نهر فضه



زين رفعت الراس وزين تقضه
شعرك سواده ليل والخد ياضي
لا يا قمر يا شمس يا نهر فضه
لا يا خزامي الروض ورد الفياضي
لا ما بقي لي كود الابهام أعضه
مستسلمٍ لك خاضع النفس راضي
أبني جدار الصبر وزينك يقضه
صعب رحيلي عنك صعب مراضي
كل ما أصد بطرف عيني وأغضه
عنك انشبتني العين والدمع فاضي
مديت لي كف صغير وبضّه
وقضبتني عن نزعتني وانتفاضي


اخوووكم

الموااادع

ما هو زمن مرزوق




مرزوق
الشايب اللي كله عظام عروق

ولد يوم الليالي بروق
يوم النهار اعشاب

وغدت باقي السنين المجدبه
ترسم تجاعيده
في وادي الطلح

طفل حبا فوق الصخر والشوك

مرزوق ومر الصبا
وهاذي السنين بروك
مثل الجمال بروك ومقيده

مد الايادي وفك الحبال
اطلق الجمال الباقيه
السنين الباقيه
ورحل مرزوق
من زمن النخل والطين

دخل مغارة التنين
في ومضة اللحظه اولحظه النار
كان اللهب ازرق
يوم احترق مرزوق
وجه الصباح اشرق
عليه غيم غبار

في كل الصحاري الاوله
الوقت سيارة تجري
والدنيا في الشارع

ماهو زمن مرزوق
كيف يقدر يصارع
هذا الحديدالناس
لاهو يعرف يسوق
ولو يقطع الشارع
يخاف لا ينداس

فجأه وقف مرزوق
الشايب اللي
كله عظام عروق

مات وما في الليالي بروق
مافي النهار اعشاب
ومن يدري الاسباب
يمكن ماهو زمن مرزوق !


اخوووكم

الموااادع

مالي على الحب سلطان





بمناسبة شفاء صاحب السمو الملكي الأمير سلطان بن عبد العزيز .. وعودته من رحلته العلاجية


يا سيدي ما لي على الحب سلطان
انت الذي تامره بأمرك وتنهاه
كل له اصحاب وربع وخلان
ناس تبي نعده وناس تمناه
إلا أنت كل الخلق في حبك انسان
قلبه معك دايم صباحه وممساه
ياللي وسع صدرك لنا دار وأوطان
ياللي الصخى والطيب فعلك تعداه
أنت البخيل ابمنتك وقت الاحسان
وانت الذي لطفه يسابق عطاياه
ما كل من فارق غدى مثل سلطان
كلٍ يبي شوفه وكل ترجاه
لو المرض جيش نطحناه بسنان
ولو الكدر بحر شربناه لرضاه
أنا أحمد اللي بدل الجهل بإيمان
اللي حفظ عمي وصانه وشافاه

اخوووكم

الموااادع

ما عاد لي صاحب




يا من نشدني علامك ناحل شاحب
اخترت مثلك صديق وأخلف اظنوني
البارحة واعذاب الضاحك الناحب
من الليالي وأهلها شابت عيوني
روحت من صاحبي ما عاد لي صاحب
وأعداي وافين ما قد يوم خانوني
هذا زمان نصيبي منه وأنا أحب
لا من حفظت العهد ازعلت مضنوني

اخوووكم

الموااادع

وين تبدا هالمدينه




وين تبدا هالمدينه كل يوم ..
من رصيف عاري تحت النجوم ..
من عناوين الجريده ..
في المواني وحمرة عيون المسافر ..
ضحكة الصبح الجديده ..
أخر اوراق التذاكر ..
اوبعد حبر الختوم ..
وين تبدا هالمدينه كل يوم ..
ودي اعرف هاالعواصم ..
وأبي ابدا من يديها ..
ودي انزع من اصابعها الخواتم ..
قبل لاسلم عليها ..
ودي تجمعني بها لحظه حميمه ..
وين تجلس هالمدينه ..
في العماير في الدواير ..
في الدكاكين القديمه ..
او تحت اهدابك انتي ..
في صدري احساس شهي ..
لو يدوم ..
وابي اعرف وين تبدا هالعيون وتنتهي ..
كل يوم ..؟
مدري وش سر العواصم والمداين والعيون ..
ومدري وش سر الجنون ..
اني اعرف ..
انتظرتك في محطات القدوم ..
وفي مواعيد السفر ..
صك شباك التذاكر ..
وانمحى حبر الختوم ..
وما عرفتك



