مهوب إنت المريض .. إنت الشفا


هلا بك .. هي هلا اللّي قالها الصايم ليوم العيد = هلا بك .. هي هلا اللّي قالها للغيث هالوادي
هلا بك .. هي هلا اللّي قالها يعقوب بالتنهيد = ليوسف يوم عاد..و عاد شوفه.. و أنكف الغادي
هلا بك .. كثر ما أمّنت خايف .. أو رعبت مكيد = هلا بك يا عدو همومنا .. وهلال الأعيادي
تصاغرت الهلا .. من كبر قدرك .. و اعذر الترديد = لأنك شامخ مثل الجبل .. له بالصدى حادي
حسدت الشعر .. يوم إنه طليق لك .. و أنا في قيد = وجبته يوم جاك .. و شفت فيه مراة حسادي
مهوب إنت المريض .. إنت الشفا .. يا قريّبٍ و بعيد = وانا أقول المريض اللي .. فقد طلّتك فبلادي
سلمت إنت .. و سلمنا من سلاماتك عن التنكيد = أهنّيك .. أو أهنّي الناس .. أو نفسي و أنا البادي
يابو كل اليتامى و الضعوف و معسر ومريد = غديت الشمس وقلوب الخلايق زهر عبّادي
عليك نخاف منك .. إلى رقدنا و إنت في تسهيد = تقل من كثر حب الخير .. صرت لنفسك معادي
تطلّبك المرض نفسك .. و قلت أبشر بلا تحديد = فلا والله أرد اللي طلبني .. لو يبي زادي
هذاك إنت الضليل الضافي الوافي مناة الغيد = هذاك إنت الكبير المنور المنثور بالكادي
هذاك إنت الأصيل الماجد الناجد سليل الصيد = هذاك إنت الرفيع المشرق البراق والهادي
هذاك إنت الوفي العارف الوارف ربيع البيد = هذاك إنت العظيم الشامخ اللّي فوق الأشهادي
هلا بك .. و القدر بالصدر .. لا عجز القصيد يصيد = قصيدٍ لا درى إنّه فيك .. سمى شارده عادي


اخوووكم

الموااادع

حكوْ فيها

خذَوْ في طاري الحلوه و جابوا

مسيكينه

بسيرتها تنابوا

و ذي صدق لشفاهي أبد ماهو قريب

بشر يا مصعب ارضاهم

و انا ماني حسيب

أنا سايق عليك الله لجل الله يا شامت

خلي الشوك من يدّك

و لا تطرف عيوني كحلت بالزين

لانام .. انا افداها اذا ودّك

يا هل ترى انتي وين يا بنت الشفاة؟

انا ادوّر عليك بصورتك

وينك ؟؟

أنا كني لمست رداك و ايدينك

ما شفتك بكلّ الكلام

شفتك على سجادتك

كنك تصلين القيام

و ليلك سرى بعبادتك

ما اصدقه ..

و الهرج ابد ما هو دليل

ما اصدقه ..

يعلّ يفداك الذليل

الله يستر خوافيها

اللي حكو فيها


اخوووكم

الموااادع

أنا هواي و بس بنت الجزيرة

كتب أحد الشعراء هذه القصيدة بعد عودته من المغرب، فقال:




ياللي تنشد عن علوم الذي طاف "=" كل البحور وكل دوله وديـره
خذ من علومي علم اوصافه اوصاف "=" جزل سمين يشتعل له سعيده
الزين عقب المغربيات ينــعاف "="غيد لهن بالزين ذكره و ســيره
فيهن حلا طاغي ولين و تعطاف "=" وفيهن حنان يشعل القلب غيره
حلوات وصف وفاهمات بالاعراف "=" زيننات منطق صافيات السريره
بنات قوم طيبهم غصـب ينشاف "="اولاد مغرب بالليالي العســيره
ياللي تنشد عن علومي بالانصاف "="هرجي يكفي صامله عن كثـيره
الزين في لميا وتغريد و الطـاف "=" ماهوب في حصه وكشره و منيره








فرد عليه طلال الرشيد - رحمه الله - بهذه القصيدة:




يابن الحلال ان طعتني خل الاسراف "=" واترك جمال الغيد لاهل البصيره
الزين موبس في الملامح والاوصاف "=" الزين روح وعفه وطيب سيره
مانيب من يهوى سريا وانصاف "=" انا هواي وبس بنت الجزيـره
بنت الخليج اللي تماري بالاعراف "=" وحنا نماري باسمها كل ديره
مالي غرام بقول وخا وبالـزاف "=" اذبحتني عند الطرحه المستديره
احب قولة ياهلا وعل وماخلاف "=" من بنت ثوبي بنت الارض النضيره
اللي تحلاها الظبي حلو الاطراف "=" جمال في عفه ورقه وغيــره
واللي بها سحر مهو سحر عراف "=" ياعل عين ماتراها ضريــره
عطف وحنان وذوق في لين الاعطاف "=" والى كشفت لثامها شفت أميره
صعب على اللي بالردي شاف ماعاف"=" وحلوه علىاللي سنه الله ضميره
شمس الى من اشرقت والدجا طاف "=" غابت نجومك غصب لو هي كثيره
السيف مايزهى سوى كف سياف "=" والخيل دون حصانها مستخيـره
بس أنت دورلك على قدك لحـاف "=" وان طعتني دور بدلنا عشيـره


