احبتي
بعد طول التوقف اليكم نصي المتواضع
تفضلوا





دربيني فالهوى ليـن افهـم انـواع اللحـون
كل شي(ن) قبـل اعرفـك مايسمّـى معرفـه
واطلعي بي لين اشوف الشمس قبل اول عيون
وانزلي بي لين انوش الليل بيـدي واكشفـه
حيث ليل الناس بعيونـك ومغربـه الجفـون
وشمسهم في وسط خـدّك بالرمـوش مكتّفـه
اشهد انك منوة اللـي ظـاع حقّـه يالفتـون
واشهد انـك غايـة القلب(المبعثـر) وهدفـه
الشعر شـلاّل ليل(ن)طشّتـه نحـل المتـون
وافترق من وين؟ ماتـدري تقـول بعاصفـه
لفّني لفّـة رضيـع وجرّنـي جـرة غصـون
جرّها سيل (ن) حقوق الصيف في القاع ذرفـه
اشهد ان الحب في قربـك روايـات الفنـون
هو (حقيقه) بس مايشبه (لهـا) بأيـة صفـه
ياعذاب القلب ياغيضـه وهـو قلب(ن)حنـون
خاف ربك في غريق (ن)موج حضرتك نسفـه

شكرا لك اخوى دمت بود