اخوووكم

الموااادع

وداعة الله




تفداك روحي يا مفارق حبايبك
وفداك عمري راحتي وابتهاجي
كان الجروح اللي بقلبي سبايبك
أنت الذي بارجى حنانك وأناجي
طيفك إلى مازارني كيف أعاتبك
يا ساكن وسط الحشا ومتلاجي
إنت العذاب وكيف أنا بك أعذبك
يامن جرحت القلب جرحك علاجي
الله حسيبك قمت أنا أحمل مصايبك
وأنا الغريق وحامل هم ناجي
وداعة الله والسلامة تصاحبك
حلفت مااعقد في وداعك حجاجي

اخوووكم

الموااادع

وعود وأعذار




عطني في هواك الصبر لاصرت قاسي
تبدي حنان وداخل القلب جبار
لا صار قلبك خالي الحس ناسي
وتلعب على المشتاق بوعود واعذار
ولا صار فيك من الأمل كثر ياسي
وعندك يقين وتارك القلب محتار
لا من نسيت اولي نويت التناسي
اترك وراك لباكي العين تذكار
اشرب معاه الوهم لا جف كاسي
و لا ما حصل شوفك أضمك بالأفكار
يا حارم عيني لذيذ النعاسي
ومعذب روحي بجنتك والنار


اخوووكم

الموااادع

مداوي الجرح بجراح




يا اللي جبين الصبح من مفرقك لاح
ليتك تركت الليل يملأ سمايه
كان الهنا ما جا حياتي ولا راح
ولا فقدت اليوم نورك هنايه
جرحتني يامداوي الجرح بجراح
وأنا أحسب إنك صادق في دوايه
وكانك على جرح المحبين ترتاح
إرتح قطعت اليوم تالي رجايه
وابشر ترى روحي نست كل الأفراح
وتهدمت تبكي عذابي معايه
جرحتني يا مالك الروح برماح
صدك عسى يرضيك مني شقايه


اخوووكم

الموااادع

محبوبة المطر




هذه القصيدة بمناسبة زيارة إلى الكويت لإٍحياء أمسية شعرية هناك ..

أقول الوسم وش خلى سحابه ينحدر للشرق
ترك كل الجهات ولا تغير في محاديره
نويت اعارض غيومه وأسافر مع غريب الطرق
أبا أدري هو صحيح إن المطر محبوبته ديره
عسقت الغيمة الشارد ولانت لي حبال البرق
وتعلقت بمعارف مهرتي لعلها خيره
فهقت طويق ولي قلب يغني في نخيله ورق
وتسابق للثرى وبل دموعي من تباشيره
وللصمان في قلبي صواب وطعنتين وحرق
مداهيل الهوى الأول عسى تزهر نواويره
وبانت لي الكويت ولا تبين في المحبة فرق
أنا في دار خلاني ولي غير النسب جيره
عرفت الوسم وش خلى سحابه ينحدر للشرق
ترك كل الجهات ولاتغير عن محاديره


