتي يربون الحمام وأنا أحاول أن اشوي بعضها حيا .. وفي العاشرة من عمري امتلكت بندقية وكان هذا أمر مؤسف لكل أنواع الطيور و الحيوانات إنما بعد الثانية عشرة تغيرت الأشياء وتحولت إلى فتى حالم وعاشق يمتلك شفافية كبيرة ...
يخيل لي أنني ولدت في مرحلة انتقالية وتغيرت الدنيا بعد ولادتي بسرعة رهيبة ( ليس لولادتي بالطبع دخل في هذا ) وان كنت ولدت في بيت من الطين ففي التاسعة من عمري كنت ادرس في مدينة الإسكندرية في مصر .. وفي الثامنة عشرة من عمري كنت في فرانسيسكو في أمريكا ..
في السابعة عشرة من عمري كتبت هذا الشعر :
احد هوايات البدر منذ نعومة اضافرة الرسم وقال عن نفسه أنا أرسم قبل أن أكون شاعرا و أرسم منذ الصغر , ورسمي يشبه قصائدي و الظاهر أني لا أجيد غير الشعر ولو ما كتبت الشعر لأصبحت رساماً ...
ومن هواياته بعد القنص وصيد الحباري ,, وسناويا يقوم البدر برحلة صيد في احد مناطق المملكة ......
أهم أعمال البدر – وأول أمسياته :
من أهم أعمال مهندس الكلمة الأمير بدر بن عبدالمحسن أوبريت فارس التوحيد لمهرجان الجنادرية 14 السنوي حيث حصل الاوبريت على جائزة مهرجان القاهرة للإذاعة والتلفزيون ,, وابريت الجنادرية أل 7 عام 1412ه بأسم وقفة حق ,, وايضا أبريت ذهب الملوك بمناسبة مرور عشرين عام على تولي الملك فهد حفظة الله مقاليد الحكم ,, ويتكون الاوبريت من ثلاث لوح ... ومطلعها :
جيت .. من حر وبراد..
جيت من جوع وظمى ..
جيت من فتح وجهاد ..
جيت من ازكى دمى ..
وعاظني رب العباد ..
عاظني خير ونما ..
واجتمع سيف وحصا ..
انما كيف اقول انك بلاد ..
وانت يا ارضي سما ..
عشرين عامٍ للفهد ..
عشرين مجدٍ للوطن ..
كفٍ بنت هذي البلد ..
وكف ابعدت عنها المحن ..
عشرين عامٍ كلها ..
إصرار وأعمار وعمل ..
المملكة في ظلها ..
يضرب بها أجمل مثل ..
كانت أول أمسيات مهندس الكلمة التي قام بها في مدينة جدة بنادي الاتحاد , وبعد ذلك تتابعت الأمسيات لسموه في البحرين عام 1988م – ودولة الكويت عام 1987م امسية نادي الفتاة وكانت عريفة الأمسية منى طالب , وامسية ما بعد التحرير عام 1992م وألقى بها العديد من القصائد الوطنية والعاطفية ....
شملت مدرسة البدر العديد من الجوانب الشعرية من اوبريتات وقصائد وطنية ومرثيات .. طبعا ومغناه بعد .
ومن أهم وطنيات البدر : قصيدة الله أحد ..
ومن اهم مرثيات البدر : قصيدة صار الحكي كنه سكوت في الملك خالد طيب الله ثراه .. وقصيدة مشعل الدين في سماحة الشيخ عبدالعزيز بن باز – رحمة الله
ما ينقش العصفور في تمرة العذق ...
هذا هو الديوان الأول لسمو الأمير بدر و الطبعة الأولى صدرت في عام 1409 ه الموافق 1989 م ، و يحتوي على 159 صفحة من الورق الفاخر ، ولقد كتب مقدمته الدكتور فهد العرابي الحارثي ، و يحتوي على مجموعة من القصائد النبطية و العامودية و الحرة، كما انه يحتوي على العديد من اللوحات التي رسمها البدر ..
رسالة من بدوي ...
هذا الديوان الثاني لسمو الأمير بدر و الطبعة الأولى صدرت في عام 1410 ه الموافق 1990 م ، ويحتوي على 101 صفحة من القصائد النبطية فقط ، و قد اهداه سموالأمير بدر الى والده الأمير عبد المحسن بن عبد العزيز- رحمه الله - و كتبت قصائد هذا الديوان بين عامي 1388 و 1410 ه و تصميم الغلاف و خلفية القصائد بريشة الأمير بدر بن عبد المحسن ..
لوحة ربما قصيدة ...
هذا الديوان الثالث لسمو الأمير بدر بن عبد المحسن وهو ديوان يحتوي على العديد من القصائد الجميلة و التي كتبت بخط يده وزينتها لوحات رسمها البدر بريشته، يحتوي على 72 صفحة من النوع الفاخر ما بين قصيدة و لوحة، طبع في عام 1416 ه و خصص ريعه لصالح الأعمال الخيرية ..
قصائده التي لم تكتمل :
اضحكي ما عليك من الحكي ..
إنتي أجمل من وطى فوق الثرى ..
وإنتي أجمل من نظر عينٍ تشوف ..
يا ترى وش سبب حزنك وخوفك ..
إضحكي ..
كنا ما بين الحكي .. والسكوت ..
اظهر اشواك الخصام من قلبي واشفاهي
ناظرتني بطرفها الساهي وقالت :
لو تفارقني اموت ..
وافترقنا .. لا لقا .. لا رسايل .. ولا صوت ..
وكنت أسال دايم أسأل
يا ترى وش صار فيها !؟
قالوا ( تزقح ) ماعليها .. صارت أجمل ..
ابتسمت وقلت هذا اللي ابي ..
بس ..
كيف أنا صدقت يوم قالت بموت
الصحيح .. إني غبي
نستاهل الحب ..
ونستكثر العطا ..
ماهو صحيح .. ولا عدل ..
لا تزعلي ..
هذا العتاب المر لي ..
إنتي الصواب وانا الخطا ..
الخوف ظلما .. والقلوب أطفال
والشك سيفٍ .. يقطع الآمال
والهوى ملح الليالي .. وأجمل الأقدار
عنه لا تسأل حبيبي .. وفيه لا تحتار
العمر واحد .. والليالي قصار ..
اخوووكم
الموااادع
الموااادع 03-04-2007, 03:59 PM شعرررررررررررررر الامييرررررر بدر بن عبدالمحسن
سارة
من كتب الحب العتاق ، وتاريخ القراق
وستاير الدمع الرقاق ..
جمعت قلبي غبار ، وقطع فخار ..
ومن على المرمر البارد ..
ومن ما نسته النار ، من غيمي المحروق ..
وحملت عيوني وركبت أول سفينه تبحر ..
على وجهي الاصفر ، خريف طال ..
وسلال من رذاذ وملح ..
وفي صدري حجارة نسيوها بحاره ..
مروا علي فـ يوم ..
وقالوا تعال معنا ، وما كان يجمعنا ..
إلا الضياع والريح ..
راجع من الايام ، من الاحلام ..
ومن الف سناره ، مغروسة بقلبي
لقيت لي بشارة ، ما اغلى عطا ربي ..
أثر العمر ساره ، وموج البحر ساره ..
وكل المدى ساره ..
سافرت كل العمر ، وراجع احب سارة ..
اخوووكم
الموااادع
الموااادع 03-04-2007, 04:02 PM بيض الردون
يبني السراب خيامها
وسط الخلا واقدامها
تنبت عشب وتمطر غمام
لامن لمحت اثارها
يطري علي عشق الخلا
وقصيدةٍ لبن غيام
في حومة العقبان
في الازرق ، الازرق
شمس الضحى جمره
شفت الندى يعرق
في وجنة النوار
بدخل تحت سدره
وما سحت الاغصان
من ظلها البارد
على الثرى الممطور
واطلق عيوني طيور
وانا على المشراف
ومن حاجر به شيح
جول الحباري طار
ريشه يخض الريح
خض البحر مجداف
وين انت يالصقار
جول الحباري طار
بيض الردون طيري
برقة جناحك لي
وحتوفك لغيري
اخوووكم
الموااادع
الموااادع 03-04-2007, 04:04 PM أرقام
في آخر الصفحه يسار
خبر صغير .. حادث قطار .. مات أربعة ..
مكتوب في السطر الأخير ..
باقي التفاصيل .. في الصفحة العشرين ..
على الثرى .. وبين الورق ..
أجسادهم امقطعة ..
الأربعة .. لجل المساحة ماتشيل ..
وفي باقي الصفحة صور ..
فنان .. وحصان .. و كور ..
وابحث عن الخبر الحزين ..
في نهاية الصفحه يمين ..
حادث قطار ..
ماتوا ثلاثة وطفل ..
وباختصار .. شديد .. شديد ..
كان القطار .. هو الوحيد ..
اللي بأسم ..
بلا ملا مح .. أو أسامي ..
ليه كلنا نموت ..
ليه نهمل الجثه ..
ونتذكر التابوت ..
لأقدامنا صوت ..
من يسمعه ..
من يسمع الأقدام..
هم مروا من تحت الكلام..
الأربعة ..
وصاروا أرقام .. أرقام ..
أنا رقم .. اصقه ضرير ..
المشكلة .. مثلي كثير ..
يجمعنا حب الهاويه ..
احلامنا .. انا نصير ..
وقاماتنا متساويه ..
نركض على ورق الحياه ..
لين ننمحي ..
المشكله مانستحي ..
إنا نمرّ ..
ماشافنا انسان ..
ولا سمعنا انسان ..
اكتبني يالنسيان ..
انا رقم ..
اخوووكم
الموااادع
الموااادع 03-04-2007, 04:38 PM اه يا لجراح
لا جيت أنا بسامحك ..
تبكي الجراح ما ودها ..
مشتاق ودي أصافحك ..
عيت يدي لا مدها ...
أه يالجراح راح اللي راح ..
وراحتي ، من يا ترى بيردها ..
يا حب ، ياذ كرى واسم ..
مدري انا ابكي عليك من العذاب اوابتسم ..
صدقني في يأسي .. نفسي تبي نفسي تبيك ..
لا يا دفا شمسي تبيك ..
ليه خنتني ، الله عليك ..
آه يا الجراح ، راح اللي راح ..
وراحتي ، من يا ترى بيردها ..
لا تحاكي عيوني .. يمطر سحاب الملح ..
ولا تلمس أشجوني .. ينبت في قلبي جرح ..
ناظرني يا خلي ، جرح انا كلي ..
وشلون أبرضى الصلح ..
فصل الخريف حبي ، حزن وورق أصفر ..
ودعني يا قلبي ، وخل العذاب أقصر ..
آه يا الجراح ، راح اللي راح ..
وراحتي ، من يا ترى بيردها ..
اخوووكم
الموااادع
الموااادع 03-04-2007, 04:40 PM استبد
استبد ، استبد احيان
استمد كل هذا الظلم من ألمي
اتحد من راسي ، لقدمي
واضرب بعواصفي وبزلزالي
واهّدم الناس ، واهدّم بحالي
لين استرد بعض اثيابي من الريح
ولحمي من الشوك ..
وابتعد ، ابتعد
واحيان ما املك العواصف ، ولا الزلزال
ولا حتى ،في الهجير ، ظلال
لكن استبد ، استبد باللي عندي
اضرب بيدي في الهوى ، بجبيني في الصخر
لين اتعب ، اتعب ، وانهمد
مثل طفل اضناه البكا ، والسهر
وانتي آخر ما أعد في عمري
واجمل ما أعد
اعشقي ظلم الغصون الخضر للحطاب
والجلد للأنياب ، والجفن للسكين
اعشقي هالظالم المسكين ...
واتركيني انصهر في الشمس
والا ارتعد في البرد
لكن استبد ، واسترد اثيابي من الريح
ولحمي من الشوك
وابتعد .. ابتعد
اخوووكم
الموااادع
الموااادع 03-04-2007, 04:41 PM الأربعين
ادري ان الوقت يذهب ما يعود
اربعينٍ فارقتني يالعنود
ماطر الايام من غيم الزمان
ما يبل الريق لو مهما يجود
كم شربته صافيٍ بارد قراح
ما دريت ان الظما سر الوجود
كل شمسٍ تلمس اشجار العمر
تحرق الاوراق وتجف الفنود
وكل ريحٍ تدفع شراع العمر
ينقطع به حبل ويميل العمود
اربعين مرت وتوني صغير
انتظر لعل تصدق لي الوعود
والغريب اني على هذا مغبوط
ادري اني بخير لا شفت الحسود
الزمن يا بنيتي كله زوال
ما تخلد كود لحظات السجود
اخوووكم
الموااادع
الموااادع 03-04-2007, 04:43 PM أبها
كل ما كتبت أبها .. نشت فوق الأوراق
سحابةٍ .. وابتل في الصدر معلوق
أخيل بين أصابعي .. نوض براق
وكن القمر ينبت له غصون .. وعروق
شقت ثياب الليل .. عن جلد الأشفاق
لا بان لي معنى0 .. ولا زانت طروق
ضاع القصيد00وما بقى غير الأشواق
وأحلى الشعر ما يكتب الشوق في الشوق
إن خان بي الشاعر .. فأنا جيت عشاق
وكل عاشق لا بد ما يطلب حقوق
يا سودة أبها .. خاشري كل شعاق
كبد السما لا شك لدي لي بموق
إن كان أبو بندر على الوصل سباق
لي الفخر .. إني من الشيخ مسبوق
لأجلك عسير .. أزعلت خلاني فراق
جيتك .. ودونك أشهب القاع مشقوق
لي ديرةٍ خدانها مثل الآفاق
فاطرافها .. وديان .. وجبال .. وعروق
وحّد ما بين ترابها .. دين وأخلاق
وفرّق شمل عدوانها .. كفر وعقوق
اخوووكم
الموااادع
الموااادع 03-04-2007, 04:44 PM انتي حلم
انتظرتك ، عمري كله .. وانتي حلم
ومرت الايام والله .. وانتي حلم
ليه تأخرتي علي
توهي مره واسالي
كوني في غير الزمان .. والا في غير المكان
كوني عمري .. عمري كله..
اللي باقي .. واللي كان..
انتظرتك عمري كله .. وانتي حلم ..
كل نجمه شعشعت والقلب عتمه .. كانت انتي ..
كل حرفٍ حرك شفاهي بكلمه .. عنك انتي
وكل حبي اللي مضى والحب قسمه .. منك انتي ..
كانوا الاحباب ظلك .. بعض احساسك ونورك ..
ما عرفتك يوم كلك .. ياللي في غيابك حضورك ..
انتظرتك عمري كله .. وانتي حلم ..
هذا إنتي .. قولي والله إنه إنتي ..
وين غبتي ؟! .. عني هذا الوقت كله ..
وين كنتي ؟! ..
شيبت عيني طيوفك .. وما أصدق إني أشوفك ..
ياللي قلبي في كفوفك .. نقش حنا ..
وفي جديلك عطر ورد ..
آتمنى .. لو تكوني في فراغ اعيوني وعنى
وفي سموم ضلوعي برد ..
ليه تأخرتي علي ..
وما طرى لك تسألي ..
ليه نأخرتي علي .. وما طرى لك تسألي ..
إنتظرتك عمري كله عمري كله .. وانتي حلم
اخوووكم
الموااادع
الموااادع 03-04-2007, 04:45 PM جرحي بخير
ومرت سنه .. على فراقك
على صوتك .. واشواقك
غريب كيف االزمن يرحل
واحلام العمر .. تذبل ..
سنه مرت .. وانا أول ..
حبيبٍ يوقد الشمعه
لجرحه في يوم ميلاده
هلا .. بالحب .. واعياده
وكل عامٍ .. وجرحي بخير
مشيت دروبنا .. خطاوي قلوبنا
ومريت الوعد .. وعدنا العام
ماكان الوعد .. ولا الأيام .. هي الايام
وما ادري ليه هالشارع .. نسوه الناس
ومتى هالمقعد الخالي .. يجوه الناس
حبيبي .. ليه ف غيابك .. يغيبوا الناس
حبيبي .. ايه والله حبيبي .. ايه والله
نساني العمر.. لو انساه
نساني الفرح .. لو انساه
احبه .. ما ظهر نجم .. ونبت عشب .. وسرى براق
أحبه .. لا زمن يشقي جروحي .. لا جفا .. وفراق
أنا هذا الهوى كله .. وقلبي آخر العشاق ..
