السلام عليكم ورحمة الله وبركاته

من أولها اللي يبي يرحب أهلا وسهلا

واللي ما وده يرحب بهواه >> يعني بكيفه <<

على قوولت المثل حقي شيفه و تشرط ---> وياما لكم من الأمثال << وش عنده العجوز<<

المهم إني ما راح أقصر عنكم بشيء أبد

وأنا عجوز ما عندي إلا ها المكين

لأني ليقت بابكم مهجوج و على طوول دخلت ما عندي نيه أتمشى الرجلين يالله لك الحمد والشكر

ما بهن مسامير ما أطوول عليكم يا عيالي و بنياتي >> إقاله ما طوولت <<

يالله عاد أبروح أمرخ >> أدهن << إرجيلاتي فقس

وأنا أتنى >> أنتظر << ترحيبكم الحار اللي مثل علووب الحبحر

أمكم شـمـة

ياهلا وغلا بعجيزنا

اجي امرخ رجولتس عنتس تراتس تستاهلين ويالله حييه


>>>>جابت القهوه والتمر وقشده بعد

عاد كان ودي اجيب حلا بس انتي بتس السكر اخاف تنمرضين وتدعين علي


تبين اذوقك من شوكولاتتي المالحه

بس اخاف بك ضغط هههههههههههههااااي

ياهلا والله وحياتس واتمنى نكوون اسره وحده وانتي عجيزنا عاد يالله عطينا من سوالف منول

هلا والله ببنيتي شوكولاته مالحه

لا يامي الله لا يهنيتس تووي مرختهن تعرفين الشواغي تذبحن تالي الليل

ميير الحمد الله والشكر على عطايا ربي الله يديم علينا كل نعمه

والله يسلمتس على ها القهيوه اللي تصحصح الراس

أشووه أنطل لي تمرتين قبل لا يشفونن عيالي خابره بي سكر و محجوبه عن التمر

يا عال ربي يسلمتس ويخليتس لعين ترجيتس

أمك

شـمـة

هلااااااااااااا والللللللللللللللللله بعجوزنا
تو مااســـــــــــــــــــــــفرت وانـــــــــــــــــــــورت
ياهلااا والله بلي جاناااااااااااااء
يالله تبين القهوه بهيل ولا بدون <<<<<<مسويه اكرام الضيف
حيك الله ضيفه في منتدنااااء
يالله ونشوف سوالفك

هلا والله بالعجز كلهن
وش اخبار رجيلاتس ؟
وأم دحيم وأم عزيز وش علومهن ؟
تسمعين ولا الشوف شجر ؟

وابصير أكرم من شوكولاتة
أبصب القهوة وأجيب الحلى مو بس عرض بدون تنفيذ ..

سمي خالة الفنجال
عفوا ,,, لايمكنك مشاهده الروابط لانك غير مسجل لدينا <a href="register.php">[ للتسجيل اضغط هنا ]</a>

وهذا الحلا بس لاتكثرين منه بعدين تدوخين علينا من السكر
بعدين يقولون عيالتس الله لايعيد طحينية

عفوا ,,, لايمكنك مشاهده الروابط لانك غير مسجل لدينا <a href="register.php">[ للتسجيل اضغط هنا ]</a>

ونحن بانتظار سواليفك ..

حيا الله بنيتي دلع القصيم

تسلم يمينتس على القهيوه ما قصرتي

الله يطول عميرتس يا عل عمرتس عمر شعيب النبي

أمك

شـمـة

هلا والله ببنيتي طحينية طعمة

أبشرتس بخير ونعمة وترى أم عزيز وأم دحيم يسلمن عليتس

مرات علي الضحى وتقهوينا جميع

والله ما ردتس أشووه فنجالتس مع إنه إنشقت تسرشتي من قحن القهاوي

وكل قهوه أطعم من الثانية

وما قصرتي على الحلى قطي لي منه قنيطه >> قطعه صغيره << بسرعة قبل لا يجون

العيال وتسلم يمينتس يا عال ربي يفتح بيبان الخير بوجوتس يا بنيتي

وإن شاء الله أفغى روسوكم بالسواليف اللي تسركم أنتم آمروا بس وأنا حدر الطلب

>> تحت الطلب <<

أمك

شـمـة

نـرحـبـ بكِـ أجملـ تـرحـيـبـ فيـ

مـنـتـدى تـوبـ نـجـد

لا نـريـدكِـ ضيـفـة بـل صاحبة الـدار

حـيـاكِـ الله فـيـ مـنـتـداكِـ وعـلـى الـرحـبـ والـسـعـة

نـأمـلـ تـواصـلـكِ الـدائـمـ مـعـنـا

مـع أرقـ الـتـحـيـاتـ

أخووكِ

أبو عبدالله

يا هلا ويا مسهلا ..
تونا مانتبارك ..
وهذا البخور الهندي الطيب لاحلى عجوز بالدنيا ..
ولهييييييييييييييييييييييييييييييييييييييين على العجوز واخباره ..
وش اخبار ام عزيز وام دحيم ولهيييييييييييييييييين عليهم ..
يا حليلكم يا حليلكم ..
يلا ما طول عليكم سلااااااااااااااااااااااااااام ..

ياهلا ومرحبا
حيا الله من جانا
أسفرت وأنورت
والبنات ماخلو شيء لنا
كفو ووفو

أبو سلمان

تسلم يا وليدي يا أبو عبدالله

على الترحيب وها الحتسي اللي نقض جدايلي من الحياء

وما قصرت يا أبو عبدالله يا عال ربي يسعدك ويوفقك

دنيا وآخره

أمك

شـمـة

حيا الله بنتي عاقله بس مهبوله !!

بسم الله عليتس ما شاء الله عليتس ؟!

أي والله يا حليلكم يا حليلكم تسنكم بيت إهيلكم

يا عل ربي يثبتس بعقلتس ودينتس

ويهبطتس بإسمه

أمك

شـمـة

هلا والله بوليدي أبو سلمان

أنا أشهد إنك صدقت بقولتك

البنات كفوا و وفوا

بنياتي حريم سنعات بنات حمايل

ما يعرفن العجز والربادة ما شاء الله عليهن مكرمات الضيف

يا عل ربي يسعدهن و يسعدكم بدنيا وآخره

اللهم آمين

أمك

شـمـة