يا دمعتي طفي في القلب نيران
يادمعتي لا تحبسين السكايب

يا دمعتي هلي من الدمع أحزان
ليت ولعل الدمع يخفي نكايب

وش حيلة المذبوح بالصمت عجزان
يدفع سنين السيف وحلمه سرايب

الليل بالمسفع صلى بشكران
ونا خفوق القلب صلى ورايب

ياحي ياقيوم يارحمة الوجدان
تنزل بهالمخلوق نسمة هبايب

مايعرف الظالم ولاهو بجحدان
معروف يصنع له وحكيه أطايب


الي في الخاطر يحكيه عجلان
ما يرتضي الشينه ولاهو بعايب

عطيته تغرق بحورن وبلدان
وما ينتظر نظره وجوده غرايب

لكن حظه عاثرن بين الأزمان
ما أنصفه وجه الزمن والقرايب

وده ويتمنى علمن وله شان
والروح ماتعجز والفكر جايب

أصفي النيه عن فعل غلطان
وأرد بالشيمه والشهد ذايب

يشهد علي الله ماقلت نكران
والا الخطا يصدر والعبد تايب


اخوووكم

الموااادع

__________________