اخوووكم
الموااادع
الموااادع 03-04-2007, 04:46 PM الحب عبدي وسيدي
لا تشد القيد ...
تجرح يدي ... أو تجرح القيد ...
قيدك غدى يوجع يدي ...
سجني أنا انت ... وسجنك أنا ...
والحب ... الحب عبدي وسيدي ...
لا ... لا تشد القيد ...
دمي ... جرى ... دمك ...
همي إني اشوفك في يدي ...
وإلاّ يدي همّك ...
في معصمي صرت ...
إنت السجين في معصمي ...
وكانك تصبرت ... أنا مقوى الصبر ...
دمعي في عيني ... وصرختي تملا فمي ...
سجني وسجاني ... أحزانك احزاني ...
وشلون ابنساك ... وشلون تنساني ...
محبوس في عيونك دمع ...
وزنزانتي ... تقطيبة الحاجب ...
وحاول توارى في الجفا ...
يا وجهه الصاحب ...
بتشوف نفسك في يدي ...
قيدٍ رقيق ...
قيدٍ سلب حريتي ...
ليته طليق ...
يا صاحبي ... ما به ابد قيدٍ طليق ...
لا ... لا توجع يدي ...
سجني انا انت ... وسجنك انا ...
والحب ... الحب عبدي وسيدي ...
اخوووكم
الموااادع
الموااادع 03-04-2007, 04:48 PM الا الهوى
ابعتذر ... عن كل شيء ...
إلا الهوى .. ما للهوى عندي عذر ..
ابعتذر .. عن أي شي ..
إلا الجراح .. ما للجراح إلا الصبر ..
إن ضايقك اني على بابك أمرّ ...
ليلة ألم ... واني على دربك مشيت عمري وأنا
قلبي القدم ...
ابعتذر ... ابعتذر ... كلي ندم ...
عن كل شيء ... إلا الهوى ...
ما للهوى عندي عذر ...
ا تصدقي ... ما اخترت أنا أحبك ...
ما احدٍ يحب اللي يبي ...
سكنتي جروحي غصب ...
ياحبي المرّ ... العذب ...
ليت الهوى وانتي ... كذب ...
كان اعتذر لك عن هواي ...
ما أقول أنا ... كوني معاي ...
ان ضايقك اني على بابك أمرّ ...
ليلة ألم ...
واني على دربك مشيت عمري وأنا ...
قلبي القدم ...
ابعتذر ... ابعتذر ... كلي ندم ...
عن كل شيء ... إلا الهوى ...
ما للهوى عندي عذر ...
الله كريم .. حبك ... يكون ...
همي القديم ...
وجرحي القديم ...
والله عليم ... يا أحلى العيون ...
ان الفراق ... جزا الفراق ...
ابوعدك ... كان الطريق بيبعدك ...
بامشي الطريق ...
وكان الجحود بيسعدك ...
مالي رفيق ...
ابجمع أوراق السنين ... وأودعك ...
كان الفراق اللي تبين ... الله معك ...
اخوووكم
الموااادع
الموااادع 03-04-2007, 04:49 PM الله اقوى
الله أقوى غدا شوفك سراب
كيف أبا أروي حنيني .. بالظما
يا ممنى حياتي .. بالسحاب
وين غيث المحبه .. ما هما
اجدبت بالحشا أرض العذاب
واشتكت من تجافيك السما
كيف ترضى عليّ .. طول الغياب
وانت حبك جرى مجرى الدما
يا حبيبي ذوى قلبي وذاب
من عذابه وبيح ما كما
وعل عينٍ .. رضت فيك العتاب
تشتكي بعد نوره م العمَا
اخوووكم
الموااادع
الموااادع 03-04-2007, 04:50 PM انتي اللي وحدك لي
كل الحرير اللي في الأرض ..
ما يلمس الجلد ..
وكل الرخام ..ما تاطى القدم ..
والعطر .. ما طال النسم ..
حبيبتي ..واغلى الجواهر جيد ..
وكثر الذهب ..والغيد ..
انتي اللي وحدك لي ..
حبيبتي تغار ..
والدر في المحار ..
والمحار في اليم
واليم في الأعصار ..
ومابه شعور اقدم ..
من لهفة البحار ..
ساعة يغيب النور ..
وفي الشط .. خيط اقصور ..
لبيت ومره صغار ..
جفت حروف الما ..
وباقي في صدري الملح ..
قومي إغسلي سفري ..
إن طال بي الترحال ..
كل المواني احبال ..
تربطني بعيونك ..
وشلون أنا اخونك ..
وأنتي اللي وحدك لي ..
اخوووكم
الموااادع
الموااادع 03-04-2007, 04:51 PM اوراق الزمن
ادفن يدي .. تحت الثرى ..
واسقيها من جفني ارق ..
يذبل مابين اصابعي ..
عشب و ورق ..
ادفن يدي .. فوق الثرى ..
يلفها برد وسموم ..
واحس بعروقي يبست ..
ما توصل عروقي الثرى ..
ولا تشرب عروقي النجوم
وينبت على جفني سهاد ..
يذبل ورا صدري الشجن ..
اشقق اوراق الزمن ..
وانام ..
في حلقي الليله جفاف ..
شربت أيامي .. ومضت ..
واللي بقى جرحي الوفي ..
في خاطري باب يرد ..
وسراج دوبه ينطفي ..
اغطي الظلمه بظلام ..
كل ما اشد اصابعي ..
على العيون المتعبه ..
جرحٍ ينام .. وجرحٍ شعر بي وانتبه ..
قام وتبعني لشرفة ظلمه بعيد ..
جاني يقاسمني السهاد .. جاني قصيد ..
ادفن يدي تحت الثرى .. فوق الثرى ..
واعيش انا بباقي يدي ..
نصفٍ يموت .. ونصفٍ درى انه يموت ..
يا سيدي .. ربي انا نقطه ف بحر ..
علمني كيف اهوى الحياه ..
علمني كيف اهوى القدر ..
علمني بإماني اكون ..
يارب .. اكثر من بشر ..
اخوووكم
الموااادع
الموااادع 03-04-2007, 04:52 PM أول الناس
اول الناس انتي .. وكلهم ..
وآخر اللي عيوني .. تملهم ..
لو تحبيني .. هذا يكفيني ..
اسكني عيني .. ونامي ..
انتي يانوري .. وظلامي ..
ياقمرهم .. كلهم ..
أعدل الناس .. وازينهم خجل ..
واغلى من الناس .. في وقت الزعل ..
واجمل اللي حصل لي .. وماحصل ..
لو تحبيني .. هذا يكفيني ..
اخوووكم
الموااادع
الموااادع 03-04-2007, 04:53 PM أحبابك سروا
مابه احد غيري يابنت احبابك سروا
لاتسأليني تغيروا يمكن نسوا او مادروا
ياحلوتي ضاع الوعد وباكر بعد
مري على دروب الجراح وتلقين احد غيري
بالله لاتبكين عندي والى رحتي سوى اللي تبين
مالك عزى ف قلبي الحزين
محتار انا اسكت ومدري ايش اقول
لاني سبب جرحك ولاعندي الحلول
لكن ابوصيك بصبر لابد للغايب عذر
وياحلوتي ضاع الوعد وباكر بعد .
مري على دروب الجراح وتلقين احد غيري
غطي سنا خدك بشال الليل
وغيبي ياشمس اللي ضيها لغيري
اه لو تعرفي وش كثر انا احبك لو كنتي تدري بي
ياعيونها السود مابه احد موجود غيري انا الموعود
جرحي وتعذيبي
ياحلوتي ضاع الوعد وباكر بعد .
مري على دروب الجراح وتلقين احد غيري .
اخوووكم
الموااادع
الموااادع 03-04-2007, 04:54 PM باقي فرح
اللحظه اللّي مقبله ..
بدري على ... اللحظه اللّي مقبلة ...
بالهون يا مستعجلة ... باقي فرح ...
لو ما تسرعتي على شمس المغيب ...
وقفت ثواني ما اغربت ...
وساعة وداعك ما اقربت ...
لو ما اختصرتي من السما ...
شبر إنتظار ...
طال النهار ....
ابسألك ...
حنا نعيش اللحظه والا نعدها ...
نركض على سطور الزمن ...
ونقرا من كتاب الزمن ... صفحه ...
عشان الصفحة اللي بعدها ...
أجمل من نجوم السما ...
إني أنا وانتي ... انتساءل ...
يا ترى ... يا ترى وش بعدها ...
اخوووكم
الموااادع
الموااادع 03-04-2007, 04:56 PM الجدران
المنزل ثلاث جدران ورابع
ما بينهم ضايع متشقق وعاري
ويميزه شباك ضيق
مصبوغ بالأحمر الناري
ومحاصرٍ باسلاك علقت بها وردة
أوراقها المنزل والبرعم الأفلاك
***
وعلى الجدار الثاني
وأمثال وأغاني
مكتوبة بكسرة فحم
وصندوق خشب
مزخرف بغير الذهب غير الجواهر
تحت الكتابه نافر
فوقه ظلالٍ عريق
مثل العنيد من الجروح
مثل السيوف اللي مقابضها حديد
أسرار من ماتوا بعيد
وما خلفوا حتى الورق
***
أما الثالث من الجدران
معلقٍ عليه صورة لإنسان
من دفتر نفوس مكبره
مدري جفونه مبخره
ولال تجاعيد خيوط دخان
وفي الركن كرسي خيزران
يجلس عليها الوقت
وجريدة ٍ عنوانها باهت تغفى على الإسمنت
وفوقها كوب فارغ وفتات خبز
وأصابع ٍ للجوع صفرا مكسره
***
ويبقى الجدار الأول
وهو أعرض الجدران وأكثرها وقار
وهو الوحيد اللي انبنا ف نور النهار
بوابته على الطريق الرملي
صَفت أحجار درجها بصبر
وش كنها ؟؟
سنونٍ صفر في فمٍ مذهول
وظلما تشدك للدخول تشدك
وكل ما مسكت اكرة الباب النحاس بيدك
تلطخت بدم ٍ طري
الجرح نزفٍ يحتري أما الطعون
وين الطعون راحت
***
البيت ثلاث جدران ورابع
مالهم طابع يجمعهم
يشبهون أهلهم
وما صادفوا غير الحياة
اخوووكم
الموااادع
الموااادع 03-04-2007, 04:58 PM تحت المظله
مطر معلق بنصف السما لا ينهمر ولا يرتفع
وكل ما بغينا نجتمع تحت المصابيح الزرقا يطيح منه رذاذ
اما انهمر فرقا و الا تقطع وصل يا ماطر الليل
لا تاقف بوسط السما
لك هالشوارع انما تكفيك ساعه ساعتين
بنشيب وحنّا واقفين تحت المظله ماهو خوف من البلل
لكن حنين للمصابيح الزرقا ولليلةٍ سمراء سماها صافيه
وموعد لعيونها
والله غرفنا دافيه
ولها شبابيك وستايرعلى البروق لكن زهقنا بيوتنا
واللي يخليك اما انهمر والا ارتفع
تمرّ ساعه الا ربع وتو السحاب ما يدري وش يبي
أخاف أسأل صاحبي ويقول خلّنا نسري
وين نسري بدري
بدري على المسرى ورا السحاب قمرا وقمرا ورا الأبواب
تبي المطر يرقا وتهطل نجوم وتظهر علي أنا لو علي
تحت المصابيح الزرقا قلبي بيحوم مثل الفراش
تحت الرشاش والا الصحو لين أشوفك مقبله
والله ضلوعي مبلله بالشوق
وما ودي احاكي صاحبي ولا أساله بيقول خلنا نسري
وين نسري بدري ساعه وربع وحنا واقفين تحت المظله
اما أنهمر فرقا والا تقطع وصل يا ماطر الليل
لا تاقف بوسط السماء
اخوووكم
الموااادع
الموااادع 03-04-2007, 05:01 PM تعالي
عتيم الليل ...
قمرنا من زمان والله ... فقد نوره ...
عتيم الليل ...احس النظره تتكسر ...
على سوره ..
سهرنا ... في عتيم الليل ... حزين الهمس ...
قدرنا ... ننتظر باكر ... شعاع الشمس ...
تعالي ... طالت الغيبه ... وانا مشتاق ...
انا مشتاق ... انا الاشواق ... انا العشاق ...
تعالي من جسور الليل ... تعالي ضي ...
تعالي في هجير العمر .. حنان وفي ..
وربي ... طالت الغيبه
حنون الليل ... وصوتك همسة التحنان ..
حنون الليل .. بيروي بالامل عطشان ...
حنون الليل .. وانت بتسمعي صمتي ...
تحسي بي ...
تقاسي فيّ تعذيبي ...
تشديني من الامواج ...
ترسّيني على مينا ... وصوتك في ليالينا ...
أبد ساري ...
حنون الليل ... وانت الريح والساري ...
تعالي ... طالت الغيبه
وربي طالت الغيبه
اخوووكم
الموااادع
الموااادع 03-04-2007, 05:04 PM ثلاث ملامح لوجه واحد
على الغدير كانت سما..
ويرمي الضما وجهي عليه
على الغدير .. وجهي وسما ..
لين ارتمى وجهك عليه ..
على الغدير ..
وجهي .. ووجهك والسما ..
من يسبق ويملى يديه ..
يشرب ملامح صاحبه ..
ليت السحاب ..
يظهر على المدى الباهت ..
وتمر ثلاث طيور ..
بين العتم والنور ..
ينبت شجر .. واعشاب ..
وطفلٍِ يبيع زهور ..
يولد ..
وتتحول الاخشاب ..
كرسي ..
واجلس انا وياك ..
قبل الظلال هناك ..
في أخذ الصوره ..
على سلة السيف الصقيل ..
يتكحل سيفين ..
وينزف قتيل ..
واليوم عيد .. يا اللي الجفا وصلك ..
ومشغولة في كحلك ..
وشلون انا بحايدك ..
امرايتك سيف ..
و ذ بحي انا .. عوايدك ..
اخوووكم
الموااادع
الموااادع 03-04-2007, 05:05 PM حسايف
التفت ...
وتوها ... توها ما اختفت ...
ماكساها الليل ... باللون الحزين ...
التفت ... وتعالت صرخته ...
في نظرته ...
صاح ... لكن بالنظر ...
وانكسر .... شوفه عثر ...
حسايف .. تذبل الضحكه وهى بين الشفايف ..
تذبل الفرحه وتضيع ...
ويصبح الكون الوسيع ...
مايكفي خطوتين .. لاكساه الليل بااللون الحزين ..
يوم مدلها يده ..
كانت الرجفه لقا ..
ودعت فيها الشقا ..
وتركت بين الاصابع ..
عطرها ..
وعمرها ... ما جت على وقت الوعد ...
إلا ذاك اليوم ...
و عمرها ... ما بكت .. و ما ضحكت ...
ما حكت له .. واسكتت
مثل ذاك اليوم ...
كانت أجمل من خياله ... كانت انضر ...
كانت أكثر ... من أماني عمره الظامي حنين ..
و اختفت ... من كساها الليل باللون الحزين
اختفت في الطريق اللي معه ...
كانت تجيه ...
كيف دربٍ جمعه معها ... خذاه ...
ليتها اختارت سواه ...
تزرع القرقا لياليها ... عليه ...
وحسايف ... حسايف ...
اخوووكم
الموااادع
الموااادع 03-04-2007, 05:06 PM أوقات
أوقات ياخذنا الحكي ..
وننسى بالحكي أوقات ..
واوقات .. يا ليت الكلام سكات ..
يجرحنا الحكي ..
اسهر .. مع حبيبي .. يا قمر الكلام ..
لين يغفى حبيبي .. وجروحي تنام ..
ابعد عن حروفي .. وعن المي وخوفي ..
وابحر في سفينه .. عن بحر الظلام ..
وصلنامدينه .. من عطر وغمام
انا وين القى كلام .. ما مر ف كلام
اوقات .. يا ليت الكلام سكات ..
يجرحنا الحكي ..
بغني لعيونك .. في حزني وفرحي
وبكتب عيونك .. قصيده لجرحي
واخلي ابتسامك .. دموعك كلامك
قمر هالسوالف في ليل السكوت ..
ولو الف نجمه في عيني تموت ..
في حزني أحبك .. ويأسي أحبك ..
أحبك .. مأقول أوقات
اخووكم
الموااادع
الموااادع 03-04-2007, 05:11 PM خضار وملح
خضار البحر في عينك ..