اخوووكم

الموااادع

مريض اللي فقد "سلطان"


بشدّ لمشرق الشمس .. و بعلّق فوقها ديوان = أمانه لا وصلتي مغرب الشمس .. انثري قافي
أنا بلسان نجد أرسل .. قصيدة شوق .. من ولهان = على زهور النفل ريح الخزامى .. تنّده الغافي
تنهّد بالقصيد طويق .. سالت دمعة الصمان = من أنفاس القصيدة .. انصرم طلع النخل صافي
نختني للقصيد أرضٍ .. من الوادي .. إلى بابان = ثراها يشربك حبٍ .. و لا يرواك يا وافي
ألا يا شيخنا حبك .. عليّ الله من الإيمان = ما دام انت الوطن و الدار .. ستر العاري الحافي
غلاك اللي شرب كل الجوارح .. لين صار احسان = غديت من الغلا ملجأ .. لمن حبك معه خافي
لنابك هيبةٍ تفرح صديق .. و تجرح العدوان = و لك منا رجال تعد .. موتٍ دونك انصافي
تعلمنا المراجل منك .. لك بالمرجلة نندان = و لا نلحق معك .. ما يلحق الإعصار مع سافي
كملت إلا أن عذروبك بشر .. و عن البشر شتان = تطيح و تمترض .. ليتك مخلد دوم متعافي
سبقني للقصايد فيك .. من روس العرب اخوان = و لي بين الشموس .. سراج .. خوفي كيف ينشافي
و إذا كلٍ سبقني مدح .. اسمح لي بوصف انسان = حنونٍ في ضلوعه .. قلب طفل .. بحس شفافي
تقل شمسٍ إلى من .. بان بسمه يرجح الميزان = و كل الخلق عقب الشيخ .. سرج بعضها طافي
ألا يا أميرنا .. هنّ بسلامة حالك الخلان = فلا قبلك مريض .. يهني الزوار و اللافي
سِلِم .. من يوجع اقدامه .. و لا توجعه في ميدان = سلم .. من له دعينا الله .. رد الشيخ يا شافي
سلم .. من نار عينه تمن أهل الدار .. و الجيران = سلم .. من ضحكته تودع مريضٍ ميسٍ شافي
سلم .. من طوّع الشمس الشرود .. و عنها بعنان = تعلق في معارفها .. و يمم راس مشرافي
إلى قالوا مريض قل .. مريض اللي فقد سلطان = و إلى قالوا بعيدٍ قل .. قريب الهمّ لسنافي
نخيت الشعر .. أوصف وش تحس الناس لكحيلان = و إذا خان الشعر شاعر .. عسى يكون الغلا كافي


