بسم لله الرحمن الرحيم

القصه)

بصرحه هي قصه طويله بلحيل بس بحاول اختصرها لكم .....

هذا شاعر قديم كان له صديق كل يوم يطلعون هو وياه الصبح بدري ....

يعني يروحون للبر او يروحون للصيد ... المهم الشاعر هذاكل ماطلع من بيتهم هو ورفيقه

يقبلون سياره تطلع من نفس الحي الي هو ساكن فيه

ويوم من الايام طلعو سوى الشاعر ورفيقه بسياره وحده ....

صدفه شافو السياره الي تباريهم كل يوم المهم .....

السياره هذي نوعها جمس اكيد تعرفون الجمس سياره عائليه كبيره

المهم انه صادفه هذا الجمس يوم من الايام .....

الشاعر معجب في السياره وكان الجمس اول البدو يحبونه ويرغبونه

قال الشاعر لرفيقه ..... شوف يابو فلان الجمس وش زينه قاله رفيقه ولله نضيف

المهم ..... في السياره بنت تركب في المقعده الخلفيه للسياره ,,,,,

شافها الشاعر ..... والبنت كانت مظهره يدها من قزاز السياره .....

وكانت لبسه ((( دبله))) يعني كنها تقول لشاعر انا مخطوبه .... المهم ان الشاعر جاه الهام الشعر

وقال الشاعر

( القصيده وهي قصيده الدبله)))))

الكبد من هالايام مندبله

مايشيل الهاف لو ربع مافيها

لي صديق كل ماضقت ابندب له

ونشده عن ضيقتي وش تاليها

وشتكي له حب لباسه ( الدبله)

انتحت عني وانا موله فيها

من يضيع عشقه ضيع قبيله

ولله اكبر ينعش الورح طاريها

كل ماابعد قمت اوصي ونجب له

دايم رجلي على الدرب محفيها

وان قرب عندي وعزمت اقرب له

خفت من علم يجيها ويوذيها

نو عين صويحبي يبرح العبله

طلعها ممشات يوم لرميها

في خلي تنبت الشيح والربله

بعد ولله يابو صالح حراويها

وش وش رايك لو حصل منه لي قبله

ناري اللي بلحشا ماتطفيها


وسلامتكم نيابه عن الشاعر )

منقول (( قصه وقصيده(( الدبله))


اخوووكم

الموااادع

__________________