وملح البحر في اهدابي ..
وعيا البحر لا يسكن ..
أبد في صفحة كتابي ..
قصيده من خضار .. وملح ..
يا أول .. وأخر احبابي ..
انا من شفتها عيونك
ترى ما جفت ثيابي ..
ولو آخر قصيدي بيت ..
كتبته حب في عيونك ..
ولو يحمل همومي بيت ..
سكنت البحر وعيونك ..
ويبقى البحر .. وعيونك ..
وينشف في قصيدي البحر ..
ويبقى العشب .. وعيونك ..
ويزهر في متون الصخر ..
ويبقى الحب .. وعيونك ..
رغم كل الصحاري نهر ..
وانا والجرح والفرقا ..
وهذا الحزن بسبابي ..
ولو ادري البكا له بيت ..
اسوق فْ دربه ركابي ..
ابي لا غابت عيونك ..
ابل بدمعي ثيابي ...
اخوووكم
الموااادع
الموااادع 03-04-2007, 05:13 PM خطأ
تبخل .. وأنا كلي عطا ..
خطأ ..
ضاعت على الدرب الخطى ..
خطأ ابتدينا ..
وان نهيناها .. خطا !!
تزرع طريقي .. بالألم..
يا خوفي .. لا توطاه القدم ..
تجرح ظلايل.. فيتك ..
وتدمي ..أماني جيتك ..
لو فرحت.. بجيتك !!
بعد الظما.. وبعد الهجير ..
تخفي حنانك .. بالضمير ..
لو ما جنت ..
عينك علي بنظرةٍٍ .. لو ما جنت
ولو ما رضيت .. تحدني ..
روح الشقاوي .. ما عنت ..
واستهونت درب الهوى ..
ولو ما غدى جرحي دوا ..
ليته غدا..
عودتني منك الحنان .. عودتني
وطال النوى وجار الزمان .. صبرتني ..
وإثر الهوى .. مثلك غريب ..
ماله .. على نفسه حبيب ..
اخوووكم
الموااادع
الموااادع 03-04-2007, 05:14 PM تغريد
ياللي خذا شعره من الطير تغريد
ومن مدلهم الغيث صافيه لا جاد
ومن كل روضٍ عله السيل ترديد
ريح الزهر ومداعب الريح الأفناد
ومن كل صبحٍ بدد الليل تبديد
دفا الشعاع وفرحة النور لاباد
جاني قصيدك مثل عقدٍ على جيد
الجادل اللي كلها زين وعناد
ما هي من اللي يدلهون المواعيد
حشا ولا هي في الهوي صيد من صاد
وتلفتت روحي لحسنا من الغيد
واشتب في قلبي من الشوق وقاد
ولمست قلبي لين كله تجاعيد
شاب الهوى يا ليت ما فات ميعاد
يا بو حمد ما عادلي في الهوى سيد
وغيره فلا والله ما نقبل اسياد
وين الذي وصله على العين تسهيد
( ولا ودي اقطع درب لاماك برقاد )
يابوحمد وين وصلتنا التناهيد
ضاع العمر ما بين قرطاس وامداد
وانا احسب الشعر صعب المواريد
ماهو غديرٍ ينضحه كل قصاد
يوم امتلا هالجو حشو ومفاريد
راع الجمل معذور لو كسر إشداد
اخوووكم
الموااادع
الموااادع 03-04-2007, 05:17 PM رشاش
رشاش ... يتساقط على قلب ..
هذا عصفورك ... وباقي الصدر اعشاش ..
ابتل هالعصفور .. ريشه غدا اثقل
وان مرو الاوباش .. أو مرو الاجمل
صادوه وما اسهل ... من صيد عصفورك
طير.. وعليه رشاش ..
وبردٍ على الاحراش ..
وفوق الغصن طيرك ..
يشكي من الامطار ..
مري علي مشوار ..
لو جاء احد غيرك ..
دفاه بالاخبار ..
ولف الجروح ... بشاش
غشاش .. غشاش
وباشعل الغيره في قلبك البارد ..
ماقوى اخونك
ماقوى اخونك .. ماش
انا قلبي عصفورك وباقي الصدر ..اعشاش
اخوووكم
الموااادع
الموااادع 03-04-2007, 06:37 PM اقول أحبك
قالوا حروفي عمي وعيونك بروق
مافي قصيدي جنح ليلٍ وبارق
قلت الذي له داخل ضلوعي حروق
أقرب من اللي في سما الناس شارق
غيري يشوفك وأجود الشعر مطروق
وأنا أحسّك وأصدق الحب فارق
ياللي عيونك دم وعيونك عروق
ولهاث قلبٍ في نواعسك غارق
أقول أحبك يخرج البحر صندوق
تبرالغزاة وكنز سود البيارق
وأقول أحبك صدرالايام مشقوق
عن وجه غرناطه وعن مهر طارق
وأقول أحبك والله إني من الشوق
ألقا طيوفك في جميع المفارق
كتبت لك قلبٍ من القلب مسروق
ولا طاب لي وصفٍ من الوصف سارق
اخوووكم
الموااادع
الموااادع 03-04-2007, 06:49 PM اغصان المساويك
تجلس عجوز .. في اول السوق ..
وبين الشبابيك .. وتبيع السوالف ..
وأغصان المساويك ..
ومايخالف .. لو باعتني الحكي ..
الحكي غالي ه الايام ..
مريتها .. ابي الكلام ..
قلت : ياخاله أنا ..
ان نسوني الناس .. زعلت ..
والى اذكروني الناس .. زعلت ..
صمتي وحروفي مبعثره ..
ضحكت وقالت :
لو عدلت .. سلمت قلب وحنجره ..
ماعطيتها فلوس على هذا التعب ..
وماريحتني من التعب ..
قمت وعلى عيوني غباش ..
مدت لي مسواك جديد ..
عييت ..
وقالت لي بلاش ..
ان كانت سنونك نظاف ..
حطه في جيبك ياولدي ..
يجلي محانيك الرهاف ..
من كل اأحساس ردي
اخوووكم
الموااادع
الموااادع 03-04-2007, 06:51 PM بيجيني السفر
مربوط بالضي ..
مقيِّدٍ بالظل .. مسجون في الناس ..
مديون لكلمةٍ حلوه .. مرهون لي أنفاس ..
قولي لي .. وش أسوي ..
ملعون هالإحساس ..
لو هو حلو وافر ..
قاضبني لا اسافر..
ب الهون .. لا تكسري هالقيد .. كله أصابع ..
خليني أفك أصابع الحاير المسكون .. بالخوف ..
عن زندي الخادر ..
يكفي مواجع ..
أظنني قادر على الوقوف ..
وقادر على الترحال ..
بس اصبري ..
لا تسافري .. الين أقوم ..
بالله لا تستعجلي ..
لا تزعلي مني ..
أوراقي وثيابي .. خذيها معك ..
بس افتحي بابي .. وخليه ..
في يوم بيجيني السفر ..
ويدخل علي .. واهج مثل الناس ..
قول وش أسوي .. ملعون هالإحساس ..
لوهو حلو وافر ..
قاضبني لا اسافر ..
اخوووكم
الموااادع
موضوع مميز وجميل جداجدا
عفوا ,,, لايمكنك مشاهده الروابط لانك غير مسجل لدينا <a href="register.php">[ للتسجيل اضغط هنا ]</a> (عفوا ,,, لايمكنك مشاهده الروابط لانك غير مسجل لدينا <a href="register.php">[ للتسجيل اضغط هنا ]</a>)
عن هذا الشاعر الكبـــــــــــــــــير
بدر بن عبد المحسن
تحياتي
الموااادع 03-08-2007, 11:20 AM تسلميييييييييييييين على مررروووورك الرااااااااائع
اخوووكك
الموااادع
الموااادع 03-08-2007, 02:12 PM الخل العنيد
تل قلبي .. تل طيرٍ على طلعٍ وكيد
جود المقرود سبقه وعيا يطلقه
يوم فاع اركى جناحه على قاسي الحديد
وانكسر ريش النداوي ولا الله وفقه
يكفخ القلب المشقي على الخل العنيد
ما وفا بالعهد لا شك قلبي صدقه
واهني اللي على الحول ينبت له جديد
وش سواة اللي جناحين قلبه محرقه
يا لطيف الروح وبحق خلاق العبيد
اكرم المملوك بالوصل والا فاعتقه
اخوووكم
الموااادع
الموااادع 03-08-2007, 02:13 PM أوقات
أوقات ياخذنا الحكي ..
وننسى بالحكي أوقات ..
واوقات .. يا ليت الكلام سكات ..
يجرحنا الحكي ..
اسهر .. مع حبيبي .. يا قمر الكلام ..
لين يغفى حبيبي .. وجروحي تنام ..
ابعد عن حروفي .. وعن المي وخوفي ..
وابحر في سفينه .. عن بحر الظلام ..
وصلنامدينه .. من عطر وغمام
انا وين القى كلام .. ما مر ف كلام
اوقات .. يا ليت الكلام سكات ..
يجرحنا الحكي ..
بغني لعيونك .. في حزني وفرحي
وبكتب عيونك .. قصيده لجرحي
واخلي ابتسامك .. دموعك كلامك
قمر هالسوالف في ليل السكوت ..
ولو الف نجمه في عيني تموت ..
في حزني أحبك .. ويأسي أحبك ..
أحبك .. مااقول أوقات
اخوووكم
الموااادع
الموااادع 03-08-2007, 02:14 PM الاختيار
ودي اختار .. الليله درب ..
ما تعرفه ..
ودي اجلس في مكان ..
ما يذكرني بصدفه ..
أو وعد ..
ودي أحكي يا حبيبي .. مع احد ..
غيرك احد ..
لجل النهار .. وحريتي ..
اعطيني .. لحظة اختيار ..
وحدي وغديت أنت الزحام ..
وحدي أبد .. وانت الكلام ..
نورك وما غيره .. ظلام ..
عذب الحروف .. طاغي الطيوف ..
أبعد عن عيوني .. بااشوف ..
لجل النهار .. وحريتي ..
اعطيني .. لحظة اختيار ..
ابي درب .. مايوصلني لدارك ..
ابي وعد .. ماحتمل فيه انتظارك ..
وابي ليل .. مايجي بعده نهارك ..
ودي ادري .. هي حياتي ..
اختياري .. أو اختيارك ..
ودي انسى .. ليله وعدك .. أنسى وعدك .. ماأجيك ..
وش يضرك .. لواخونك .. مره واختارك عليك
اخوووكم
الموااادع
الموااادع 03-08-2007, 02:15 PM أجمل الحزن
يا اجمل الحزن .. لدموعك سلام
من حبيبٍ ... بقى منه الكلام
وين انا منك .. غربني الزمان
وخانني النور ... وابعدني الظلام
لو بعزيك ... سالت دمعتي
تدري الدمع في حبك ... حرام
لو بواسيك ... مايكفي الهوى
ولو أبي ... عذر مايكفي الغرام
أعطنى من عذابك يا البعيد
صرخةٍ ... تجعل ظلوعي حطام
آه ...لو في يدي أبكي معاك
قطرةٍ مادرى عنها الغمام
ماابخل الوقت ... يحرمني البكا
وانت لجلك حرمني الإبتسام
يا اطهر الحزن ... لو كان القصيد
يكشف الغم عن بدر التمام
لكتب الشمس شعرٍ في سناك
وامحي إمن السما...عج وكتام
ياعسي البدر نوره مايغيب
عن حبيبٍ بقي منه الكلام
اخوووكم
الموااادع
الموااادع 03-08-2007, 02:16 PM إنطلاق
* راج ..
طيري في السما ..
شالته امواج الرياح ..
يا ترى وين نيته ..
انتزع حريته ..
وخانني مع السحابه .. والعجاج ..
انشر فْ كل السما ..
ريش جنحانك ..
يا طيري اللي عذبتك ...
قيود خلانك ..
كل زادٍ .. وانت في الاغلال جوع ..
وكل شربٍٍ وانت في سجنك هماج ..
يا رفيق الخير ..
لك حق تختار ..
بين الديار .. ديار ..
وبين الاهل صحاب ..
وبعض العمار قفار ..
راج طيري في السديم ودار ..
( لاواحلالاه ياطيري )
* راج : طار في السماء
اخوووكم
الموااادع
الموااادع 03-08-2007, 02:17 PM خروج من الأبيض
نودع الطفل ..
في وقت الخروج..من الابيض ..
وبين الزبد والموج ..
نحرق ثيابه ..
ونسن انيابه
وتبقى البراءه ثلج ..
والزمن شمس ..
واعمارنا غابه ..
وكل ماكبرنا .. تكبر الغابه ..
اخوووكم
الموااادع
الموااادع 03-08-2007, 02:18 PM جمرة غضى
جمرة غضى .. أضمها بكفي
أضمها حيل . .
أبي الدفا .. لو تحترق كفي
وأبي سفر لليل
بردان أنا تكفى .. أبي احترق بدفا
لعيونك التحنان .. فعيونك المنفى
جيتك من الإعصار .. جفني المطر .. والنار
جمرة غضى
والله الجفا برد .. وقل الوفا برد
والموعد المهجور ما ينبت الورد
ياحبي المغرور .. ياللي دفاك اشعور
رد القمر للنور .. واحلى العمر .. في وعد
بردان .. بردان أنا تكفى.. أبي احترق بدفا
يا أول الحب .. شفتك أنا مره
واهديت لك قلب
ورديت لي جمرة
ومن يومها كان الرحيل
وليل الشتا .. القاسي الطويل
وآه يا الحنين
لليل باب له حارسين
برد وسحاب
اخوووكم
الموااادع
الموااادع 03-08-2007, 02:19 PM أبي النسيان
تذكرتك .. وأبي النسيان ألايا خل ساعدني
أنا مالي ورى الذكرى .. إلى مات الأمل خيره
أنا ودي على الفرقا حبيبي لو تعاهدني
وإلى شفتك .. تصد ولاتجيب لما مضى سيره
تخيّر غير هذي الأرض .. مكانٍ به تواعدني
تخيّر لك مكانٍ صعب .. أعرف فيوم تقديره
عسى الجرح الذي يدينك أشوفه عنك يبعدني
أنا اللي أكرهك .. وأحبك .. شعورٍ صعب تفسيره
حسيبك .. يالهوى الظالم .. حسيبك لاتعاندني
بيلقى صاحبي غيري وأباالقى في العرب غيره
اخوووكم
الموااادع
الموااادع 03-08-2007, 02:20 PM إنشد البحار
أنشد البحار على سر الحنين
عن قصيد البحر .. وجروح السفين
عن حبال الشوق تظمأ للشطوط
عن حروق الملح في شفاه السنين
ما عرفت الغوص في اليم المخيف
ولا رهنت العمر في الدر الثمين
جيت أنا من نجد .. في قلبي الرياض
وفي عروقي التهم .. والبيت الأمين
في كفوفي تصرم نخيل الحسا
ومن ذواري الرمل غادي لي جبين
جيتكم .. والعشق يطرحني سؤال
هو صحيح الشط له صدر ويدين
عانقتني بيوتكم .. وأنا بعيد
ما عبرت الجسر .. ما شفت القطين
ياهوى البحرين مريت الديار
عابرٍ والقلب باللهفة ضنين
لين حطت بي رحالي في هواك
وانبعث نبع المحبة في الكنين
اخوووكم
الموااادع
الموااادع 03-08-2007, 02:21 PM أغنية في العشق والموت
ضمي مَلامح صورته ..
ضميه .. لعله يفيق ..
يَشهق .. أو يَردّ النَّفسْ ..
ضمّيه لعَله حبس ..
صٌوته .. رعشة عرٌوقه ..
وخيم حزين الصمت فُوقه ..
مات .. مات
من قبل ما يكتب له ف قٌربك حياة ..
من لبسه ثوب البياض ..
من سبل عيٌونه ..
مسح غبرة جبينه ..
وش يفيد ..
اللي زرع نصلٍ حديد ..
في قلبه الطيّب نسى ..
قولي عسى .. ما تلمحي ..
ف طرف ثُوبك له دما ..
يا خٌوفتي .. اللي سبح في نهرك الجَارف ..
غد اموته ظما ..
ضمّي ملامح صورته ..
ضمّيه لعله يفيق ..
يشهق أو يرد النفس ..
صوته جرس ..
ينحب على بوابة الليل ..
يوقظ خدر جرحك ..