اخوووكم

الموااادع

حكاية شمس



كنك ملاك وطلع توه
الله وش كثر محلوه

ماعاد به غيرك حكايه
جيتي وكل ترك جوه

الليل لف ولمسها لمس
بعيونك اغرب حكاية شمس

وانتي الى الحين نسايه
ضيعت باكر عشانك امس

دايم اقرب وهو يبعد
وفي شفتك للشفق موعد

ويحط لاحزاني نهاية
من غيرك اللي قدر يسعد

ياللي تحلين اي لباس
يغار من جيدك الالماس

حرام تعذيب وكفايه
حني على الناس ياحلى الناس

والشمس تحضر بميعادك
من يقدر يلوم حسادك

تغازلك حتى المرايه
(( .... )) ياشمس والناس

بيضا وفيها سمار الحور
سمرا وفيها بياض النور

ماله بدايه ولا نهاية
من مثلك اللي جماله جور

والكامل بحق وجه الله
ياحلوتي كامله والله

ياللي لكل البشر ايه
من يشبهك حلوة الطله


اخوووكم

الموااادع

--------------------------------------------------------------------------------

إن حكت


ان حــكت غــار السكوت من الحكي=وان بــكـت يـحسـد مدامعها الغرور

كــنها والشمس خــصم ومشتــكي=وبــين ذيــك وذيــك عذبت السطور

الثــرى يـــا مــايـســــه مغــروركي=ومــن يــلومه ما يعرف سر الغرور

والجــمــال امــرايته فـــي وجـهكي=والبــها لــــه فـــي جـفن عينك فتور

الــحـــلا يــا حــلوتي شـــبّه بــــكي=مــنهكٍ حـــرفي ويشـكي به قصور

والحــروف اتـهني احروف اسمكي=والاريــــج اختال في عرس العطور

يا غــريره ياغــرورى مســــــلكي=تـهت والا تـاه عـن كـــــفي العثور

فـــي طريقي ضاعت الخطوه لكي=ماتـمـيز بيـن نــار وبــين نــــــور


اخوووكم

الموااادع

ورثـــي احـــرامـــي



أنا مابي من الدنيا 00وصول ٍ للعيون الدعج=وأظن الصدق يكفي00لو أموت00وورثي احرامي

حبيبي جاهل ٍ طاغي 00يحسب إن الجوارح ثلج=وأنا مالي شفاه وفم00صوتي ضيّع احلامي

إذا حبك ذبحني صد ّ00كل ٍ له بموتـه نـهـج=تشهـّـد بالعجاج البيد00قبل تموت قدامي

أنا غصن ٍ00وأنت اوراق00والعاذل خريف وعـج=و وش عذر الورق والغصن00لا يابس ولا ظامي

غديت الشايب اللي عاصب ٍ راس الزمان الحرج=كبير ٍ حـز ّم الدنيا على متنه 00ولا قامي

شليلي بالعفاف ابيض 00 على حالته يومه نسج=000 تدور الناس والدنيا00وأموت وورثي احرامي


اخوووكم

الموااادع

بـاريـس


واحد خايب..حظه تعيس

سافر تقسيط لـ باريس

كذب على ام العيال

رايح ادور عمال

جمع الورث

حصاد الحرث

وقبل يسافر ياساده

سجل في نادي كالعاده

يسوي برنامج تخسيس

قام يدور شنطه تكفي

وكل هدومه قبل يصفي

عشره فنايل علاقي

وشورت وشراب ماقيس

قالت ام عياله تكفى

خذ لك لبس شوي يدفي

قال فـ باله مسكينه

والله قدامي اللي يدفي

قام يودعها وقالت له

خذ بالك يانور عيوني

وتعوذ دوم من ابليس

قال فـ باله يامسكينه

ومن عازمني غيره!

ناطرني ابليس فـ باريس


اخوووكم

الموااادع

يا بعد حيي



اليوم يا بنت من زيي = الشمس واردت على ضيي

جيت انتخي بالوجيه البيض = يا عزوتي يا بعد حيي

الجادل اللي حلاها غير = ضيعت في شمسها فيي

بعيونها سلسبيل رماح = و الموت بالسود متهيي

موت و انا اموت انا بالموت = كثيرها غرّق شويي

لا قلت تكفين قالت جاك = و ان جيتها فجأة تعيي

و لا قلت مالي و مال الغيد = قالت وهم بينهم زيي ؟

و ان قلت انا تبت مالي كار = مقفي زمانين عن غيي

قالت و هي تلتفت للناس = طلال موته على يدي

اخوووكم

الموااادع

أوعدك


أوعدك

إن كان بعدي يسعدك

الليله أرحل

من الليله باختار الطريق

من الليله الليل الرفيق

و أوعدك

ما أعاتب أو ألوم .. إلا نفسي

و ما دام في قلبٍ معك

أوعدك

حبيبتي يا ليت

ما قولك يا ليت

و ما قد تمنيت و شكيت

حبيبتي ويلي

لا من غدى جسري

أنا لنسيانك انتي ذكريات

حبيبتي

ما أصعبه نسيان ذاتي

و إلا أقوم .. أوعدك

سريت

عن الليل اللي فـ عيونك

عن بلادك سريت

و أوعدك

إني أقول إني نسيت

بس أوعديني

لا زارني طيفك و أنا وحدي

إني ما أبكي

و أنك في قلبي تموتي

و أنك على عيوني تفوتي

و ما أعرفك

و أوعدك

إني من الليلة أموت

من يوم أقوم .. أوعدك

أوعدك

اخوووكم

الموااادع

ميت وأنا حي



بيني و بينك عرفت الموت = تحب و الحظ متجني

تبي الصدق حبها منحوت = و أصبحت منها و هي مني

أفرشلها القلب بالياقوت = و أقول يا دلي إتمنّي

صدري قصور و مدن و بيوت = و هي المليك اللي يحكمني

يا ويل ويلي عليها صوت = تحكي تقل كنها تغني

و سكوتها غير كل سكوت = كل شي فيها يكلمني

قد شفت شمس زرعوها توت = بشفاتها التوت متثني

يا حلوها و القلم مبهوت = وش يكتب بوصفها عني

هي دنيتي و الهوى و القوت = و إن غبت عن وجهها كني

متغرب و غربتي تابوت = ميت و أنا حي مستني

قولو لها لو يفوت الفوت = هو ينفع الصوت متعني

و قولو لها و الله إلا موت = لو خاب في حبها ظني


اخوووكم

الموااادع

الليلة إحساسي غريب


الليلة إحساسي غريب

عاشق ونا مالي حبيب

حبيت كل الناس لاموني

حبيت كل الناس باعوني

قلت أحب الحب أحسن

قلت أحب الحب أضمن

لا أحن .... ولا أتوه

ولا بعد في يوم أحزن

رضيت بأقداري ونصيبي

صرت محبوب الحبايب

وصار كل عاشق حبيبي

الليلة غير

شعوري غير

أشواقي غير

حتى الأغاني غير

صدري سما ... واحساسي طير

بس طيفك ماتركني

ظل ساكن تحت جفني

كان وافي...كان يذكر وإنت ناسي

إنت وينك ؟

كان هذا الفرق مابيني وبينك؟!