اخوووكم

الموااادع

مرثية الدغلوب




ذكرتك كانت ضلوعي خشب أثل وحشاي دروب
وقلبي غرفة من طين تهاوى سقفها الدافي
ومن شح الدمع غنيت لك مرثبة الدغلوب
وطفلٍ للمطر يجري على الصخر الخشن حافي
نخياي أخلفت وعد الصرام وظلها المسكوب
على كبدي طويته يا الهجير الظالم الجافي
وأنا لومات غرسي منظما مالي عن المكتوب
عذابي اني سقيته وارتوى من قلبي الصافي
وإلى خان الشجر والطين لا تشره على المحبوب
زرعت ولا جنيت بها الزمن لي صاحب وافي
ندهني للرحيل من الشعيب المسني المذروب
إلى مني رقيته بان لي سهبان وشعافي
وذكرتك ما بقالي في السما لو لحظتين غروب
ولا لي في الثرى كود الذي برميه أنا خلافي
بعض طيني شهاب اثلي ودلوٍ يابس مثقوب
يخر الرمل في جوف القليب ويظهر السافي
جريد اللي ذبل وإلا هوى أو هو موات قلوب
نويت أشد من دار العطش واعيش في اطرافي



اخوووكم

الموااادع

نسيم الليل




هب النسيم بريح من مفرقه لاح
عطر وسنى من غزة الليل بادي
ما عاتبه موضى جبينه ولا شاح
أعطاه خده وانتشى بالبرادي
لا يا نسيم الليل قلب الخطا باح
والعين ملت جفنها من سهادى
يا ليتني مثلك خلي ومرتاح
ما أحد نشد عن غايتي عن مرادي
ولا طاب لي غصن من الغى مياح
أروي غليل القلب لا صار صادي
لا شك أنا بالحب كتبت لي جراح
شربي حزين الدمع والصبر زادي
لا جيت أبا أدله عن زماني الذي راح
قالت ليالي الشوق وين أنت غادي


اخوووكم

الموااادع

النسيان




تذكر النسيان لاعاد تنساه
ياقلب وانسي القلب لعل يشفا
يدرى الحبيب انه حبيب وابجفاه
ماهو خراب الكون لاقفيت واقفا
كان الخطا منى فقلبي خطاياه
هو علمه وشلون يهجر ويجفا
تعب المسافر وابعد الموج مرساه
صار المدى له يم والشمس مرفا
ومل الهوى نوحه وبوحه ونجواه
ماعاد لى صبر على الجرح تكفا
الى متى صدري بيحترق حناياه
كنك على صالي عظامي بتدفا
والى متى جفنى بيسقيك من ماه
كن الليالي لاصفا الدمع تصفا
تذكر النسيان ياقلب وانساه
وانسي الجروح اللي مع الوقت تشفا



اخوووكم

الموااادع

يا حابس النور




يا حابس النور في كفوفك
سلم عسى ينجلي همك
أنض الزعل خلنا نشوفك
مد العتب نسبح في يمك
صحيح ما ننطح حتوفك
لاشك نوقف نزف دمك
الناس ما همها ظروفك
كود الذي يحزن لغمك
وان شلت حملك على كتوفك
بتموت ماحد ترى يمك


اخوووكم

الموااادع

يا سواد العين





ياسواد العين في عيوني سواد
النظر دخان وأنفاسي لهب
من نثر في مطلع الشمس الرماد
ومن جمع في موقد اللوعه حطب
كانها الفرقا فهي هم وكاد
مير اظن الياس ياخل السبب
يالبعاد اللي ورى طولك بعاد
ماورى الدرب العسير الا الصعب
وش بقي لي من الرجا كود العناد
وش جنيت من الهوى غير التعب
لو يرد العشب لومي للجراد
كان لمت السحب في جرد الحدب

اخوووكم

الموااادع

http://www.m5zn.com/uploads/5fbe0c2e16.jpg (http://www.m5zn.com)



يعطيك العافيه اخوي الموادع عالمجهود الحلو
والامير بدر يستاهل

وبالنسبه للي بالصوره تعجبني
تحياتي

الله يسلمك ويعافيك وتسلمين على مرررورك الرااائع


وانا اقدم هذا المجهووود لهذا المنتدى الذي اعتبره بيتي الاول في الانترنت


وان شاء الله سأقدم مواضيع تحووز على رضااااااكم واستحسانكم

معا لرقي منتدى توووب نجد



اخوووكم

الموااادع