يتل من عينك احبال الدّمع
ضمّيه لعله سمع ..
انك تحبينه ..
ولا ..قلتي تحبيه ..
ولا .. قلتي تحبيه ..
اخوووكم
الموااادع
الموااادع 03-08-2007, 02:21 PM تخير
أنا ما أشير بالفرقا .. ولا أحدك على المقعاد
تخير في طريق الوصل .. والا درب هجراني
حرام الوصل ما يجمع قلوبٍ عن هواها بعاد
وبعض البعد لو عذب يجمع بين خلاني
تحسب ان الهوى ضحكة دقايق عشتها في ميعاد
إلى ما رحت تنساها .. وتنسَى الوعد وتنساني
ألا يا صاحبي .. الرفقة ترى مَا هِى ثياب جداد
تبدلها متى مليت .. وتلبس غيرها ثاني
إلى ضاع الوفا .. مابه هوى بارجيه أنا .. ووداد
ترى ذا الفرق .. بين أقرب قريب .. وبين عدواني
تحاكيني بطرف لسان وهرجي من صميم فواد
وتاقف من بعيد .. ويم درب الموت تنخاني
اخوووكم
الموااادع
الموااادع 03-08-2007, 02:22 PM تعبت أسافر
تعبت أسافر في عروقي ومليت
من جلدي اللي لو عصيته غصبني
ياما تجاوزت الجسد واستقليت
عن الألم .. لاشك جرحي غلبني
أنا سجين الحال .. مهما تسليت
وانا الطليق وكل شيٍٍ قضبني
حريتي لاعل .. يا كود ياليت
اما شفت حيٍٍ جاد لي ماسلبني
وليت يا ليل التباريح وليت
اما محاني الحزن والاكتبني
كل السما في دفتري وان تجليت
مثل الشموس .. غبار قبري حجبني
لي صاحب وان ما تخلى تخليت
لا بد ما نهدم .. ولا بد نبني
1988م
اخوووكم
الموااادع
الموااادع 03-08-2007, 02:23 PM حلم
أطوي الجديلة في كفوفي .. وهي ليل
ولا من طويت اليل .. صار الجديله
حلمٍ جمعني فيك .. ما كان بالحيل
حلمٍ ولكن .. شوفتي لك قليله
ناديت لك لين إسمعتني المواصيل
واشتقت لك .. كن العمر صار ليله
ولمستك بروحي .. وكانت قناديل
أصابعي .. والقلب نار.. وفتيله
ما هو غريب .. أبتل من جارف السيل
لا شك ينبت في عروقي خميله
اخوووكم
الموااادع
الموااادع 03-08-2007, 02:24 PM الله يرد خطاك
الله يرد خطاك لدروب خلانك ..
لعيون ما تنساك لو طال هجرانك ..
دام الأمل موجود فالنفس خضاعه ..
حق العيون السود السمع والطاعه
الله يردك لي .. يا مطول غيابه ..
يا معذبي هجري .. مدري وش أسبابه ..
دام الأمل موجود .. فالنفس خضاعه ..
حق العيون السود السمع و الطاعه ..
ياللي بعدك اليوم .. نبكي على باكر ..
صبري عليك يدوم .. مادمت أنا فاكر ..
إن الأمل موجود .. فالنفس خضاعه ..
حق العيون السود السمع و الطاعه ..
اخوووكم
الموااادع
الموااادع 03-08-2007, 02:24 PM كافي عتاب
البارحة والقلوب أصحاب كنت القمر وأنت تمدحني
واليوم .. لي مخلبين وناب ومشاهد الدم يفرحني
كذاب هذا المدح كذاب وكذّاب ذنمٍ يجرحني
إنسان .. ماني نجم وشهاب وليتك ملاكٍ وتصلحني
لي صرت عاري .. علي ثياب بالله وشلون تفضحني
اخطيت واخطيت كافي عتاب إنطق بحكمي وريحني
ياصاحبي ماقطعت أرقاب عدلٍ قصاصي وتذبحني
ولاني بعد أجمل الأصحاب الأجمل إنك تسامحني
اخوووكم
الموااادع
الموااادع 03-08-2007, 02:25 PM بحر العيون
تقول اللي طرف عينك أنا مدري هدب أو عود
أحس اني من اللي صابها ماشوف قدامي
ضحكت .. وقلت لاتخافي على بحر العيون السود
على شط الكحل مريت .. وهذا موضع أقدامي
أدوّر عن ذهب عمري .. أدور كنزي المفقود
وأشوف الموج يطوي الموج ويبحر مركب أحلامي
عيوني بسمة اعيونك ولو صارت مطر ورعود
أبا اشرب من ظما دمعك وابااغسل جرحي الدامي
عطيني عيونك الليلة .. وباكر ياعساه صدود
أمانه لا مسحتي الكحل خلي طيف أحلامي
أحبك كان يكفي الحب جروحي في هواك شهود
أنا اللي راس مالي حلم .. وهم الدنيا قدامي
اخوووكم
الموااادع
الموااادع 03-08-2007, 02:26 PM انفاس
يازين مافي العيون نعاس
والقلب مشغول بهمومه
اما معي نطرد الهوجاس
والا لك النوم وحلومه
هذي نجوم السما .. جلاس
وعيبٍ على العاشق القومه
لاجل الهوى عذبونا الناس
ومن بيح السد ما الومه
انفاسنا ماغدت انفاس
من حرها دوم مكتومه
اخوووكم
الموااادع
الموااادع 03-08-2007, 02:27 PM الله يحبك
الى صاحبة السمو الملكي الأميرة
البندري بنت عبدالعزيز بن عبدالرحمن آل سعود
الله يحبك كثر ما شقّق البرق
سود الدياجي وانبت الغيث وارق
والله يثيبك كثر ما بان من شرق
نجمٍٍ وغاب ف لجة الغرب شارق
ياسدرةٍ في نجد يلقى بها الورْق
للنوح غصن وللمعالي بيارق
لك الشموخ لباس.. عاليك للعِرق
وباقي النساء خرص الذهب والعشارق
والله ما مثلك كتم آهة الحرق
وما كن مسّك من لياليه حارق
وقتٍ إلى منه كسر رمحه الزرق
بالنار يودع في الحنايا مطارق
ياهيه حوّل مثل ما تشتهي وإرق
وإفطن لقبرك بين هاك المفارق
الوقت يسرق باقي أعمارنا سرق
ما نجتمع .. إلا وحنا نفارق
ياعمتي بعض العزا يتعب الطرق
ما ينكتب والحرف بالدمع غارق
كل شكى لوعة لياليه والفرق
في اللي يبي ما عند رب المشارق
اخوووكم
الموااادع
الموااادع 03-08-2007, 02:28 PM تالي نهار
تالي نهار وعاتق الشمس مذبوح
والوقت لو تدرين للوقت ذباح
كن السما صوتً من الذعر مبحوح
والليل خيلٍ سود للضي تجتاح
وسحايبٍ فوق الشفق كنها قروح
على جبينٍ ما شكى كثر ما طاح
لاذت عصافير المسا في ذرا الدوح
وتنفس سراج الوهن بين الألواح
حبيبتي ضاق الفضى وين باروح
وان رحت ظلم النفس للنفس ما راح
مجروح ماهو هم لو قلت مجروح
يالله عسى ما اصير في قلبك جراح
تبسمي برقٍ على ثغرك يلوح
بشد له مدام في العمر مرواح
غزيت وجه الصبح من غير مصلوح
وانكفت دون الشمس هقوات ورماح
اخوووكم
الموااادع
الموااادع 03-09-2007, 11:01 PM بسمة الضي
أنا حبيبي بسمته تخجل الضي
يكسف سنا بدر الدجى من جبينه
راعي العيون الناعسه رمشها فّي
وإن سلهمت ذاب الحشا من حنينه
له نظرةِِ لا هي سَرابٍ ولا مَيّ
راعي الهوى تفنى وراها سنينه
نور الصبايا .. بسمة الدّار والحيّ
نوره ولا شمس الضحى تستبينه
دامه معي أغلى الحبايب فأنا حّي
بالقلب أضمّه يوم قلبي ضنينه
له في ضميري من لهيب الوله كي
روحي معه عذب المناجى رهينه
ياصاحبي لا تنشد الروح عن شيّ
أنا حبيبي .. نور كل المدينه
اخووكم
الموااادع
الموااادع 03-09-2007, 11:03 PM انا الجفا
عن كل نجم ظهر بسدل أجفاني
لعل ما عيش حزني لحظة غروبه
وعن كل خلٍِ طويل الصمت كفاني
الصاحب اللي قليل الهرج عذروبه
وعن كل ثوبٍ جديد باالبس أكفاني
وأدله ولا ألقى رسايل هم في جيوبه
أنا الجفا ليه أخاف الناس تجفاني
وأنا الحبيب الذي من يعشق عيوبه
راعي الوعد وأن صدق مرة ولاقاني
يحتار بين السراب وقلب محبوبه
يامن عذابه يشققني ويرفاني
فرقاك غصب علي بالحيل مكتوبه
خبرت نصف تعب من نصفه الثاني
بعضي الرماد وبعضي نار مشبوبه
اخوووكم
الموااادع
الموااادع 03-09-2007, 11:09 PM تخيل
تاقف على اطراف الهدب .. وماشافتك عيني
صافحتني ومدري يدك هي لمست ايديني ...
سلم .. ابارد السلام ..
وهذا ترى كل الكلام ..
اللي بقى بينك وبيني ...
تخيّل ...
من وين ... ومنين ومتى ...
بالله ذكرني ...
بالله ذكرني ... متى
جيتك انا في ليلة شتا ..
تهزني ريح الشمال ...
محتاج انا لبسمه وشال ...
تركتني لبرد الطريق وانا على بابك ..
اتذكر انك قلت لي بالله وش جابك ..
ودعتني قبل السلام .. وهذا ترى كل الكلام
اللي حصل بينك وبيني ...
تخيّل ...
اليوم لعيوني السما والارض البعيد ...
اليوم ولغيرك انا يطري على بالي القصيد ...
اشتقت للقلب الخلي ..
وش هم .. لو تعتب علىّ ..
جيتك انا ف ليلة ألم .. قلبي على كفي ...
همست لي روح ياغريب الشوق مايكفي ...
سلم ابارد السلام ...
وهذا ترى كل الكلام ...
اللي بقى بينك وبيني ...
تخيّل ...
اخووكم
الموااادع
الموااادع 03-09-2007, 11:13 PM يسعد صباحك
يسعد صباحك .. ليلنا تو ماجا
الشمس غابت واشرقت عندكم شمس
هى شمسنا اللي في جبينك تلاجا
والا قمرنا اللي فقدناه من امس
ليل السما برد وسحاب وعجاجا
يامن يشب النور في الخاطر العمس
انتى وانا لو كان منا نتناجا
لاماطفت في خاطري شمعه الهمس
ياللى جرحتك مالجرحي علاجا
ادري الجروح النازفه تكره .. اللمس
بقول احبك وان عقدتى الحجاجا
لا قولها ثنتين واربع مع خمس
ويسعد صباحك يابعد كل ماجا
وماراح من عمري وانا في رجا الشمس
اخووكم
الموااادع
الموااادع 03-09-2007, 11:21 PM جفن الليل
يطيح جفن الليل واهز كتفه
نجمٍ يشع وباقي الليل مطفي
واحاكي الجدران عن وصف غرفه
ماتشبه الجدران ويطول وصفي
وتملني الجدران واظهر لشرفه
تحت السما واسكر الباب خلفي
ريحٍ تهب وتسكن العظم رجفه
وتموت ريح وتسكن اوراق نزفي
على الروابي تهطل دموع وطفه
وتصب لمع بروقها وسط طرفي
ياطاري الغدران والعمر رشفه
مع قلها ياليتها يوم تصفي
الحب واجد مير الاقدار صلفه
والأرض واجد لكن الحلم منفى
واللي اعرفه راح ماعاد اعرفه
ولاظن يذكرني الى أقبلت مقفي
ماهو حبيبي مورد القلب حتفه
ولا هو حبيبي يفرح بوقت ضعفي
مر ثمر هالليل وأمر قطفه
يالحنظل اللي قمت اذوقه بكفي
متى الشوارع تجمع اثنين صدفه
لا صار شباك المواعيد مجفي
يابنت تو الليل ماراح نصفه
وياليل بعض اللي مضى منك يكفي
اخوووكم
الموااادع
الموااادع 03-09-2007, 11:24 PM البتول
كل أرضٍ تشيلك يا ثقيل الحمول
وكل وقتٍ كريمٍ بالرضا والزعل
وين مارحت تلقى لك حبيب وعذول
وين ما كنت تلقى مثل ياسك..أمل
ياطريق الترجي والوله والنحول
والله إني مشيتك... لين حد الثمل
مالقيت فوصولي لغير قبري وصول
ولا عرفت فحياتي مثل عرفي الجهل
لا تظن المسافر من يسوق الرحول
من وقف دون حلمه عاجزٍ ما رحل
وما لمخلوق منجا في الحذر والجفول
ما تصيب السهام ولا يطيش الاجل
الليالي خوات.. مير منهي البتول
والحوادث عشاير مير وين الفحل
ليلةٍ لك .. وليله بالفرح ما تطول
وليلةٍ من شهدها ذب راس الجبل
أتذكّر في عين الشمس طفلٍ خجول
شالته في هدبها وقت لين إشتعل
أعجب الناس وهجه بالجدل والفضول
ما دروا عن ( جمال الجرح ) لين إندمل
والله اني كتبته في العطش والذبول
لين غصنه تعدل بالورق وإعتدل
والله إني كتبته لين قال الجهول
والله إني كتبته وانتشى واحتفل
ما أتفه الشعر كانه هالحكي اللي نقول
لا تعدى المديح ولا تعدى الغزل
إن لثمت الزهور وصاحبتني الحقول
ماهقيت ان صافي الشهد عيب النحل
مابقى في ضلوعي كود ريح معمول
وثوب شاشٍ عليه من الندامه وحل
ألتفت للطريق وما عبر منه زول
في جفوني تزاحم عبرتي والوجل
طلت يالعمر والا قلعتك لا تطول
طاولتنا الليالي بالسهر والملل
إن تعبنا نحب ولا لقينا قبول
ما تسر الاماني .. ولا يفيد العذل
لكن .. الله كريم وكل همٍ يزول
ما على الله بعيد .. ولا جفاك المحل
كل أرضٍ تشيلك .. يا ثقيل الحمول
وكل وقتٍ كريمٍ بالرضا والزعل
اخووكم
الموااادع
الموااادع 03-09-2007, 11:25 PM حبيبتي يا حلم
قصت ظفايرها .. ودريت
البارحه .. جاني خبر ..
أدري لبست خاتم عقيق ..
وتقرا لها كتاب .. عتيق ..
كتاب .. واظنه شعر ..
أحفظ أنا حجار الطريق .. اللي يودي لبيتها ..
واعرفها زين ..
واعرفها زين ٍ وانا ..
لا شفتها ولا جيتها ..
قابلتها صدفه .. على شفاه الصحاب ..
همسة أمل حسيتها
ودمعة عذاب ..
وصارت هي الخبر الجديد ..
وعلومها همي الوحيد
وش عاد .. لو كانت بعيد ..
بين الحروف حبيتها ..
حبيبتي .. يا حلم ..
ياللي أعرفك اسم ..
وجهٍ تصوره الحروف .. واتخيله ..
نجم ٍ احس انه قريب .. ما اوصله ..
انتي اللي اعرفه .. زين ..
واللي اجهله انتي ..
حبيبتي .. وياليتها ..
اعرفها زين وانا .. لا شفتها ولا جيتها ..
اخوووكم
الموااادع
الموااادع 03-09-2007, 11:26 PM بس أحلم
صحيح اني انسى الحوادث والملامح و الاسامي..
لما أكتب عن غرامي .. شعر ابعد ما يكون عن مجرد
جرح دامي ..
يمكن أقرب للجنون...
من تفاصيل الحكاية..الاساور والمرايه..
عندي هموم القصيده غامضه صعبه عنيده..
وانت عاشق للوضوح ..
ودك بسري ابوح..و انا اخر همي بوحي
اعبر الشارع ... في الرصيف الثاني قهوه
فيها اربع طاولات ..وحده اجلس فيها وحدي ..وحده للي بيجي بعدي .. وحده لأغلى حرف عندي..أما اخر وحده دايم للي فات..