جيتني تشكي الزمن

وجيتك أبي أدفى

لقيت في قلبي وطن

ولقيت فيك منفى


اخوووكم

الموااادع

لحن بدو


حنا ولا من قلت حنا تحنا
كل الكلام بعطر تاريخ الاجداد

المجد هم وهام فينا وغنا
حتى علينا من على روس الاشهاد

يا كبر حظ الي نخانا و ثنا
نشد له فوق الفخر سرج وشداد

ان هلل التاريخ غطرف وطنا
وان سولفو عنا رجاجيل واجواد

وان بان لك شمس ترى ذيك حنا
نشرق مدام الظلم ظلما وحساد

يا بنت يمي كان رمشك تمنا
اشق لك ثوب السماء جود وعناد

واشدلك زملً جفن المعنا
واسري بوجهك لاغشى وجهي سهاد

يا حلو قدك يوم قدك تثنا
محدا تغنى فيك من خوف الالحاد

حنا البدو يابنت هذا لحنا
نحبك اكثر لاغدى حبك جهاد

وحنا البدو يا بنت لامن نخنا
بناتنا يثالث العيد الاعياد

وحنا البدو يابنت وان قلت حنا
فاح الكلام بعطر تاريخ الاجداد


اخوووكم

الموااادع

رسالة .. إلى صديق الطفولة


صديق الطفولة وش جرى لك مع الأيام=هي أنصفت دنياك والا أنت بك مثلي

فقدنا ملامحنا مثل ساير الأنام=عبث بنا جور الزمن والزمن يبلي

وقفنا جميع وبيننا حاجز الأعوام =صعيب ٍ وصولي لك.. ويا صعب لك وصلي

وأنا اشوف في وجهك طريق غشاه عتام =وذاك النخل واشوف دارك ودار أهلي

وسدره.. هي أكرم من أهل بيتها اللوام=وفي وجهك أصحابي.. عصى مدرسي.. وفصلي

وعود ٍ كبير ودايم ٍ فالظلال ينام=في ذكرياتي له بعد ملمح وجلي

وسور كتبنا فيه ذكرى عبث وأوهام =ولي في عيونك صورة زانها جهلي

بثوب تبلّل بالمطر والتراب وشام =وأنا حب أسير الْعَب وهي حافيه رجلي

أنا وانت طفل وطفل دايم رضى وخصام=بكانا سهل والضحكة أمرٍ بعد سهلي

دعاني بوجهك ناده ٍ ينده الأحلام=معه رمح مدري هو علي غاضب.. أو لجلي

أنا كيف أباصل والأمل خلف مو قدام =كثير الأسى والسِّهد يا من فعل فعلي

اخوووكم

الموااادع

موت الإحساس


قالت نصيب وقلت يومك تبيني

غصب على الدنيا ... يدك في يديني

لا تظلمين الوقت وش ذنب الايام

لو اقبل اعذارك يعيي حنيني

غديت ما بين الرجا .. فيك والياس

هذا .. يبي مني وهذا .. يبيني

ان قلت شنت وخاطري طاب كذاب

وان قلت ابيك ارخصت نفسي بعيني

خيرني امري بين اصعب خيارين

موتي انا او موت الاحساس فيني

اخوووكم

الموااادع

يا زمان الذل

%%% (( أخر قصائده قبل وفاته بشهر(رحمه الله))) %%%


أسلحتنا في المصاحف

يا زمان الذل

.. زل..

ما بقى في الناس شيمه

وما بقى للعدل خِل

ومن كثر ما حنا صغرنا

صرنا حتى بدون ظِل

صرنا ما نملا المحِل

صرنا أمه تحتقرنا

كل أرذال الأمم

لاتصدق ياعزيزي

بالعروبه والقيم


يا زمان الشيخ بوش
يكفي هزأت المبادىء

يكفي أحرجت العروش

الكرامه يا طويل العمر ما تكفي النعوش


يا زمان البيت الابيض
إنت مالك أمر يرفض

تبغى هذا الدين أطول

تبغى هذا الشرع أعرض

إنت إكتب وإحنا نحفظ

مو غريب

لو نَحَسْب الخبث طيب

ومو غريب

نصرخ ولا من مجيب

ومو غريب

لو يكثر أعداد الأرامل

فبلاد ما ترضى الهوان

وحكومة ما تعرف تجامل

ومو غريب

لو تعتبر حتى عصا الكهل العجوز

أسلحة دمار شامل


يا زمن نهب المتاحف
جانا جيش الحقد زاحف

جتنا لعلوج الزواحف

فتشوا حتى العقول

وأسلحتنا في المصاحف!!


