قـصـيـدة مـؤثـره
*يـا ليتنـي خدامـة بيـن اياديـك .. من شان اشوفك كل يوم برضايـا*
(ماعاش من يخليك خادمة يا يمه)
هذي قصيده مؤثرة لأم تشكي حالها بعد ان وداها ولدها (الله يهديه) للمصحه
(دار العجزه) او كما يقااال ( دار النسيان) والبيت أعلاه يبكي حتى القلب القاسي
اترككم مع القصيده
وين انت يا حمدان امـك تناديـك .. . . . وراك مـا تسمـع شكايـا وندايـا
يا مسندي قلبي على الدوم يطريـك .. . ما غبت عن عيني وطيفك سمايـا
هذي ثلاث سنين والعيـن تبكيـك .. . . . ما شفت زولك زايـر يـا ضنايـا
تذكر حياتي يـوم اشيلـك واداريك . . . . والاعبـك دايـم وتمشـي ورايـا
ترقد على صوتي وحضني يدفيـك .. . . ما غيرك احدٍ ساكن فـي حشايـا
واليا مرضت اسهر بقربك واداريك .. . ما ذوق طعم النوم صبـح ومسايـا
ياما عطيتك من حنانـي وبعطيـك .. . . تكبـر وتكبـر بالأمـل يـا منايـا
لكن خساره بعتني اليـوم وشفيـك .. . . واخلصت للزوجه وانا لي شقايـا
انا ادري انها قاسيـه مـا تخليـك .. . . . قالت عجـوزك مـا ابيهـا معايـا
خليتني وسط المصحه وانا ارجيك .. . هذا جزا المعروف وهـذا جزايـا
يـا ليتنـي خدامـة بيـن اياديـك .. . . . . من شان اشوفك كل يوم برضايـا
مشكور يا ولدي وتشكر مساعيـك .. . .وادعـي لـك الله دايـم بالهدايـا
حمدان يا حمـدان امـك توصيـك .. . . اخاف ما تلحق تشـوف الوصايـا
اوصيت دكتور المصحه بيعطيـك . . .. رسالتـي واحروفهـا مـن بكايـا
وان مت لا تبخل علـي بدعاويـك .. . . واطلب لي الغفران وهـذا رجايـا
وامطر تراب القبر بدموع عينيـك .. . .ما عـاد ينفعـك النـدم والنعايـا
(حسبي الله ونعم الوكيــــــــــــــل)
الله يـكــون بعــونهـــــاااا
اللهم اجعلنا بارين لوالدينا
:tears: :tears: :tears: :tears: :tears:
اخوووكم
الموااادع

هلا والله وغلا

أخوووي الموادع

عفوا ,,, لايمكنك مشاهده الروابط لانك غير مسجل لدينا <a href="register.php">[ للتسجيل اضغط هنا ]</a>

على هذه القصيدة التي

كتبت بدموع هذه الأم المسكينة

حسبنا الله ونعم الوكيل على هذا الأبن العاق

الذي إسترخص دموع أمه المسكينة

لا أقوول ألا أن يجعلنا الله مِن مَن يبرون بوالديهم

مشكووور وما قصرت

وأنتظر جديدك

أخوووك

أبو عبدالله

تسلم اخوووووووي ابو عبدالله واناملك الذهبيه

اخوووكم
الموااادع

تسلم يا وليدي على ها القصيده

يوم قريته تفطر قلبي حزن على ها المسكينه

أيـــــه ياوليدي ما كلن يوجس إلا اللي به

حسبي الله على ها العاق

أمك

شـمـة

نشكرر مرورك ياامنا شمه ونقووول انتبهي لاحد من اولادك يسويبك مثل هذا العاق هههههههههههههههههههههههههههههه

اخوووكم
الموااادع

:d20: :d20: :d20: :d20:
الأم نبع الحنان .. وبرالأمان ..
والحضن الدافيء ..وبلسم الجروح ..

الأم هي تلك الإنسانة التي تعطي وتبذل
دون مقابل ..

قصيدة مؤثرة جداً ..
وحسبنا الله ونعم الوكيل
على من كان سبباً في أن تذرف دمعة أمه ..

سلمت أناملك على القصيدة الرائعة ..

الله يسلمك ويعطيك الف عافيه على المرور الرائع
اخوووكم
الموااادع

قصيده محزنه وياللاسف كثر العقوق في هذه الايام ..
حتى اصبح لدى البعض انه امر سوي لا ضرر منه ولا عقاب وعتاب ..
تسلم اخوي الموااادع على القصيده الحزينه الشفافه ..
دمت بود ..

الله يسلمك ويعطيك العافيه
اخوووكم
الموااادع