من هموم وذكريات ..زحمة لكن كل من في القهوه ربعي
كلهم دمي و دمعي ليه ما تجلس مكاني
وهذا شوفي وهذا سمعي اطلب اقلام ودفاتر ..وحاول اكتب عن شعور ..لاهو ظلما و لا هو نور ..
قلب مابين السطور .. وانا اكتب اغنيه مثل الرسايل كنت اكذب .. و الخيال العذب كذب ..
كنت لازم اخفي سري و ما اقول
ان هالمره قصيدي هو خيالات الحقول تطرد اسراب الطيور عن حقيقه عن شعور ....
ما هو في ذهب السنابل .. انما تحت الجذور ..
كسروا العشاق بابي ...
قطعوا لحمي ثيابي.. وخلعوا الادراج ..
طاحت مزهرياتي الجميله شققوا جفني كتابي وسألوا
وين الجديله
ودمعة العين الكحيله مالقوا في بيتي الا .. وما لقوا في صدري الا .. وما لقوا في قلبي الا ..
امنياتي المستحيله ..
و اني احلم بس احلم ..
اخوووكم
الموااادع
الموااادع 03-09-2007, 11:27 PM أنا النخيل
بين القلم وأصابعي والورق شوق
عشرين حولٍ .. من كتبت القصايد
من يوم بان القلب .. واخفيت بالموق
دمع .. وغدالي بالمحبه .. وعايد
كتبت ما كني على الشعر مسبوق
وقريت ماكن اف قصيدي .. جدايد
ونزفت لين اتعبت لا حصل اعروق
وسهرت لين امست نجومي قلايد
وصرت الليالي بين عاشق ومعشوق
وصرت الوصل مابين حاضر وبايد
أنا النخيل وشعري اظلال وعذوق
وانا السحاب اللي على الناس جايد
وف ليلةِ حسيت من جرحي اعقوق
وقف النزيف وما بذي له عوايد
صار الورق مابين مهمل ومشقوق
وحار القلم ما بين ناقص و زايد
من الشعر مليت ياحادي النوق
و من الجروح اللي .. تمل الضمايد
و من الحروف ونقصها مع هل السوق
وكذب الحسود .. وهم راعي المكايد
ومجاد لي في كل ساذج ومطروق
وخوفي على غر المعاني الفرايد
عشر السنين وعشر .. والجوف محروق
ما غير أشب أطراف ليلي وقايد
مانيب ادور من ورى نزفي احقوق
و لا ابي من سهر عيني فوايد
لو ما بقالي في الملا غير مخلوق
لا من ذكر شعري .. جفته الوسايد
كني بجبين الشمس .. والليل مفروق
وكني بدمعٍ .. فوق خده نضايد
افداه عمرى .. ماشكى صاحبه عوق
لاشك ما في النفس لو قيل كايد
اخوووكم
الموااادع
الموااادع 03-09-2007, 11:29 PM اغفر لي الزله
أبيك في كلمةٍ لو هي خطا تغفر لي الزله
وردتك ظاميٍ وان عز وصلك بااقطع حبالي
أحبك ذا ترى أول كلامي .. وآخره كله
ولكن وش يضر اليوم لو تدري عن احوالي
وخذ ما جاز لك من هالحكي واللي تبي خله
انا لا قلت ما في خاطري والله ما بالي
ظلال العاشق جروحه ومن ما يتبعه ظله
أمانة يا شعاع الشمس لا تغضب من ظلالي
وتقدر تطوي الدرب البعيد وتقدر تفّله
ولكن صعب تمنع في الهوى صبري وترحالي
وتقدر تغمد السيف الرهيف وتقدر تسلّه
ولكن عند خلاّق البرية علم الأجالي
متى عمرك سمعت بعاشق قد مات من غلّه
هذاك الحاسد وراعي الهوى تتلفه الأمالي
حبيبي من يعزك في الهوى ما تقدر تذله
ترى قربك يزيدك بالغلا وان عفتني غالي
اخوووكم
الموااادع
الموااادع 03-09-2007, 11:30 PM تجاعيد الجبل
إن طحت بوصيك
لا تمدلي يد ... ولا تنتظرني ...
رح ...
( السفح مثل الردى راحه )
عالي الجبل ... مدري الزمن ...
والا العمر ...
والشمس .. يا رمضا وجمر ...
وعلى تجاعيد الجبل .. تشقق ...
إجباه ٍ سمر ...
ويطيح ... لا بد ... أجدٍ يطيح لا بد ...
( والسفح مثل الردى راحه )
وان طحت انا بوصيك ...
لا تمد لي يد ...
ولا تنتظرني ... رح
نرقى بشوق أحلامنا ...
نرقى وعر أيامنا ...
نرقى بأمل ... أحد ... وصل ...
اللي نقول بزعمنا ... انه وصل ...
وبخوف إنسانٍ يطيح
نرقى لتعبنا ونستريح ...
لجل التعب ...
وبلا سبب ... محدٍ يبي يدري السبب ...
( والسفح مثل الردى راحه )
يا صاحبي ... ترى إن طرى لك ... طح ....
وان طحت أنا بوصيك ...
لا تمد لي يد ... ولا تنتظرني ... رح ... رح
اخوووكم
الموااادع
الموااادع 03-09-2007, 11:31 PM الجريده
الجريده ..
ادري وش سر الجريده
به أحد .. يقطع وريده ..
وينزف أخبارٍ جديده ..
وحنا نقراها الصباح ..
دنيا مكتوبه ف ورق .. دنيا من دم .. وعرق ..
دنيا مجنونه ارق .. وهم ..
انسرق .. إحترق .. المهم
كلها أخبارٍ سعيده
وحنا نقرلها الصباح ..
لو طبعنا .. صفحة ما فيها خبر ..
لا حروف .. ولا صور
صفحة يملاها البياض ..
صفحة تملانا بياض .. ما يعكرها الحبر ..
كان ذي الصفحة الوحيدة
اللي اقراها الصباح .. في الجريدة
اخوووكم
الموااادع
الموااادع 03-09-2007, 11:32 PM ترحيبة الحزن والليل
لما يبعد ... في المساطيف المسافر ..
لما يخفيه الضباب ..
لما يرحل ... بالأمل وبفرح باكر ...
لما ينسا لي عذاب ...
هلا ... يا حزن ...
هلا بالصاحب الطيب ...
ابد ... لو تبعد قريب ...
هقيت إنك مع الفرقا ... تبي تنسى حنينك لي ...
هقيت انك بعد مليت ...
من الماضي عذابك لي ...
عسى ما جرحك فرحي ... عسى يا حزن ...
أنا لو خنت في جرحي ...
وضيعني ... الهنا ليله ...
ترى ما في يدي حيله ...
هقيت إني لمحت النور ...
بيمسح دمعي المبهور .. بمنديله ...
سحرني حلو ترتيله ...
لما يسري في الفضا .. نجم السهاد ...
لما يطفيه السحاب ...
لما يملى عمرنا الماضي السواد ...
تصبح البسمه ... صواب ...
هلا بالليل ..
هلا والله ..
يا ضاوي لو أضمك لي ..
على صدري ... وافني فيك أشواقي ..
أماني ...عمري الباقي ...
هلا بالليل ...
حبيبي كسر الفرحة على صخر الجفا الجاير ...
حبيبي حزنه الزاير لياليا ... يحبك ليل ...
يقول ازرع ضنى شوق النوى فيا ...
وأنا في موعد الشكوى ...
أبي شكوى ... أبي دمعة ضنى تسوّى جراح العمر ...
هلا بالليل ... يا ضاوي بالحنين المر ...
هلا ... والله ...
اخوووكم
الموااادع
الموااادع 03-09-2007, 11:33 PM اربع ليال
من اربع ليال ...
طيقك وقف ...
ما بين الرمش ... والرمش ...
ما غمضت لي عين ...
يا ابن الحلال ...
اما استرح ... والا امش ...
من أربع لال ... في مجلسي منك خيال ...
وفوق الجرايد والكتب ... اسمك حروفه تنكتب ...
يا ابن الحلال ...
اما استرح ... والا امش ...
من اربع ليال ... هبت من ديارك شمال ...
بريح الخزامى ... والنفل ...
أنا الظما ... انتي الأمل ...
داري لها عامين ... ما ربعت ...
وما غمضت لي عين
اخوووكم
الموااادع
الموااادع 03-09-2007, 11:34 PM انتي المزين
شبي الونس واملي الهبايب بالاصوات
وعدي ضواري وحشتي عن ضلوعي
روحي خلا .. سكانها خوف وسكات
وليلٍ ملا قلبي .. ظلامه يروعي
ما هوب صدري .. ذي مداهيل الآهات
وماهوب جفني .. ذي مقابر دموعي
حبيبتي وان قلتها بعض الأوقات
من عزتي .. ماهي ترى من خضوعي
أهواك لي فوق الشواهيق رايات
وعلى حصون الياس تزحف جموعي
واهواك ورقاب المغلين محنات
واننتي المزين تنتخيني فروعي
واهواك مراتٍ .. واعاتبك مرات
بالله .. لا تبكين بردي وجوعي
إن طحت ف اطوي الياس من حب الأموات
هذا رحيلي عنك .. واتلى رجوعي
اخوووكم
الموااادع
الموااادع 03-09-2007, 11:35 PM بالي
لا تدعك القلب ترجي يظهر المارد
ويقول لبيك عبدك باح مكنونه
قنديلك اللي انطفى ليل الشتا البارد
سيان عنده وفيت او توك تخونه
ترجّل الفارس اللي لاجله تطارد
يازين شلفاك ملت تطعن طعونه
كل ماحداك الضما جيت الضما وارد
كنك تعاف القراح وتشرب عيونه
شاب العتب وانقطع ما بينناالوارد
ولولا الندم ما غرس ف ابهامه سنونه
والحزن سيف على ارقاب الفرح جارد
وكل بسمةٍ في ديون الصبر مرهونه
إن صادفك في طريقك بالي الشارد
قله يموت الهوى .. باعيش انا بدونه
اخوووكم
الموااادع
الموااادع 03-09-2007, 11:36 PM اترامى
اترامى
هذي عاداتي
في كل العمر مره .. اترامى ..
وصدقيني في حياتي ..
ما هقيت اني عقاب .. ولا يمامه ..
انما لعيونك إنتي ..
طرت لاجمل إبتسامة
لين قلتي وين جناحانك ..؟
وين جنحاني .. ؟! وطحت ..
طحت من أعلى غمامه..
أنا ما ادري مريت بين أصابعك رمل ..
او على خصلات شعرك .. ماء ..
كانت غبارٍ وظلما
وكنت أطيح ..
وهذا آخر مااتذكر ..
وين ظنك با تجرح .. واتكسر
ف أي رمل .. أي صخر .. او عدامه ..
ما هقيت أني عقاب ولا يمامه
انما لعيونك إنتي ..
طرت لاجمل إبتسامه
وما ابي غير السلامه
من الجروح .. ومن التداوي
كيف أمس الأرض .. واطيح متساوي
انا صدقت الصغار .. يوم قالوا :
من يحب القمرا يرحل .. لآخر أرض
وينتظر تالي نهار ..
ولا ظهر منها شبر ..
عانق القمرا .. طمر ..
كيف ضاعت كل أحلامي هقاوي ..
يوم قلتي : وين جنحانك ..
وين جنحاني .. ؟! وطحت ..
طحت من أعلى غمامه
اخوووكم
الموااادع
الموااادع 03-09-2007, 11:38 PM أكذب
صحيح اني انسى الحوداث.. والملامح .. والأسامي
لما أكتب عن آلامي .. شعر ابعد ما يكون ..
عن مجرد جرح دامي .. والأساور .. والمرايه .. والهوى القاسي الحنون ..
عندي هموم القصيدة .. غامضة .. صعبة .. عنيده ..
وانت عاشق للوضوح ..
يتعبك بحري ظلامي ..
ودك بسري أبوح .. وانا آخر همي بوح ..
تكفى لا تزيد ف خصامي .. وقلي ما تفهم كلامي ..
انا انسى .. الحوادث .. والملامح .. والأسامي ..
2
لما أكتب أغنية مثل (الرسايل ) .. وانا أكذب ..
والخيال العذب كذب ..
كنت لازم أخفي سري وما اقول ..
إن هالمرة شعوري .. هو خيالات الحقول ..
تطرد اسراب الطيور .. عن حقيقة .. عن شعور
ما هو في حب السنابل .. انما تحت الجذور ..
كسروا العشاق بابي .. قطعوا لحمي ثيابي ..
خلعوا الأدراج .. طاحت مزهرياتي الجميلة ..
شققوا جفني كتابي ..وسألو وين ( الجديلة )
( وبسمة العين الكحيلة ) .. ما لقوا في بيتي إلا ..
ما لقوا في صدري إلا.. مالقوا في قلبي إلا ..
أمنياتي المستحيلة ..
وإني احلم .. بس أحلم ..
3
أعبر الشارع معاي .. في الرصيف الثاني قهوة ..
فيها اربع طاولات .. وحده اجلس فيها وحدي ..
ووحده للي يجي بعدي .. ووحدة لأجمل حرف عندي ..
أما رابع وحدة دايم للي مات ..
زحمة .. لكن كل من في القهوة ربعي .. كلهم ..همي ودمعي ..
ليه ما تجلس مكاني .. وهذا شوفي .. هذا سمعي ..
أطلب اقلام ودفاتر .. حاول اكتب عن حقيقة ..
ما هي وجه .. ولا مكان .. ولا دقيقة ..
أدخل الزحمة ف ضميرك ..
لا تلفّت .. وانت ما في القهوه غيرك .. غمض الدنيا ..
وأكتب .. وإن سأل في يوم سائل .. عن معاني .. عن شعور ..
قله مابين السطور ..
وإلا تدري .. قله أكذب
اخوووكم
الموااادع
الموااادع 03-09-2007, 11:38 PM غربه وليل
غربه وليل .. وعمر ضايع ..
وحب ضايع .. في مركب أماني ..
ماله دليل
وانت يا اغلي الحياة ..
في الحب ناسي .. ليتك تقاسي ..
لو قليل ..
يا خطوة دمع فوق الخد..
يا جرح .. يا عمري ماله حد ..
يا حب كبير .. يا حزن كثير ..
يا ليل البعد والتفكير ..
حبيبي .. وكل سنا عمري .. وثواني بسمتك كله
عذابي وقلت انا صبري .. اداري لوعتي ف ظله
وفات العمر تغريبه ..
وضمت بسمتك .. غيبه
وعشت الحب في ليلي..
وذاب الصبر من ويلي
غربه وليل وعمر ضايع ..
وحب ضايع ..
في مركب أماني ماله دليل
وانت يا .. اغلي الحياة ..
في الحب ناسي .. ليتك تقاسي ..
لو قليل
اخوووكم
الموااادع
الموااادع 03-09-2007, 11:39 PM أجمل زمانه
ما سألته .. إسمه .. عنوانه .. مكانه ..
ومرني .. أجمل زمانه ..
مر في قلبي وراح .. خطوته مست جراح ..
آه .. مديت النظر .. وآه .. جرحني النظر ..
وما سألته كيف .. ضيعته خجل ..
يا إنت .. خبرني من إنت ..
جرحتني وين الدوا .. وين إنت ..
انامين انادي .. وليه أنادي ..
من أي وادي العطر ..
من أي شمس النور ..
ولا الشجن من أي شارع ..
وما سألته كيف .. ضيعته خجل ..
ما سألته ما مداني .. كلها كانت ثواني ..
حرف من خوفي قتلته ..
وحرف عانقني وعصاني ..
بس وقفت ف مكاني ..
آه .. مديت النظر .. وآه .. جرحني النظر ..
وما سألته كيف .. ضيعته خجل ..
اخوووكم
الموااادع
الموااادع 03-09-2007, 11:40 PM انا إنت
انا إنت .. يا إنت أنا ..
لو سألوا حبيبي .. عن إسمي حبيبي ..
قل هذا أنا ..
تشبهني عيونك .. سميني المدى ..
غطيني برموشك .. عن عين العدا ..
ظفرني جدايل .. واكتبني رسايل ..
وانسى من أنا ..
واعدني المدينه .. أوقات الغروب ..
امواجي سفينه .. ورمالي دروب ..
بأمشي لين أشوفك .. لين أقرا بكفوفك ..