يا زمن أمريكا شكراً
أنتزعت الأقنعه

إنت ازلت الأقنعه

وانكشف وجه النوايا

واتجاه الاشرعه

ما نصدقهم خلاص

وما بقى من نسمعه

كل ذولا إمعه


بس خلك مستريح
الصحيح

يوم هب الحقد من واشنطن ولندن

كذب باسم المسيح

الكل فضل ينحني

وبغداد اختارت تطيح


يا زمان الازمنه خليك شاهد
إحنا مو ناقصنا واحد

هو صلاح الدين

احنا ألف مليون واحد

هم صلاح الدين

حنا بس بعيب واحد

هو.. فساد الدين

يا زمان الذِل

حِــل

قلت لك مالك حِل


اخوووكم

الموااادع

بعض الأحباب


ما قلت احبك ولا قد قلت ما حبك = احب مالي عيوني وانت تـسـواها

لو تدري اش كثر تعني لي تعرف انك = اخر امل في حياتي واول مناها

ياكثر احس ان بك مني وبي منك = روح قسمها على شخصين مولاها

لا تقول وش تحب فيني اعشقك كلك = من ليل شعرك لكلك واخر اقصاها

سميتني نصـفــك الثاني ويا شحـــك = انا بسمـيـــك كلي وانــــت معناها

تعبت اوديك له يا قلب ويردك = لا اخذ حلومي ولا خلاني انـســاها

كل الحمام استراح وناح في ظلك = والورد الاصفر سقته الروح من ماها

ليتك بعمري ثلاث اشخاص ماملّك = واحد معي دوم وواحد روحي يملاها

والثالث بجفن عيني لا فقد حسك = او غمض الجفن جاني فيك يتباهى

مو بس احبك انا والله من حبك = احب حتى ثرى الارض اللي تطاها


اخوووكم

الموااادع

حبيبتي


حبيبتي لا من غديتي لي ســراج اتـــبعه =وكني غديت من الظما اركض ويطردني السراب
لا تبخلين اليا شربتك ماشربتك من سعه =دامي من جروح الهموم الموجعه كلي صواب
اليوم مرتني السواني والفصول الاربعه =اليوم مريت المواني والمباني والسحاب
اليوم ماكني لقيتك مر صوتك ماسمعه =اليوم ما كني فقدتك من سؤالين وجواب
يابنت في خدك وهج سيل الشموس الساطعه =احـرق بداخل داخلي انسان ماهو للتراب
واللي خلق ظلم الليالي بالعيون الهاجعه =اني من الحرمان اتسائل وحرماني جواب
يوم الوداع تخيلي مالي حبيب اوادعــه =محروم انا وتخيلي محروم حتى من العذاب
يابنت لي قصه تطول بكلمتين موجعـــه =هي باختصار اني انا اركض ويطردني السراب


اخوووكم

الموااادع

العواذل


حبيبتي كل العواذل تشابه = قلبٍ ظلام ووجه يشبه للأصحاب

ولا ما غدى لك صاحبٍ ينحكى به = لا تسمعي أن كان لك قلب وأحباب

إلى مشيت الدرب يلهث سرابه = وإلى سكنت الدار ناداني الباب

وشلون أنام وهم قلبي صوابه = والشوك ينبت بين جفنين وأهداب

تعبت امني .. الأسئلة بالاجابة = وانطر شروق الشمس والشمس بغياب

وتعبت أناظر والمعنى عذابه = أنك بعيده والملا دونك حجاب

اجمع كلام وما أعرف الإجابه =وعندي شعور صدق والوقت كذاب

كل النجوم اللي امطرت من سحابه = حبيبتي دمعك جرح قلب واتراب

واللي وقف ما بين بابي وبابه =قلبٍ ظلام .. ولابس ثوب الأصحاب


اخوووكم

الموااادع

أموت من فرقاك


أموت من فرقاك وأموت بلقاك = وأموت من جورك وأموت بحنانك

كلٍ قضاه يمــوت مرّه .. و يفداك = و أنا أموت ألفين مرّه عـشــانك

أذكرك .. لا مني نسيت إني نسيتك = أنـسـاك .. لامني ذكرت نسيانك

رضيت أنا بالهم لرضاك مرضاك = و ارخصت لك قلبٍ جرحته وصانك

أجيك في صدري عتاب .. وابجفاك = وأرجع ألوم الوقت و أقول خانك

أحب فيك ..احساسي إني بلا ماك = في عز خوفي منك أحس بأمانك

عجزت أفرق بين وصلك وفرقاك = ياللي عطيت الناس بيدك عنانك

مر تجيني لين أقول إني إيـاك =و مر تروح بعيد و انسى أوانك

أقبل و تقفي واعتذر عن خطاياك = و أقول ما عييت .. عيا زمانك

وإن خانتك دنياك أو خنت دنياك = إرجع و تلقابي .. مكانك،مكانك


اخوووكم

الموااادع

يا طاهرة


يا بنت أنا ماني كذا .. و ظنونك تكذّب عليك=كلّي عيوب و ما قوت تخجلني ظنونك و أتوب

أكذب عليك و دوم أخونك و ألبس الأبيض و أجيك =و أعشق معك ألفين وجه و يمتلي صدري قلوب

أحلى الكلام أقول لك لو قلته البارح لذيك=ياقف على شفاهي معك مراهقٍ صبٍّ لعوب

أكذب و لا أدري ليه أكذب أعشقك ما أرتجيك=أخاف من صدق الحقيقة في الهروب من الهروب

و الله أحبك و أعشك و أعرف زمان لي أبيك=لكنها هذي الحياة اتعلمت منا الذنوب

العين عجزت تعتقك .. القلب عيا يشتريك=في السجن خيّالٍ وفي .. في الصدر رجالٍ كذوب

هذي الحقيقة ما يجي في الكون أطهر من يديك=و أنا الذي أنقض وضوء الغيم و الماء و الهبوب

أنقض عيوبي فوق متني و انتي لعيبك شريك=و باكر تبسم لي وجيهٍ لك يعبّسها الشحوب

يا طاهرة حنا كذا و المظهر يكذّب عليك=يمكن يجي يومٍ يجي نخجل من ظنونك .. نتوب


اخوووكم

الموااادع

مشتاق و مضنيني الفراق


مشتاق ومضنيني الفراق
يا عيونها خذي من عيوني تعب
واعطيني من جفنك فتور
وابكي علي لو بالكذب
مليت بك طبع الغرور
يا عيونها مشتاق
وللدمع مع جفني عناق
مشتاق ومضنيني الفراق
يا اجمل الخود
كنت الامل وانتي الوعود
وهجرني من هجرتيني دفا بيتي وانا فبرد الشتا موعود
ايا مسكين يا قلبي انا ماشي وهو يلتقت لك عود
ايا مسكينه يا روحي تحب اللي يعذبها و يزيد صدود
وحشتيني
كثر ما خانني هذا الزمن واكثر وحشتيني
احبك حب اكبر حيل من كلمة احبك واسألي عيني
يا اقرب من نظر عيني لعيني
يا ابعد من حنانك عن حنيني
امانه كيف تنسيني
وانا من ليلة التوديع الين الحين
احس ايديك بايديني


اخوووكم

الموااادع

ما جته في موعده


يحتريها موعد آمال كبار ناجته
يحتريها حافظ بعض الكلام اللي يبلغ حاجته
يتأمل بالوجيه يتحراها تجيه
والثواني يأس يرجي وترتجيه
لا تأمل بالوجيه
موعدك لا ما تجيه
وما جته
الناطر الموعود اشبهه بالعود
اللي وقفت يوم على متنه حمامه
راحت وناطرها تعود
طويل النفس ليله
ويرجي صبر حيله
ويله
كم تأمل بالوجيه وكم تحراها تجيه
وما جته
لو قيل لي ان القمر ياطا على متون النجوم
والشمس لا جا الليل ترخى جوانحها و تنوم
وان الغيوم قلب على الصحرا حنون
اصدق وما اصدق تجيه
اللي على خده يده
واللي الامل باسمه نده
قم تأمل بالوجيه
موعدك يمكن تجيه
وما جته