إسمي .. ومين أنا
اخووكم
الموااادع
الموااادع 03-10-2007, 02:53 PM ياهلا بك
يا هلا بك ولا تطري الوداع عش معي لحظة الفرحة حبيبي
عمرنا اليوم والباقي ضياع
تصبح الأرض في قربك وساع دام فرحة عيونك من نصيبي
ونبتت ضاقت الأرض الوساع
آه لولاك يا دافي الشعاع كان مرتاح بالي وش تبي بي
تشغل البال يا دافي الشعاع
أحسب إني على الفرقا شجاع بطوي الجرح أو بخفي نحيبي
وأثر ما في الهوى مغرم شجاع
يا هلا بك عدد عمري اللي ضاع او عدد ماتمنيت حبيبي
ليت الأيام ما فيها وداع
اخوووكم
الموااادع
الموااادع 03-10-2007, 02:54 PM سهر
سهر والدنيا نعسانه سهر
والفرقا كانت عن حبايبنا قدر
والجرح نزف الدمعتين والدمع شباك الحزانا للقمر
ِبِعد الأمل لما بِعدت وفرحي راح
ِبعد الزمان عني وعن عيني الصباح
ذي الفرقا كانت عن حبايبنا قدر
والجرح نزف الدمعتين والدمع شباك الحزانا للقمر
آه من حنانك لسا مالي بالدفا كل الوجود
وآه يا حبيبي لو بعادك كان جفى والا صدود
ذي الفرقا كانت عن حبايبنا سهر
اخوووكم
الموااادع
الموااادع 03-10-2007, 02:55 PM انتي
مثل الوسن إنتي ..
حبك سرقني .. وانتبهت
وتوي أعرف ان الزمن فرقه ووعد ..
وان الهوى ماله ثمن ..
***
باكر تجين .. أو ماتجين ..
أرجوك سوِّي اللي تبين ..
بس انتظر .. وعدك نعم ..
ما خلى للدنيا طعم ..
***
الا الحنين ..
باكر تجين .. أو ما تجين ..
أرجوك سوِّي اللي تبين ..
بس انتظر .. وعدك نعم
اخوووكم
الموااادع
الموااادع 03-10-2007, 02:56 PM جدة
إسقي كل البحر .. من طلك عذوبه ..
وانثري ضيك عليه ..
في المساء مر .. وشذى عطرك في ثوبه ..
وماسك الشمس بأيديه ..
وش عليه يلعب ف شعرك هبوبه
ويغسل أقدامك في مده
ويكتم أسرارك في جزره
ويلقى في رملك لخده لا تعب .. حضن ومخده
وكل ما جا الطاري في عرس وخطوبه ..
وقلنا مين هي العروس ..
قالوا : جده
لسا صوتك أسمعه .. آخر أيام الربيع
ويالمنادي في الطريق .. وش تبيع
بأشتري عمري العتيق .. لو تبيع
ولسا كيلو اربعه له مكانٍ في النفوس ..
وتبقى أيام الرطوبه والطفوله .. والجري تحت الشموس
أجمل أيام ف حياتي ..
لما بيني وبين ( صالح )
تبتدي حرب البسوس ..
وتنتهي مرة بسهوله .. أنا العب ف الظلال
وهوَّ يدخل غرفته .. يفتح الرادو ويغفى
وانا أحفر للمراكب .. في حدود الظل مرفا
وفي ضلوعي حلم .. وأمطار وخصوبه
ابني العالم وأهده ..
وكل ما جا الطاري في عرس وخطوبه ..
وقلنا مين هي العروس ..
قالوا : جده
إسقي باقي العمر من طلك عذوبه ..
وشدي أوتار الحنين .. مثل عود
واعزفي قلبي يعود ..
خصله من ليل الظفاير .. وضي من قمر الخدود
نرخي الماضي ونشده .. خيط قي البحر و جلب
ولو رحلنا عنها مدة .. وقلت أسماك الشعب
تبقى دايم هيَّ جده ..
وهي مكان اللي نحب
اخوووكم
الموااادع
الموااادع 03-10-2007, 02:57 PM الدواير
يا رامي الماء بالحصا لأجل الدواير تكبر
لا توجع الماء أكثر هذي حدود الماء
يجيبك الهاجوس و يروح بك
يا شين وش نفع الحكي لا روح بك
تخط فالرمل البحر وترزّ وعودك ساريه
وتبقى الحقيقه عاريه
ما عاد في السفر الا دواير
بين الكواسر والبدن
ماكان لي صدر وما كان لي كف لحمي تنتف
ناظر على راسي تحوم عقبان الهموم
وترسم دواير وقلّ لي وش اللي صاير
وكانك حبيبي فسّر الكون
و الا حبيبي اترك الكون
وقل لي من خذا مني محلي لين ضاقت
فسّر اشتاقت تبيني حدد اقدامي جبيني
و آخر الجدب العواير
واترك الماء لأشهب الماء و الدواير
اخوووكم
الموااادع
الموااادع 03-10-2007, 02:58 PM السكوت الكلام
ياحروفنا الملح في شفاهنا الحنضل .
كان السكوت أفضل ولا الكلام ؟
قلت اللي في قلبي
وخرج الحكيمن الحكي وما عاد
اخيامنا طويت كافي ندق اوتاد
الكلمه ماهي انتصار
ولا انكسار
كانت حقيقه
يوم انقطع حبل الحوار
يا حروفنا الحنضل في شفاهنا الملح
زعلوا حبايبناكان السكوت أفضل
اخوووكم
الموااادع
الموااادع 03-10-2007, 02:59 PM السهر والخوف
نبي .. نطفي قمرنا ..
لو يعذبنا السهر .. والخوف ..
نبي ننثر قهرنا .. يا حبايبنا ..
على مد النظر .. والشوف ..
نبي ننزع من أعماق الحشا سكين ..
نبي ننزف حنان العاشق المسكين ..
ونجرح في سواد العين .. صورنا ..
ونبي نطفي قمرنا ..
سامحينا يالمحبة .. لو جرحنا وانجرحنا ..
س امحينا لو نسينا .. في الهوى ضحكة فرحنا ..
وآه يالنصل الحرير ..
ياهوى القلب الضرير..
يالجروح اللي مضت .. واللي بتصير ..
نبي ننزع من أعماق الحشا سكين ..
نبي ننزف حنان العاشق المسكين ..
ونجرح في سواد العين .. صورنا ..
ونبي نطفي قمرنا ..
اخوووكم
الموااادع
الموااادع 03-10-2007, 03:00 PM السيف
من يطعن السيف اب حشاه .. ويجرح السيف ..
من يضرب السيف ابدماه .. ويقطع السيف ..
السيف .. المعدن البارد ..
نصل الشتا الحاد ..
له تحت جلدي .. طريق ٍ ضيق ٍ بارد ..
وله صرختين اجداد ..
حبيبتي .. يا نبتة الدم ..
السيف .. إما قتلتي اعناد ..
والا قتلتي هم ..
ومضة شعاع ٍ خاطفه .. السيف ..
الصمت قبل العاصفه .. الألم .. لا فارق اللحم .. العظم ..
كم .. لحظة ٍ .. يا انتي إنطحنتي خايفة ..
من موعدك .. قبل الوعد ..
ورديتها .. قلت ارجعي ..
وكم صرخة ٍ .. ياللي ان جرحتي .. توجعي ..
ولو انجرحتي توجعي ..
اطلقتها بعد العد .. وشقت ضلوع العاطفة ..
من يطعن السيف ابحشاه حبيبتي
ومن يضرب السيف ابدماه .. ويقطع السيف ..
وقفت وضلوعي ( الصفاه )
اغطي عيون الأمل ..
ابغترة الحزن .. واركعه ..
كان الجفا .. سيف ٍ يسيل ..
في لحظة قصاص ..
وكانت عيوني تودعه ..
تشتاق .. للموت .. الخلاص ..
يا نبتة الدم .. السيف ..
مره قتلني عناد .. ومره قتلني هم
اخوووكم
الموااادع
الموااادع 03-10-2007, 03:01 PM الشمس اللي تغيب
أركض ورا الشمس .. اللي تغيب ..
ابي النهار .. وينتحي ..
أخاف أنا وجهي الى طاح الظلام ..
فوق الملامح .. ينمحي ..
كافي سواد العين والظل الحزين ..
وشمسٍ تبين .. وماتبين ..
ورا السحاب ..
كافي بَعْض ليلٍ يجي .. قبل الغياب ..
عن ليل الغياب
يا موقد الشمعة ..
وجهي أنا .. أو نور ذا الشمعة ..
قاسي الشحوب ..
في رعشة الضي العليل ..
وتكبر مسافات الهروب ..
يا صاحبي الشمعة غروب ..
به قريةٍ .. تحت الظلام .. مريتها ماجيتها
وبنيةٍ .. تحت الظلام ..
ورسالةٍ في الليل ..
خانتها الحروف .. من القهر شقيتها ..
كلي عيون .. وماتشوف
والناس .. ياظل .. وطيوف ..
والظلما .. نسيان .. الحبيب .. لحبيب ..
أركض ورى الشمس اللي تغيب ..
اخوووكم
الموااادع
الموااادع 03-10-2007, 03:02 PM الرسايل
وليله كانت الفرقا
و قالت لي .. ف أمان الله
و ليله ذكرها يبقى
على جرحي .. و لا انساه
و جت تاخذ رسايلها ..
و خصله من جدايلها
و تديني جوباتي
بقايا عمر بسماتي
و قالت لي .. فمان الله
في ليله كنها الليله عرفتك بسمتي و فجري
و ليله زي ذي الليله و هبتك في الأمل عمري
و يا ليت البسمه ما كانت ولا الاحساس
وياليت الدنيا خانتني و كل الناس
و لا خنتي هواي انتي
و لا قلتي .. فمان الله
لا تردين الرسايل ويش اسوي بالورق
و كل معنا للمحبه ذاب فيها و احترق
لو تركتيني في ليله بسمتك عند الرحيل
دمعة العين الكحيله عذرها الواهي دليل
و ليله كانت الفرقا
و قالت لي فمان الله
اخوووكم
الموااادع
الموااادع 03-10-2007, 03:03 PM السراب
قال السراب وقلت ظامي لسرابه قال الهلاك وقلت لعيون الاحباب
يا لايمي في حب مترف شبابه الموت حق ولاتبرق بالاسباب
كانه ذبحني صاحبي من عذابه ماابي لدمي يا هل اللوم طلاب
الجادل اللي فيه زين ومهابه يفز له قلبٍ .. وتخضع له أرقاب
في حجر عينة لي غدير وسحابه وفي وسط قلبي له تناهيت وعتاب
إن قلت أحبه يكفي القلب مابه وان قلت أنا مابيه ..باصير كذاب
اخوووكم
الموااادع
الموااادع 03-10-2007, 03:04 PM شعاع
شعاع ٍ .. يدخل الغرفة ..
بعد العصر ..
يزحف فوق سجادة ..
ويطلع فوق هالكرسي
ويمكن يلمس وسادة ..
ولحظة ما لمحته خاف
تراجع .. طاح من الكرسي ..
وركض قبل النهار يمسي ..
ورجع للشمس كالعادة ..
يذكرني شعاع العصر ..
عيونك .. تدخل ضلوعي
في غفلة من عيون الناس ..
وتمد اهدابها احساس ..
وتاخذ قلبي من قلبي ..
تضيق بصدري الانفاس ..
ولما ينتبه واحد من الجلاس ..
بسرعة تركض النظرة ..
على السجاد والكرسي ..
احس ان النهار يمسي ..
وتغيب الشمس كالعادة ..
اخوووكم
الموااادع
الموااادع 03-10-2007, 03:05 PM رديني
وظهرت من عيونك ليلة
ل هاالدنيا لليل والنهار
كانت السما زرقا داكنه ما تغيرت
والمباني ساكنه الا على الما
وفي قلوب الصغار
كان الطريق خالي
وأحجار الرصيف تكسرت
وقلت مساحات الخضار
وكن الدروب تكورت على المساكن
مدري من البرد اومن قلة الأحباب
لكن بقى لون الغبارالداكن
وصوت الفراغ في الدروب
ظهرت من جفونك ليلة عيونك نثرت
دمعك وقلبي
ليلة تجرحناالعتاب
ما اكذب عليك كنت مشتاق ليلتها وربي
لبيتي ولغرفتي ولمكتبي مشتاق
لأقلامي والأوراق
ولقيتها مثل ما كانت تحت الغبار
حلم وقصيد من شرار
ومفرش محروق
وزرع يبس وعروق وفجر بلا أبواب
ووسادةٍ ياما ليالي استكثرت
نومي عليها ما تغيرت
رديني لعيونك أرجوك رديني
مابي أحد ما بيني
ابي عيونك بس
تكفيني تكفيني تكفيني
اخوووكم
الموااادع
الموااادع 03-10-2007, 03:06 PM رعشة هدب
ماقلت له ... يا حلوتي ماقلت له ...
المشكله ... إني أختلف ...
لا طروا اسمك من الوله ...
وجهك تغيّر ... نظرتي ...
وتضحك في عيني يا عبرتي ...
وبعض الحكي ما اتحمله ...
ما اكذب عليك ... البارحه شافوك ...
رعشة هدب لفته ...
البارحه شافوك ... في النوم الذي عفته ...
وماحد ٍ يقول ... شافك معي مره ...
طيفك متى ... يكفيني من شره ...
باكر إلى مروا علي ربعي بقول :
إن السما ما هي سما ....
واغيّر اوقات الفصول ...
ان صدقوني .. ما دروا إنك هواي ...
وإن عاتبوني ... صارت عيونك سماي ...
اخوووكم
الموااادع
الموااادع 03-10-2007, 03:07 PM زمان الصمت
وتِرحَل ..
صَرخَتي تِذبَل
في وادي لا صدى يوصل
ولا باقي أنين
زمان الصمت ..
يا عُمر الحُزن والشكوى
يا خطوة ما غدت تقوى
على الخطوة على هم السنين
حبيبي كتبت اسمك على صوتي
كتبته في جدار الوقت
على لون السما الهادي
على الوادي ..
على موتي وميلادي
حبيبي لو أيادي الصمت
خذتني لو ملتني ليل
أنا عمري انتظاري لك
لا تحرمني حياتي لك
اخوووكم
الموااادع
الموااادع 03-10-2007, 03:08 PM سوالف ليل
سوالف ليل ..
بجنب المنقد الغافي ..
على حد السهاد ..
تحدثنا في تالي ليل ..
زرعنا سرنا الخافي ..
على شفاه الجمر معنى ..
وخفنا الناس تسمعنا ..
يا انتي لاتوادعنا...
في تالي ليل لاتخافي ..
بنلقى اللي بقي معنا ..
سوالف ليل ..
أو حفنة رماد
اخوووكم
الموااادع
الموااادع 03-10-2007, 03:08 PM شديد الرمل
ليلة شديد الرمل جتنا ركايب
من الشمال وبركت بين الأيام
طوي التراب وشل فوق النجايب
والجو ثارت به معاصير وعسام
علمي بوجهك ف اسود العج غايب
والريح تدفعني وانا ما لي اقدام
لولا الشجر شدت غصونه نهايب
جلدي وثوبك قلت انا وانت الاوهام
لا خيمة .. لا طنب لا صوت شايب
لا صرخة لا طفل لا كحل وزمام
طاح الرواق وطاح حلم الحبايب
لا ناي في روحي غدت روحي حطام
ما غيرها ضلوعي في صدري حطايب
وشم الجروح اللي بكبدي من العام
إن كان ذا قبري ف ابي له نصايب
قبر الورق خلوا شواهده الاقلام
يامعمر الدنيا عمارك خرايب
ما حدٍ ورث جدرانها غير الأيام
العمر شدة والليالي ركايب
والرمل يمحي الرمل والموت قدام
اخوووكم
الموااادع
الموااادع 03-10-2007, 03:09 PM سوالف رحلتي
عن حبك رحلت ..
ولحبك وصلت ..
وهذي سوالف رحلتي ..
سافرت في كل التراب
سافرت لديار السحاب
وهربت من ليل اللقاء وسهر الغياب
وأنتي بداية رحلتي وكنتي النهايه ..
ودعتك وغصب علي خذتك معايه ..
يا طول هالرحله لو هي المسافه والزمن
يا قصر هالرحله سافرت من جرح الشجن
يا طولها .. يا قصرها
تصوري إني نسيت
بس الأكيد إني بكيت
لين الدموع تكدست أوراق
عن حبك رحلت
ولحبك وصلت
وهذي سوالف رحلتي
اخوووكم
الموااادع
الموااادع 03-10-2007, 03:10 PM سيدي قم
سيدي قم
ما خبرت اللي يحب يشتهي النوم
سيدي قم
لاتنام وفي السماء باقي نجوم
يا جريح البارحه
كيف طبت اليوم
سيدي يا سيدي قم
سيدي الليل للعاشق نهار
قم معي نجمع نجوم الظلام
سيدي لو عرفت الانتظار
ما غفا لك جفن يا عذب الكلام
اه لو تدري الهوى والسهر مقسوم
يا جريح البارحه
كيف طبت اليوم
سيدي يا سيدي قم
سيدي لا تناظرني بغضب
ودي تحس مثلي بالغرام
سيدي ما وراك الاالتعب
ليت عيني مثل عينك تنام
اه لو تدري الهوى والسهر مقسوم
ويا جريح البارحة كيف طبت اليوم
سيدي يا سيدي قم
اخوووكم
الموااادع
الموااادع 03-10-2007, 03:11 PM شمس الورق
أنا بظهر من سكوتي قبل شمس الورق ما تغيب
قبل حبر الليالي يجف وانا ماغنت جروحي
قصيده خذتها من طفل ما اظنه ابد بيشيب
ولكنه نزح عني مثل إحساسي بروحي
ابا اكتب للسماء نجمه ابا اكتب للخزامى طيب
واباكتب لين احس القلب لا يكتب ولا يوحي
يموت في قلبي الشاعر ويغتال المشاعر ذيب
ولا ادري افزع للضحكي او أحمي صرختي ونوحي
حزينه هالقوافي لا ولكن من يعرف الغيب
سعيده هالقوافي بنتظر لين آخرة بوحي
تعالي نتيع الضي البعيد في عتمة التغريب
ولو مليتي من أجمل قصايد غربتي روحي
اخوووكم
الموااادع
الموااادع 03-10-2007, 03:12 PM رساله
إلى من يهمها أمرى إلى من ..
رجاءً إلى متى صبري رجاءً
أنا لن اشتكي همي لغيرك ..
ياروحي اشتكي روحي على من ..
رساله حبرها دمي ..
رساله تصرخ ابهمي إلى من ..
سألت الرمل في دروب القوافل ..
سألت الجدب عن لون السنابل ..
سألت الناس عن وجهك حبيبي ..
عن الشمس ومتى تشرق مساءً
أحبك يالصحاري اللي ..
ف هجيرك احترق كلي وفاءً
كتبت لواحة عيونك رسايل ...
بسراب الدمع وانفاس القوايل ..
كتبت وذي ترى اخر رسالة
أحبك وان نسيتيني وداعاً ..
اخوووكم
الموااادع
الموااادع 03-10-2007, 03:13 PM شجر النار
أنا مدري ..
اللهب حب .. وجوع ..
الحطب قلب .. او السير ضلوع ..
ياترى هاليابس الموجوع ..
وش يقول ..؟
من يسمع الدخان ..
اويدري باسرار الحطب ..
من طرز سلوك الذهب ..
في اغصانه ..
من خاط بقماش الرماد اكفانه ..
وهذا اللهب الطاغي الفتان
هاالقاتل الشافي ..
من خلى في موته عمر ..
لولا حروفٍ قلتها ..
وكانت شعر
شبيت فْ اطرافي
اخوووكم
الموااادع
الموااادع 03-10-2007, 03:14 PM شاعر
أحبك آه انا ياليت قلبي شعلةٍ من نور
كريمٍ مثل شوق النظرة اللي تسكن أهدابك
أحبك وش بقى مني حطام العاشق المغرور
وما أظن الزمان اللي مضى يرجع من اسبابك
ولكن صدقيني الصدق في هذا الزمان شعور
يحبك من صدقلك مرةِ ما همه عتابك
أمانه لا تصبين العمر في كاسي المكسور
يضيع العمر ما يبقى سوى الإبهام وانيابك
ابد ما هو قصيده كتبها لك شاعرٍ مشهور
ٍولا هو وردةٍ يذبل ورقها في داخل كتابك
ولا هو بسمةٍ صفرا على شفاة موات بور
وملامح صورةٍ تخفينها حتى عن اصحابك
الا يا طفلتي ماهو الهوى هالشارع المهجور
ولا هو ريحة غبار الوعد في اسفل ثيابك
كذب من قال ورد العاطفه ينبت بظل السور
وجبان اللي يخاف الناس لو وقف على بابك
كتب لك كل مافي الحب من عذب الكلام سطور
و لكنه عجز يا طفلتي لا يكتب كتابك
اخوووكم
الموااادع
الموااادع 03-10-2007, 03:15 PM رسالة من بدوي
يا بنت أنا للشمس في جلدي حروق
وعلى سموم القيظ تزهر حياتي
أطرد سراب اللال في مرتع النوق
ومن الظما يجرح لساني لهاتي
عاري جسد والليل هتّان وبروق
دفاي أنا والبرد سمل العباتي
إن عذربوني بعض خلانك صدوق
يا بنت أنا عشق الخلا من صفاتي
وشمٍ على رمال ( المتاييه) مدقوق
لاشك من منهم يسوي سواتي
أنا بدوي ثوبي على المتن مشقوق
ومثل الجبال السمر صبري ثباتي
ومثل النخيل خلقت أنا و هامتي فوق
ما عتدت أنا احني قامتي إلا فصلاتي
وإلىإفتخر بأفعال يمناه مخلوق
يا بنت انا فعلي شهوده اعداتي
الله خلقني وكلمة الحق بوفوق
وملكت الأرض وراس مالي عاصاتي
اخووكم
الموااادع
الموااادع 03-10-2007, 03:16 PM شكرا صدقت
لو كان في كفي رميته في كفك
يفداك مافي الحب من صادق الحب
تحبنّي ؟ ياعلّني بعض ضعفك
قلبي جرادٍ باد ما حصّل العشب
أنا قديم الهم وأنفع لعطفك
أما الهوى ياسيدي مركبه صعب
يا ليت لي صهوة جوادٍ وأخطفك
للشمس لنجوم المجرات للشهب
تحبني وأقول من زود لطفك
شكراً صدقت وألف شكراً على الكذب
اخوووكم
الموااادع
الموااادع 03-10-2007, 03:16 PM دم الاطراف
أتعب على المعنى ويسهرني القاف
ويلذ لي تجريح عذب القوافي
وإلى مزج حبر القلم دم الأطراف
يصير لي معنى على الناس خافي
عندي معاني الشعر تلمس وتنشاف
أنما جرحك الشعر ما هوب كافي
وان ما لمس في القلب احساس وشغاف
عدّك كتبته فوق رمل السوافي
لاتحسب ان البحر موج ومجداف
ترى قليل البحر ما كان طافي
اخوووكم
الموااادع
الموااادع 03-10-2007, 03:18 PM ديمه
قلت المطر قالت من اليوم ديمه
ما به رعد لا برق ما غير هتان
عشقٍ جمع ما بين قاعٍ وغيمه
فيض على صدر الثرى دمع الأمزان
همس النديم اللي يعاتب ند يمه
صوت المطر كنه تعاتيب خلان
وتبسمت لا جل الليالي القد يمه
وقالت تذ كر قلت يابنت نسيان
نقض الجروح اللي تشافت ظليمه
ما عاد به وصلٍ ولا عاد هجران
وما للرجا في بعض الأحوال قيمه
ومال العمى صبحٍ ولو بات سهران
لو للزمن عن نية الغد ر شيمه
ما فرق أحبابٍ ولا بعد أوطان
كلٍ خصيم .. وذاق لوعة خصيمه
واللي خصيم الوقت يا بنت خسران
اخوووكم
الموااادع
الموااادع 03-10-2007, 03:18 PM ذليل الدمع
أنا لانيب لاشاكي ولاعتاب كفاني اشطون
هواك اللي نثرته لاتعجب لاأنكسر كاسه
ترى ما يذبح العاشق مثل دمعٍ بكته اعيون
على موت الأمل واللي يحبه هو سبب ياسه
حبيبي ما خبرت الدمع يرقا وجنة المشطون
ذليل الدمع لابد يتحدر لو رفع راسه
بقالي عزتي ياللي على اللي ما سواها تمون
وأظنك ما سمعت بعاشقٍ قلبه عصى وداسه
أنا الحطاب في قاعٍ جرد ما به شمع وغصون
حداه البرد والليل الطويل وشب فاسه
اخوووكم
الموااادع
الموااادع 03-10-2007, 03:19 PM دارالاشواق
يا الله لا تقطع رجا كل مشتاق
بامرك يا رب الحلم يصبح حقيقه
وأنا أدري أن الوصل تاليه لفراق
ولولا الأمل .. ما تحمل النفس ضيقه
أمس سرى في تالي الليل براق
قلبي يفز لنوضته بتخفيقه
وسمٍ بكور صادق الوبل دفاق
لو شافه الظميان يبتل ريقه
عله على دار الوفا .. دار الأشواق
دار صفت لأهل القلوب الرقيقه
فارقتهم ما ليلةٍ خاطري ضاق
واليوم للسلوان ما أجد طريقه
يا كود حرفٍ لي كتبته بالأوراق
مثل السراب اللي يسلي بريقه
والله لو كل المخاليق عشاق
ما شفت لك نفسٍ تعذب دقيقه
اخوووكم
الموااادع
الموااادع 03-10-2007, 03:20 PM شمس الجمال
هيه يا غصن تمايل بالدلال
ما تخاف الكسر لا هب الهبوب
وما تخاف الله وتسعى بالعدال
انصف من لحاظ عينيك القلوب
لا متى ذبح العرب عندك حلال
تابت العالم متى عينك تتوب
مير قلبي يا لغضي بيعه محال
ما أقدر أعطي لو تبي مني ذنوب
أشهد إنك بالحلى فقت الخيال
وعيب حسنك كان في حسنك عيوب
شارقة في طلعتك شمس الجمال
وجامع في ضحكتك كل محبوب
الخمل فيني انا ما بك خمال
مشملٍ نوّك .. وانا نوّي جنوب
اخوووكم
الموااادع
الموااادع 03-10-2007, 03:21 PM زمان الشح
في زمان الشح يصبح للقمر
مثل نور الشمس في الليل العتيم
في زمان الشح يصبح للحجر
مثل ما للسيف من قدرٍ عظيم
في زمان الشح يملانا الفخر
لا تحدى الظلم كهلٍ أو فطيم
في زمان الشح في وقت الدهر
كل مجدٍ في ارضنا يولد يتيم
وش نقول اليوم ياطفال القهر
في القصايد ذل والله العظيم
ما فقدنا السمع ولاكف البصر
مير بين اضلوعنا قلبٍ سقيم
أهلنا صرتوا عناوين وصور
انتذكركم مثل وجهٍٍ قديم
كن ما به ارض لا نهر وبحر
كيف جرح الأرض يشفي في الصميم
علمونا اليأس من صبر وحذر
علمونا ( القدس ) ننسى (اورشليم)
لا سقينا غيث هتاف المطر
كان خضنا الحرب باطفال وحريم
اخوووكم
الموااادع
الموااادع 03-10-2007, 03:22 PM زلة المحبوب
يا زين للعاشقين ذنوب
كثير واللي يحب يغفر
بالحيل طول الزعل عذروب
إلى متى الكسر ما يجبر
با أخطي وأعيد الخطا وأتوب
والصاحب اللي علي يصبر
وإن ما دمح زلتك محبوب
ما أظن من يكرهك يعذر
اخوووكم
الموااادع
الموااادع 03-10-2007, 03:23 PM الشفق
أول اليوم عانقت الشفق
وآخر اليوم عانقني شفق
وأنا بين التلاقي والفراق
أدفن العمر وأحفر لي نفق
يا حبيبي وأنا مثلك غريب
عن حمى النوم غربني أرق
اقطع الليل لديار النهار
واغسل الدمع من شط العرق
ولا جمعني بك الموعد لمحت
ألف نجمٍ توهج .. واحترق
أجمل العمر طفلٍ من غلاه
قمت أضمه لصدري واختنق
وباقي العمر لو عمره يطول
ما يجي سطر في ذهن الورق
من بقول اللقا غير الوداع
بينهم فرق واجد ما صدق
أول اليوم عانقت الشفق
وآخر اليوم عانقني شفق
اخوووكم
الموااادع
الموااادع 03-10-2007, 03:24 PM ريانة العود
تذكٌر صوتك يناديني ...
تذكر ... تذكر ...
تذكر الحلم الصَغير ...
وجدار من طين وحصير ...
وقمَرا ورا الليل الضرير ...
على الغَدير ...
لاهَبٌت النسمَة تكسر ...
جيتي من النسيان ...
ومن كل الزمان ...
اللي مَضَى واللي تغٌير ...
صوتك يناديني تذكٌر ...
ناديتي خانتني السنين اللي مَضت راحت
ناديت ماكن السنين اللي مضت راحت
كنا افترقنا البارحة ...
البارحة صارت عمر ...
ليله أَبَدْ عيٌت تمرٌ ...
ياجمرة الشوق الخَفي ...
نسيت أنا وجرحك وفي ...
يتذَكر الحلم الصغير ...
ريانَة العُود نادي ...
نادي الليَالي تعُود ..
بشوق الهَوى بوعُود ...
بوجهي اللي ضيعته زَمَان ...
في عُيُونك السٌود ...
ياالضحكة العَذبة ...
عَنك الصٌبر كِذبه ...
وفيك العُمر موعود ...
اشتقت للحلم الصغير ...
واشتقت لجدار وحصير ...
وقمَرا ورا الليل الضرير ...
على الغدير ...
ان هبت النسمَة تكسر
اخوووكم
الموااادع
الموااادع 03-10-2007, 03:24 PM سلام
سلام يا رمشٍ كسى باهي الخد
سلام يا ذبح القلوب الخليه
انعم من النسمة على خدة الورد
وأغلى سلامٍ لو ترده عليه
كان الجفا منك حصل لي فلا بد
أرضى بعطفك لوه رد التحيه
رد السلام ولي تبسم على قد
ما توجب ظروف الوفا والحميه
وان كان لك قلبٍ غليلٍ على الصد
الله حسيبك صد .. أنا اش في يديه
والله ما يصبر على خاين الود
كود الذي قد خان أمانة خويه
اخوووكم
الموااادع
الموااادع 03-10-2007, 03:25 PM سوالف عرب على جال ضوهم
عبر العصور السالفه ..
كانوا العرب يشرون
المهر بمية ناقة
كانوا الرجال مثل الرماح ..
قاماتهم مشدودةٍ ودقاقة
وكانوا الحريم صبرٍ قديم
وفا وسماح ..
والى اقطعوا عن الفطيم الحليب
قصوا عسيب من انخله
واعطوه له وقالوا فرس
اعطوا الصغير سيفٍ خشب
ومجدٍ يحبه يوالفه
السالفه رغم الفقر
والجهل واوقات المرض
ماكان للبسمة غرض
ولا كان للدمعه غرض
ماكان في الدنيا سوى
ثوب ورغيف وعرض نظيف
وكرامةٍ ماهي تمس ..
السالفه اني أحس
انا عكسنا السالفه
صحيح قهرنا الفقر
والجهل وايام المرض
لكن غدى لكل شي غرض
السالفه ان القديم
كله غدينا انخالفه
ابدون وعى والابوعى
ماانتم معي انها قديمه السالفه
اخوووكم
الموااادع
الموااادع 03-10-2007, 03:26 PM الروح الجريحه
يا عذولي وش تفيد به النصيحه
لا تعذل القلب وجروحه طريّه
من يداوي علة الروح الجريحه
ومن يسلي دمعة العين الشقيه
ان شكيت من الهوى قالوا فضيحه
وان سكت استنقضوا جرحي عليه
وان نويت البعد ضاقت بي الفسيحه
وان بغيت القرب خان القرب فيه
من عذلني في الهوى الله يبيحه
ومن عذرني ما حصل مني خطيه
اخوووكم
الموااادع
الموااادع 03-10-2007, 03:27 PM دمع السحاب
جهّى مطر دمع السحاب المجاهيم
سود العيون اللي انتثر وبلهنه
رمح الشمال اللي طعن مهجة الغيم
شق السحاب وسالت الشمس منه
ساعة غشاني دمعها كنه الديم
دب الوجل في المهجة المرجهنه
وقمت اتذرى بالصبر والتعازيم
بعضي يبوح الخوف وبعضي يكنه
ناديتها واللي يغيث المظاليم
انك ولا غيرك لقلبي مضنه
ان قالوا الحساد داله وانا اهيم
ما نيب انا ارجي من عدوي محنه
قالت تشد وقلت بالحيل باقيم
ما في الوطن وعيون الاحباب منه
تبسمت شوقٍ بحبٍ بتسليم
حبيبتي والا العدو خاب ظنه
اخوووكم
الموااادع
الموااادع 03-10-2007, 03:28 PM الرماد
الشمس طاحت وبردت ورمد الشفق في حجر الارض
من يشتهي يدوس باقدامه على هالرماد كله ..