اخوووكم

الموااادع

ذكرى الفراق




اليوم ذكرى الفراق ومرت اول iiسنـه
اليوم لي عام متغرب وحيـد iiوحزيـن


اليوم انا ضيف جرحي جيت باطمنـه
اني جمعت الدموع وجبت امانة iiاميـن


ما يجرح الصادق الا غدر من iiيامنـه
لا جت من احباب قلبك لا تلوم السنين


مليت من هالاماني دام مهـي ممكنـه
لاهي تحقق ولا ياسي بوجهـي iiيبيـن


لوين انا وانت مثل الشمس iiوالازمنـه
مع كل صبحٍ يجددني لشمسـك حنيـن


لا قلت احبـك احبـك كنهـا iiدندنـه
او كنها وردةٍ مابيـن اصابـع iiجنيـن


يا اجمل الناس لك بين المـلا هيمنـه
كثير غيرك ولكن مين مثلـك و iiويـن


يا عاذلي خذ عيونـي يمكـن iiتثمنـه
تشوف عيبه وانا اشوفه ملاك حسيـن


امس افترقنا وانا احسب مرت اول سنه
يا طولها ليلة الفرقـا سنـة iiللحزيـن


اخوووكم

الموااادع

آخـر حـب




كنت احسب اني عرفت الحب قبل iiاعرفك
وعشقت قبل اعشقك واشتقت قبل iiالتقيـك


وكنت احسب اني لقيت احباب قبل اوصلك
واثري توهمت في غيرك وانا كنت iiابيـك


تعال نعطـش وتشربنـي وانـا iiاشربـك
تعال قبل الوعد اجلـس معـي iiنحتريـك


تعال شفنـي وانـا استنـاك ك iiاشبهـك
يطري علي الف راي و راي iiواحتارفيك


اجي مكان الوعـد والا اسبقـه iiانطـرك
والا آخذ الموعد اللي يحتريـك iiواجيـك


يا آخر الحب ذقـت الحـب فـي iiاولـك
ويا اول الشوق اقصى الشوق ما iiينتهيـك


علمتني كيف اعرفك لين صرت iiاجهلـك
ضيعتني في متاهاتـك وكنـت ارتجيـك


حبيـب الاحـلام يابعـدك iiويامقـربـك
حـرام يكفـي تبعثرنـي وانـا iiاحتويـك


ان شفتك بحلـم صدقتـه وانـا iiاتوهمـك
وان شفتك بعلـم كذبتـه اليـن iiانتشيـك


اخاف اغمض عيوني وان رمشت iiافقـدك
واخاف افتح وتصبـح حلـم ولا التقيـك

اخوووكم

الموااادع

عيون الحب



عيون الحب لا يمكن تناظر=عيوب الخل لوهو عيب كله

تماري فيه وبوصفه تكابر=ترى من فوق خلق الله محله

رفيق الليل في الشباك ناطر =واثاري الليل شباك لخله

حفظ احلى الكلام وصار شاعر =بصبر ينتظر والصبر مله

حبيب عشت في دنياه عابر =حسب قوله ويا شعري فقله

انا ضحيت له وارجي وصابر=واذا عيا اقول الله يحله

على الملتاع الا يا بعد باكر=يبي السلوان والذكرى تظله

صحيح ان الهوى سحر المشاعر=يراه الصب عز لو يذله

عيون الحب في قلبي تناظر =تشوف اللي عيوني ما تدله


اخوووكم

الموااادع

تنهيدتين و نار


كـلـّمـنـي عـنّـك

أبعرف كل شيٍ عنّك منّك

قلـّي وش أول جروحك

قلـّي وش آخر أمل ترجيه روحك

إحكي عن طبعك

وعن ربعك

عن اللي يهـزّ دمعك

قلـّي وش معنى الحياة

قلـّي بأنفاسك متى قد قلت آه

إحكّ لي عن الحب

إحكّ لي .. إحكّ لي

إحكّ لي عن الشوق

طـر بـي فوق .. فوق

خـذنـي منّك

وإحكّ لي .. عنّك

الـصـدق

إن الأمل من قبل أعرفك .. كذب

والتضحيه أوهـام

وإني أنا من قبل أعرفك

كنت أعرف أنـام

كان السهـر مـو هـالسهـر

لعب .. و أغانـي .. و إخـتصار

صار السهـر تفكير

صار إنتظـار

صار إحتظـار

صار السهـر .. تنهيـدتيـن ونـار

* * *

يا منتهـى أمـري

بالهمس قلـّي مرّه يا عمـري

وطـر بـي فوق .. فوق

خـذنـي منّك

وإحـكّ لـي .. عـنّـك

طلال الرشيــــد

اخوووكم

الموااادع

عيون الصغار


وجهك غضب .. وجهك عروس

يضوي مدى .. يحرق نفـوس

تشبه لك الشمس الشموس

! .. و مـا لـمـحــتــك

سـلام يـا أحلـى الأنـام

دربـي مثل عينك ظـلام

تشبه لك أسراب الحمام

! .. و مـا وصـلـتــك

يا صوتها الرايح وجاي

مابين أشواقي وشقاي

تشبه لك الونّه و ناي

! .. و مـا سـمـعـتــك

حبيبتـي والبـوح نـار

إنتـي أنا بكل إخـتصار

تشبه لك عيون الصغار

! .. و مـا عـشـقـتــك

يا مهرتي البيضا الأصيل

تلعب و انا صـبٍّ نحيل

تشبهك غابات النخيل

! .. و مـا سـكـنـتـك

يا غـاية الحلـم المحال

مثلك أنا حلمي الوصال

يشبهك في الشاعر خيال

! .. و مـا كـتـبـتــك

طلال الرشيــــد


اخوووكم

الموااادع

علمتني


علمتني وشلون احب
علمني كيف انسى
يابحر ضايع فيه .. الشط والمرسى
علمتني وشلون احن
علمني كيف اقسى
سير علي .. بس امسح دموعي وروح
سير علي .. جب لي معك قلب وروح
سير علي .. اذا تذكرت الجروح
ياطاغي النظرة .. خطا
تجزى بهالبخل العطا
وانا اللي اهديتك أمن.. عين وجفن
هذي فراش وذا غطا
ياجرح من وين ابتدي
وانت معي من مولدي
وعيت يدي .. على وداعك تهتدي
بس انت علمني الجفا
دامني عجزت اعلمك .. كيف الوفا
علمتني كيف السهر .. ونسيتني الممسى
علمتني وشلون احب
علمني كيف انسى

اخوووكم

الموااادع

محتاج لك



انتي بكف وباقي الخلق في كف=متعليه في وسط قلبي ولك شان


في غير وصلك مالقلبي ترى شف=محتاج لك يانور عيني وشفقان


لا جابوا اسمك صرت انا تقل مختف=مالي على نفسي الى اطروك سلطان


من غير حبك غضت عيوني الطرف=جمالك صار للزين عنوان


اريد انا قربك ترى ياغذا الحرف=وان ماحصل موتي ودنياي سيان


طلال الرشيــــد


اخوووكم

الموااادع

بعض الأحوال


أنا مقدر أكون .. اني حبيب في بعض أحوال
أنا كلي أجي .. و الا أروح بعزتي .. كلي


تخيرت الفراق و مادريت إن الفراق وصال
أقول اني نسيتك بس مدري كيف تاصل لي


خذاني لك سؤال في عيونك و الجواب محال
خذاني منك دمع في عيوني مارضى ذلي


رحلت انت و تركت بداخلي طيفك و صبر طال
غدت ذكراك شمس ما تغيب و صورتك ظلي


حكيت و مالقيت من الحكي الا الندم موّال
سكت و مت بالحسره و لا ادري و شهو احسن لي


أحبك كل مافيني يحبك يا خلي البال
تخيلتك دواي و صرت جرحي الصعب يا خلّي


تعبت أرحل مع وجيه البشر بانساك بالترحال
و لا ادري وش يجيبك في وجيه الناس و اهلّي

اخوووكم

الموااادع

جتني


جتني وشافتها عيون حايرات

ذا شعاع الشمس او هذا سناها


ضاعوا اللي جوا معاها مسيرات

واقبلت تمشي تقل محدٍ معاها


ياسنا الفضه وياجيد المهات

ياشذى نبت الخزامى في وطاها


قلت كن بوجنتك زهر النبات

قالت ان الرمش يجرح لي صفاها


تجرح الظلما عيون ناعسات

سلهمت وأغضت تغطرس في بهاها


حققوا بالشوف في لون الشفاة

هو خذا منها الشفق والا عطاها


ولو ظلام الليل يعطينا ثبات

فيه من لون الشعر والا كساها


كيف أباصف زين كاملة الصفات

كيف أباصل في حروفي منتهاها


اخوووكم

الموااادع

اللقب ...!!



يــا صـغـيّـر مـــا يكـبـرنـي لـقــب=وما يصغرنـي إذا انكرنـي صغيـر

ما خذينا الصيت من جمع الذهب=ولا نسابـة شـيـخ او قـربـة اميــر

كاسبينه من هل السيف الحدب=الجنـايـز كــان مــا جـــاك الـنـذيـر

صيتهـم نجـم ٍ علـى رأسـه لهـب=سمعوا الصقهان به واجهر ضرير

بالـوفـا تـاريــخ أبـيــض ينـتـصـب=لا حكـوا بالـحـق حيـيـن الضمـيـر

ضيغمـيـن للسناعـيـس انتـسـب=لابــةٍ طـلـنـا بـهــا عـــرش كـبـيـر

عنـد حـدك يــا كثـيـر الـهـرج تــب=لا تـمــر الــنــار وثـيـابــك حــريــر

كــان لــك عـــز بـذلــي فتـعـقـب=والله ألا تبـطـي وحبـلـك قـصـيـر

احسبـنـك مــن صنـاديـد الـعـرب=واثــر ساتـرتـك عبـاتـك يــا غـريـر

ما حسب للسوس زراع القصـب=والقـراده مــا درى عنـهـا البعـيـر

ولـو حسبنـا للحسايـف والتـعـب=مـا بذرنـا يــا العصافـيـر الشعـيـر

عـن هللـك ابـراي لله واحتـسـب=الرجـال الـلـي مجـارهـم عسـيـر

من قريش المصطفـى وابولهـب=والدغالب ما غشت عذب الغديـر

للرجـال مــن الرجاجـيـل العـتـب=والزكـاة تحـل فـي حــال الفقـيـر

لعنـبـو وقـــتٍ غديـنـابـه حـطــب=تـحـرقــه نــــار يـثـورهــا اجــيـــر

ما ألومك والزمن سـوى العجـب=هـو بقـى غيـر الكرامـه بالجفـيـر

مـا أذل وراســي يـشـم المـهـب=لـو بقـى مـن شمـر طـفـلٍ غـريـر

مــا اهــاب ولا يزلزلـنـي غـضــب=الشجـاعـه ورث الـعـاقـل غـزيــر

يــا صـغـيـر مـــا يـكـبّـر باللـقـلـب=غير من هو كان من دونـه صغيـر


اخوووكم

الموااادع