يا عابرٍ على المدى من السراب الى الندى ..
قلبي سقط فوق التراب شله ..
او لا تدوس القلب خله كل يوم له شمس
وانا مالي سوى قلبي
انا من بكى لين الثرى بله بالدمع ..
ويوم اكتفى صد وعصر ظله ومسح بردنه وجنته ..
ثم ابتسم لين حسدوه الناس
يازارعٍ شوك الهراس فوق الرمل كله لاقدام من يكره الشوك
ياحظ من ياطى بقدم انا مالي سوى قلبي
الشمس طاحت ونثر الظلام ظله ..
على الجروح ياكاتم الزين الفضوح عن عيني
لا تظهر انيابك وتقطع احبابك شمات
انا من عطى ضي الشموس خله لين حسدوه الناس
ولا تنتظر غير السموس لله ..
انا مالي سوى قلبي
اخوووكم
الموااادع
الموااادع 03-10-2007, 03:29 PM ردي سلامي
حبيبتي ...
ردي سلامي للهوى عذب السلام ..
وأغلى الأماني وللأمل كلمة ملام ..
قولي له إني ما هقيت ...
إني الى نحت وشكيت ..
ترجع ليالينا سوى شوق وغرام ...
سنين مرت وما أدري عن الأيام ..
يقولوا تفرق الأحباب ..
وانا أقول القمر ما غاب ..
من أول يوم تواعدنا ..
أثاري الوقت يخدعنا ..
ويبعد عننا الأحلام ..
قولي له إني ما هقيت ...
إني الى نحت وشكيت ..
ترجع ليالينا سوى شوق وغرام ...
حبيبتي يا نظر عيني ..
أشوف الليل ما بيني وبينك وكل الناس ..
أحس ف نظرتك معنى ..
ودربٍ كان يجمعنا على الإحساس ..
قولي له إني ما هقيت ...
إني الى نحت وشكيت ..
ترجع ليالينا سوى شوق وغرام ...
اخوووكم
الموااادع
الموااادع 03-10-2007, 03:30 PM سافري
سافري كان يرضيك السفر
جربي لو ورى ليلي صباح
بدلي الرمل بأمواج البحر
واتبعي الغيم تحملك الرياح
سافري لين تبكين المطر
واضحكي لين ما يضيق البراح
ولا تعبتي وحسيتي بضجر
خلي الشوق لديارك جناح
أرجعي في ابتساماتك عذر
مثل ما الدمع في عيني سماح
انتي العين من طول النظر
وانتي القلب من كثر الجراح
اخوووكم
الموااادع
الموااادع 03-10-2007, 03:30 PM سلامة رماحك
سلامة رماحك اللي جرحها غالي
طعنتني غاضب لين أنكسر رمحك
لو قلت لي كان أجرح حالي بحالي
لا عاش قلبٍ جزع وارتاع من جرحك
لاجلك جروحي غدن اليوم عذالي
ذميت ظلمك وأنا من عادتي مدحك
ياليت لي ذنب وألقى علقمك حالي
وياليت بك عدل وأرضى ف الهوى ذبحك
ياسيدي وإن نويت تزيد غربالي
قلي وأنا أبعد ظلامي عن سنا صبحك
لو ما يسرك أطو ل الشمس بجبالي
مايكفي إن عشقت جبالك وسفحك
كل الهوى بالهوى يزهى ويختالي
وأنا الذي في خسارة عزتي ربحك
ياعل ماتزهرالأشجار في رمالي
لو أعتذر عن شموخي في رجا صفحك
سلامة رماحك الي جرحها غالي
طعنتني غاصب لين أنكسررمحك
اخوووكم
الموااادع
الموااادع 03-10-2007, 03:31 PM ذلني الشوق
ينزع الحر .. للعالي المنيف
عادة الحر لطام يعاف
ذلني الشوق يالقاسي اللطيف
ولحظة الوصل من صدك تخاف
انا قلبي .. جناحٍ له رفيف
يتبع الشمس في الريح الصلاف
للوعد جيت من لون الخريف
وللوعد جيت من طعم الجفاف
ومر في ساعتي وقت ونزيف
ومر في خاطري حزن وزفاف
آه وينك انا مثلك كفيف
وليه قمراك تطلع ما تشاف
اخوووكم
الموااادع
الموااادع 03-10-2007, 03:32 PM زل الطرب
تلعب وانا ما عاد لي بالطرب شف
لعبك بروحي بدل الفرح بجراح
زل الطرب يا موجع الطار بالكف
شابت قوافي الليل نور الضحى لاح
كانك تدق القلب دقك على الدف
عسى الضلوع توقي القلب لا طاح
شفتك ولا ادري من قضب بعدك الصف
ناس ٍكثير وكنهم عندي أشباح
نورك دعاني عندك الشوف وقف
كنه فنارٍٍٍ لاح في عين ملاح
من له ثمان اسنين من راح منكف
خلّى السفين وعارض الموج سباح
من فرحته ما حسب االحيل يتلف
غلب عليه الموج والقاع منزاح
اخوووكم
الموااادع
الموااادع 03-10-2007, 03:33 PM دروبي رمل
في دروبي رمل لامن جيت ساري
ينبت الأشواك لامن رحت ساري
صاحبي ماجيتك إلا وفي طريقي
من ربيع العام نوّار وخباري
ولا تواعدنا وبه في الأرض زهره
ولا تفارقنا وبه للبرق طاري
لا تأخر دام لي في العمر ساعه
ولا تقدم لين أشوفك في انتظاري
الزمن ورده سهرت أحسب ورقها
وإن قضا ماجيت في دموعي عواري
حبّني كثر اللذي نلقى بوعدنا
من ظلال وريح ونجوم وغداري
صاحبي مثل الخجل لو تكتسي بي
قبل أصير الشال يذهلني انحساري
ياقريب البعد للشكوى أسامي
الجفا والخوف وآخرها حذاري
وانت لو خان الزمن بقول وافي
لا أنا تركي ولا أظنك مشاري
اخوووكم
الموااادع
الموااادع 03-10-2007, 03:34 PM ربيع الحب
الله يعين الروح كم هي تمنى
شوف الحبايب ساعةٍ عقب حرمان
والله يجازي اللي بلطفه هدنا
وقتٍِ تبدل وأبدل الوصل هجران
أقفى ربيع الحب وأدهر وطنا
وشوك الثرى دسناه في درب الأحزان
خاط القدر بسلوك حكمه كفنا
وإلى حكم وش ياترى بيد الإنسان
حنا ضحايا الياس نرجي زمنا
ينظر لنا لو يوم لله بإحسان
حنا ليالينا بهوانا رمنا
حنا جنينا ونرجي الله غفران
اخوووكم
الموااادع
الموااادع 03-10-2007, 03:35 PM ردي علي الصوت
ردي علي الصوت ردي حياتي
صمتك على شكوى حنيني مذله
اما اقطعي حبل الوصل بالنجاتي
والا عطيني باقي الود كله
لا توعديني عذب الصبر ذاتي
والبعد حالي مع عنا الوجد سله
اشكي الجفا لك ما شفيتي شكاتي
الوعد الأول للقا فات حله
يرضيك يصبح شملنا للشتاتي
يرضيك نرضي كل نفسٍ مغله
يرضيك لا فرحوا بهمي عداتي
واقفوا يقولون الغضي عاف خله
ردي علي الصوت يكفي السكاتي
قولي لغيرك ماهفا القلب للّه
اخوووكم
الموااادع
الموااادع 03-10-2007, 03:35 PM شكرا سحايب
شكرا سحايب على لطفك
انتي مطر والصحاري الناس
قلبك شكا من كثر عطفك
لا باس هذا التعب لاباس
أغليك وان كنت ما عرفك
اخوين يجمعهم الاحساس
رسمك لحن رائع وعزتك
على القلم نوَّرالقرطاس
اخوووكم
الموااادع
الموااادع 03-10-2007, 03:36 PM دروب الأرض
دروب الارض ..
توصلنا الاماكن وترجع !!
ويكفي هالسفر عذروب
بأن الارض ما تقوى الهروب ..
دروب وغير الارض
وين بتروح تسافر ..
كان الصوت يرجع للحناجر ..
كان الجرح يرجع للخناجر
مثل كل الطيور اللي تهاجر
وترجع كل مرة
تعب هالبحر لا يجتاز
جدران السواحل
انا لي سنين راحل
حملت الطين
كله .. لكل الطين
قلي يا انا
الى متى وانت
على هذا الأنا مصلوب
دروب الأرض لكن
لكن
اخوووكم
الموااادع
الموااادع 03-10-2007, 03:38 PM ربابه
يا جاذب القوس ..
قطعت كل العروق الا وتر
وكل الجبال الا الحجر
وكل الطعوس الا الاثر ..
وجرحتني جر الربابه
يا فتى الجود ..
وبين السبابه والابهام
احبس القلب ثم اطلقه
صوتٍ أحسه واعشقه
هات القصيد من الكلام
والروح في صافي النغم ..
ذكرني زهر القحويان
في مبسمٍ لو قلت فم
عيا النهار
لاصابعك تلفتت ( عليا )
وتنهدت ( نوت )
والعشق من كل الرمال اللي مضت
كنك جمعته في صوت
ناظرت في حسك آثارهم فوق المراح
كن البدو .. اللي شربوا ملح وقراح ..
من أول بدايات الصباح ..
أسمع حنين ركابهم
قفوا وانا ف اعقابهم
أبكي على خلي رحل
لاجل الزمام ودق الوشام ..
وخرسٍ محاجرها الظلام ..
رد القصايد للكلام ..
وخل الربابه يا فتى الجود ..
في قبرها الملحود
تحت الضلوع واخرجنيمن حسك
ود ّ الغريب يعود يا صاحبي بسك
لا تجذب القوس ..
لو هالدموع نفوس كان فاضت
اخوووكم
الموااادع
الموااادع 03-10-2007, 03:39 PM السنابل
من يهني السنابل في ليالي عرسها
كل شعب الجزيرة اللي تعب في غرسها
يا جزيرتنا بناتك ..
ما تناسوا وصاتك ..
كافحوا واتخرجوا وتحت ظلك انتجوا
آه كل يومٍ في حايتك يا جزيرتنا أمل ..
البيارق خضر وفصولك ربيع
راية التوحيد يا عز الجميع
يا جزيرتنا بناتك
ما تناسوا وصاتك
كافحوا واتخرجوا وتحت ظلك انتجوا
آه كل يومٍ في حايتك يا جزيرتنا أمل
اخوووكم
الموااادع
الموااادع 03-10-2007, 03:39 PM راعي الهوى مسكين
شعر موج وقمر خد ..
دفا روح وطغى قد ..
وراعي الهوى مسكين ..
زهى الكحل في الحاجر الفتان
وسرى الليل تو الفجر ما بان
وراعي الهوى مسكين
كما الشمس يجهر سنا نوره
ما اقدر أناظر والعين مكسوره
وراعي الهوى مسكين ..
ثغر ورد ورده شكت ورده
من دونها الشوق والرمح والقرده
وراعي الهوى مسكين
اخوووكم
الموااادع
الموااادع 03-10-2007, 03:40 PM سيف الغضب
أفداك أنا كلي ..
عودي غصن يابس ..
لا تحرقيني اليوم ..
حر وسموم وصيف ..
إنتي إجلسي في ظلي ولا جا الشتاء يمدي
لا تجرديني اليوم خليني في غمدي ..
سيف الغضب ماضي خلي الكلام يموت ..
ووقت الغضب ماضي لا ترجعيه بصوت ..
وش كثر أنا راضي حبيبتي عندي ..
قولي لي يا بعدي يومين ماشفتك ..
يومين مالي عيون ..
محروقه أجفاني بشموع إحساسي
كانت دموعي فوق وجهي وانفاسي ..
وظلي على كتفك وراسي على زندي ..
أفداك أنا والله لاتسمعي رعدي
ولا يزعجك برقي ..
انا لو شكيت أحلم ..
ما به زمن نندم ومابه عمر للخوف ..
إنتي احفظيني فم ولا تحفظيني حروف ..
ولو غرقت في يم ..
لا تعشقي بعدي ..
اخوووكم
الموااادع
الموااادع 03-10-2007, 03:41 PM ظما الشمس
أسند على كفي السما وأناظر الشمس
أشرب عن عيونك ظما
أشرب ظما الشمس
وقلتي عسى . جفنك عسى مايحترق
حاولت ماأغمض عيوني
حاولت أنا ما نفترق
آه لو تدرين لوتدرين
لاعوّد العاشق حزين
يمشي على جفن وجبين
عزاه يالقلب الشجاع
ضاع الأمل وما لك عذر
من لمست عيوني الشعاع
زندي أنثنى ورمحي أنكسر
إن لمسني حزنك الطاغي
بغطي وجهي الوجل بيدي
وجرحيني جرحي جرحي
ثم ابعدي
ريحي الصمت بكلام
آه لو كلمة ملام
إرجعي تحت الظلام عوَّدي
في سنا القلب اللي توه يحترق
غمضت أنا عيوني
غمضت أنا عيوني
ياإنت بنفترق
والله يعلم إني حاولت
اخوووكم
الموااادع
الموااادع 03-10-2007, 03:42 PM الظما عشق
كل ما حث الخطى .. ينبت
الطلح في عيوني
تبني الرمال رمال
كل ما حث الخطى يولد
من رحم السراب جبال
أثر الظما عشق
وردت يا بير السما
الشمس دلوي والشعاع حبال
أثر الظما عشق
يا ربعي الخالي
وأثر الأماني جمال
ترعى عشب بالي
والشمس ترس نحاس
وأثر الشعاع نصال
وراعي الهوى خيال
يفكها من الياس
واحث الخطى ينبت
الطلح في عيوني
تبني الرمال رمال
يكبر الطلح في عيوني
ويغيب ..
يسيل من تحت القدم
رغم الجفاف شعيب
اقطع تجاعيد السهال
بسيف الظلال ..
ويشرق سواد بيوتكم
في ( مرو ) التلال
وغيم الخريف
البرق له وميض ورفيف
يشرب الطلح في عيوني
وتسقي الرمال رمال
اخوووكم
الموااادع
الموااادع 03-10-2007, 03:43 PM العطش
آه يا العطش
جفت اشفاهي
وصوتي الواهي ارتعش
لو حبيبي ما ما سقاني الما
لو شربت أظما لحبيبي وللعطش
يا سموم القيظ جفت عروقي
تحتي الرمضا واللهب فوقي
والعطش شوقي وشوقي للعطش
اسقني عيونكحبيبي أو أموت
ما ابي رمشك نعش
يا وسامي الحب امطري في القلب
الزهر والعشب قلبي يا مطر
الظما والجوع بعدك والدهر
لو حبيبي ما ما سقاني الما
لو شربت أظما لحبيبي وللعطش
اخوووكم
الموااادع
الموااادع 03-10-2007, 03:44 PM الطير
واطيري اللي زودوا فيه الأثمان
اشعل ظهر والصدر يجهر شعاعه
لو له شبيه في الملى هو غزالان
راجي عل زينه يزود بشجاعه
خذته ولاني يا هل الطير ندمان
من عادتي ما نيب اسوم البضاعه
الى ركز في مجلسي طير حوران
وتجمعوا عندي كثير الجماعه
وشلته على كفي كثير الغثا هان
عندي غدى للهم مثل المناعه
لا صرت فيما تطلب النفس بلشان
اترك طمان القاع وارقا برفاعه
وباكر تصاريفه على عالي الشان
من يضمن الدنيا ولو ربع ساعه
اخووكم
الموااادع
الموااادع 03-10-2007, 03:45 PM عض النواجذ
أقوم بجبالٍ ولا أقيم في سفح
لو أطعموا لحمي لعوج المخالب
يابنت مابه ذنب يصعب على الصفح
|